សង្គមស៊ីវិលសុំឲ្យអន្តរជាតិឃ្លាំមើលសវនាការកាត់ក្ដីអ្នកបឹងកក់១៣នាក់
អង្គការអន្តរជាតិចំនួន៧នោះ បានផ្ញើលិខិតចំនួន២ដាច់ដោយឡែកពីគ្នា ចុះថ្ងៃទី២២ ខែមិថុនា ឆ្នាំ២០១២។ លិខិតទី១ បានផ្ញើជូនអ្នកស្រី ហ្វារីដា សាហីដ (Farida Shaheed) ជាអ្នកជំនាញផ្នែកសិទ្ធិវប្បធម៌ និងជាប្រធានគណៈកម្មាធិការនីតិកម្មរបស់អង្គការសហប្រជាជាតិ ដោយបានស្នើសុំឲ្យគណៈកម្មការនេះអន្តរាគមន៍ តាមរយៈការថ្លែងការណ៍ទៅកាន់សហគមន៍អន្តរជាតិឲ្យចូលរួមសង្កេតការណ៍ករណីអ្នកបឹងកក់ ចំនួន១៣នាក់ ដែលកំពុងជាប់ឃុំក្នុងពន្ធនាគារព្រៃស។
ចំណែកលិខិតមួយទៀត បានផ្ញើទៅបណ្ដាស្ថានទូតនៃប្រទេសចំនួន២២ ដោយបញ្ជាក់ថា តុលាការ សាលាឧទ្ធរណ៍ បានកំណត់បើកសវនាការករណីអ្នកបឹងកក់ទាំង១៣នាក់ នៅថ្ងៃទី២៧ ខែមិថុនា ហើយអង្គការអន្តរជាតិទាំង៧ បានស្នើអោយបណ្ដាស្ថានទូតទាំង២២ ផ្ដល់អ្នកសង្កេតការណ៍របស់ខ្លួន ឲ្យចូលរួមឃ្លាំមើលសវនាការនោះ។
អង្គការទាំង៧នោះរួមមាន អង្គការលើកលែងទោសអន្តរជាតិ (Amnesty International) អង្គការអ្នកការពារសិទ្ធិជនស៊ីវិល (Civil Right Defenders) អង្គការឃ្លាំមើលសិទ្ធិមនុស្ស (Human Rights Watch) និង អង្គការ Freedom House ជាដើម៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
-
ស្ដាប់ផ្ទាល់
(ព្រឹក ៥:៣០-៦:៣០ ល្ងាច ៧:៣០-៨:៣០) - សំឡេង
ភាសា
