បក្សសិទ្ធិមនុស្ស៖ រដ្ឋគួរមានផ្ទះដាក់ជួលឬលក់ក្នុងតម្លៃថោក
ដោយ សាន សុវិទ្យ
2008-05-12
គណបក្សសិទ្ធិមនុស្ស បានបញ្ចេញយោបល់ថា រដ្ឋាភិបាលគួរតែមានផ្ទះរបស់រដ្ឋសម្រាប់ជួលក្នុងតម្លៃទាប ឬដាក់លក់ក្នុងតម្លៃថោក ដោយកាត់ប្រាក់រំដោះបន្តិចម្តងៗ សម្រាប់ប្រជាពលរដ្ឋ ។
គណបក្សសិទ្ធិមនុស្សកាលពីថ្ងៃសុក្រកន្លងទៅថ្មីៗនេះ បានចេញសេច្កតីថ្លែងការណ៍មួយ បញ្ចេញយោបល់ថា រដ្ឋាភិបាលគួរតែមានផ្ទះរបស់រដ្ឋសម្រាប់ជួលក្នុងតម្លៃទាប ឬដាក់លក់ក្នុងតម្លៃថោក ដោយកាត់ប្រាក់រំដោះបន្តិចម្តងៗ ផ្អែកតាមប្រាក់ចំណូលប្រចាំខែរបស់មន្ត្រីរាជការ ប៉ូលិស ទាហាន អាជីវករតូចតាច អ្នករត់ម៉ូតូឌុប ឬអ្នកធ្វើការតាមសណ្ឋាគារ តាមភោជនីយដ្ឋាន ដែលចេះតែមានចំនួនច្រើនឡើង ហើយកំពុងខ្វះខាតជម្រកជ្រកនៅ ដោយសារតម្លៃដីធ្លីបានកើនឡើងយ៉ាងគំហុកនាពេលបច្ចុប្បន្ន ធ្វើឲ្យប្រជាជនប្រឈមមុខនឹងបញ្ហាខ្វះជម្រកកាន់តែខ្លាំង ។
គណបក្សសិទ្ធិមនុស្សកត់សម្គាល់ថា ខណៈដែលចំណូលរបស់មន្ត្រីរាជការ កម្មករ និងអ្នកធ្វើការតូចតាច មានត្រឹមតែ៤០ ទៅ ៦០ដុល្លារក្នុងមួយខែ ផ្ទះល្វែងមានតម្លៃពី ៤ ទៅ ៩ម៉ឺនដុល្លារ ហើយតម្លៃដីនៅភ្នំពេញក៏បានកើនក្នុងកម្រិតអតិបរមា ពី ១ពាន់ ទៅ ២ពាន់ដុល្លារក្នុង១ម៉ែត្រការ៉េ ។
គេនៅពុំទាន់ដឹងថាតើរដ្ឋាភិបាលមានប្រតិកម្មយ៉ាងណាទៅនឹងសំណើនេះរបស់គណបក្សសិទ្ធិមនុស្សនៅឡើយទេ ៕
ឧបករណ៍រឿង
|
អ៊ីម៉េល |
|
ព្រឹត្តិបត្រព័ត៌មាន |
|
បោះពុម្ព |
អត្ថបទដែលទាក់ទង
នាយករដ្ឋមន្ត្រីខ្មែរអំពាវនាវកុំឲ្យប្រទេសនានាពឹងអ.ស.ប.រៀបចំការបោះឆ្នោត
អនុប្រធានគណបក្សសិទ្ធិមនុស្សចុះចូលជាមួយគណបក្សប្រជាជន
វិស័យអភិបាលកិច្ចនិងសេវាសាធារណៈនៅកម្ពុជាត្រូវការការកែទម្រង់
សម្ដេចក្រុមព្រះ នរោត្តម រណឫទ្ធិ ដកព្រះកាយពីសង្វៀននយោបាយ
ហ៊ុន សែន៖ រដ្ឋាភិបាលថ្មីនឹងមិនមានការចូលរួមពីបក្ស"រណឫទ្ធិ"ទេ
ហ៊ុន សែន៖ មន្ត្រីបក្សប្រជាជនទទួលខុសត្រូវទាំងស្រុងសម្រាប់អាណត្តិទី៤
សម្ដេចក្រុមព្រះ នរោត្ដម រណឫទ្ធិ យាងត្រឡប់មកកម្ពុជាវិញហើយ
មតិអ្នកតាមដានស្ថានការណ៍នយោបាយខ្មែរជុំវិញការយាងមកវិញនៃសម្ដេចក្រុមព្រះ
នាយករដ្ឋមន្ត្រី៖ កម្ពុជានឹងធ្វើច្បាប់ស្ដីពីការគ្រប់គ្រងអង្គការក្រៅរដ្ឋាភិបាល
សម្តេចក្រុមព្រះនឹងយាងមកដល់ខែត្រសៀមរាបនៅថ្ងៃអាទិត្យនេះ
