ក្នុងរបាយការណ៍មួយ ចេញដោយគណៈកម្មាធិការជាតិផ្នែកចាត់ចែងកំណែទម្រង់វិមជ្ឈការនិងវិសហមជ្ឈការ គេបានរំឭកដល់រាជរដ្ឋាភិបាលឲ្យចាត់វិធានការដោះស្រាយបញ្ហានេះឲ្យបានរហ័ស បើពុំដូច្នោះទេ វានឹងប៉ះពាល់ដល់ការងារកែទម្រង់របៀបគ្រប់គ្រងប្រទេសនេះ។
លោក ង៉ាន ចំរើន អនុប្រធានគណៈកម្មាធិការនេះ ប្រាប់កាសែតថា រដ្ឋាភិបាលរួមនឹងដៃគូអភិវឌ្ឍន៍ចំនួន ២០ទៀត បានចំណាយថវិកាពី ៧៥ ទៅ ៨០លានដុល្លារ រៀងរាល់ឆ្នាំ ក្នុងការអនុវត្តឲ្យសម្រេចទិសដៅក្នុងកម្មវិធីជាតិនេះ តាមឃុំទាំង ១.៦២១ឃុំ៕