សមាជិកព្រឹទ្ធសភាអាមេរិក Jim Webb មកទស្សនកិច្ចនៅកម្ពុជា
ដោយ កេសរណ្ណីយ្យា
2009-08-17
សមាជិកព្រឹទ្ធសភាអាមេរិក លោក Jim Webb នឹងអញ្ជើញមកបំពេញទស្សនកិច្ចនៅកម្ពុជា នាថ្ងៃអង្គារ ទី១៨ ខែសីហា ដែលជាផ្នែកមួយនៃដំណើរទស្សនកិច្ចផ្លូវការរបស់លោកមកកាន់ប្រទេសចំនួន៥នៅក្នុងតំបន់។
សេចក្តីប្រកាសព័ត៌មានរបស់ស្ថានទូតសហរដ្ឋអាមេរិក ប្រចាំនៅរាជធានីភ្នំពេញ ដែលផ្សព្វផ្សាយនៅថ្ងៃច័ន្ទនេះ បានឲ្យដឹងថា ក្នុងដំណើរទស្សនកិច្ចនៅកម្ពុជា លោក Jim Webb នឹងជួបជាមួយមន្រ្តីជាន់ខ្ពស់នៃរាជរដ្ឋាភិបាលខ្មែរ ហើយក៏នឹងធ្វើសន្និសីទកាសែតមួយផងដែរ នារសៀលថ្ងៃអង្គារ ស្អែកនេះ នៅឯនិវេសនដ្ឋានរបស់លោកឯកអគ្គរដ្ឋទូតអាមេរិក។
លោក Jim Webb ពីរដ្ឋ Virginia នៃគណបក្សប្រជាធិបតេយ្យ បានបម្រើការក្នុងគណៈកម្មាធិការកិច្ចការបរទេសរបស់ព្រឹទ្ធសភាអាមេរិក នៅខែមករា ឆ្នាំ២០០៧។
ក្នុងនាមជាប្រធានអនុគណៈកម្មាធិការកិច្ចការតំបន់អាស៊ីខាងកើត និងប៉ាស៊ីហ្វិក លោកព្រឹទ្ធសមាជិក Jim Webb ទទួលខុសត្រូវលើទំនាក់ទំនងអាមេរិកជាមួយបណ្តាប្រទេស ព្រមទាំងអង្គការនិងសមាគម នៅតំបន់អាស៊ីខាងកើត អាស៊ីអាគ្នេយ៍ តំបន់ជុំវិញមហាសមុទ្រប៉ាស៊ីហ្វិក និងអូសេអានី។
អស់រយៈពេលជិត ៤ទសវត្សរ៍មកនេះ លោក Jim Webb បានបម្រើការជាទាហានម៉ារីនជើងគោក អ្នករៀបផែនការការពារប្រទេស ជាលេខាធិការកងទ័ពជើងទឹក នៅមន្ទីរបញ្ចកោណ ជាទីប្រឹក្សាពាណិជ្ជកម្ម ជាអ្នកសារព័ត៌មាននិងអ្នកនិពន្ធរឿងប្រលោមលោកផងដែរ៕
ឧបករណ៍រឿង
|
អ៊ីម៉េល |
|
ព្រឹត្តិបត្រព័ត៌មាន |
|
បោះពុម្ព |
|
ចែករំលែករឿងនេះ |
អត្ថបទដែលទាក់ទង
អតីតប្រធានាធិបតីអាមេរិកសម្ពោធផ្ទះសម្រាប់ជនក្រីក្រនៅខែត្រកណ្ដាល
ទីភ្នាក់ងារព័ត៌មានកម្ពុជានិងវៀតណាមបង្កើនកិច្ចសហប្រតិបត្តិការ
នាយករដ្ឋមន្ត្រីខ្មែរទៅចូលរួមកិច្ចប្រជុំអាស៊ាន-អាមេរិកនៅសិង្ហបុរី
ហោ ណាំហុង នឹងទៅចូលរួមកិច្ចប្រជុំកំពូលនៅអ៊ីតាលី
រដ្ឋាភិបាលកម្ពុជាគ្រោងចរចាជាមួយរុស្ស៊ីស្ដីពីបញ្ហាបំណុល
នាយករដ្ឋមន្ត្រីជប៉ុនប្រកាសជាថ្មីទៀតក្នុងការផ្តល់ជំនួយដល់កម្ពុជា
នាយករដ្ឋមន្ត្រីជប៉ុនបារម្ភពីបញ្ហាទំនាស់រវាងកម្ពុជានិងថៃ
នាយករដ្ឋមន្ត្រីខ្មែរគ្រោងទៅចូលរួមកិច្ចប្រជុំនៅជប៉ុន
កម្ពុជាត្រៀមធ្វើម្ចាស់ផ្ទះសមយុទ្ធយោធាទ្រង់ទ្រាយធំលើកដំបូង
កូរ៉េខាងត្បូងនឹងទទួលយកពលករខ្មែរ៣.៥០០នាក់បន្ថែមទៀត
