មន្ត្រីសិទ្ធិមនុស្សរបស់អង្គការសហប្រជាជាតិ (អ.ស.ប) អ្នកស្រី ហ្វ្លាវា ផាន់សៀរី (Flavia Pansieri) នឹងមកបំពេញទស្សនកិច្ចនៅប្រទេសកម្ពុជា ពីថ្ងៃទី២៨ ខែមេសា ដល់ថ្ងៃទី២ ខែឧសភា ឆ្នាំ២០១៤។
សេចក្ដីថ្លែងការណ៍របស់ឧត្ដមស្នងការអង្គការសហប្រជាជាតិ បញ្ជាក់ថា នៅក្នុងអំឡុងពេលទស្សនកិច្ច អ្នកស្រី ផាន់សៀរី (Pansieri) នឹងពិនិត្យមើលស្ថានភាពសិទ្ធិមនុស្សនៅប្រទេសកម្ពុជា។ អ្នកស្រីនឹងទៅទស្សនកិច្ចពន្ធនាគារ និងមន្ទីរឃុំខ្លួនផ្សេងៗដែលទទួលជំនួយបច្ចេកទេសពីការិយាល័យឧត្ដមស្នងការសិទ្ធិមនុស្សរបស់អង្គការសហប្រជាជាតិ និងកន្លែងតាំងទីលំនៅថ្មីសម្រាប់អ្នកដែលត្រូវបានគេបណ្ដេញចេញពីដីធ្លី។
អ្នកស្រី ហ្វ្លាវា ផាន់សៀរី គឺជាមន្ត្រីសិទ្ធិមនុស្សជាន់ខ្ពស់បំផុតរបស់អង្គការសហប្រជាជាតិ ដែលមកបំពេញទស្សនកិច្ចនៅប្រទេសកម្ពុជា ចាប់តាំងពីឆ្នាំ២០១០។ ឧត្តមស្នងការរងនឹងធ្វើសន្និសីទសារព័ត៌មាននៅពេលបញ្ចប់ដំណើរទស្សនកិច្ចរបស់អ្នកស្រី នៅថ្ងៃសុក្រ ទី២ ខែឧសភា នៅវេលាម៉ោង ៣រសៀល៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។