គោលបំណងនៃសវនាការរបស់អង្គជំនុំជម្រះសាលាដំបូង គឺចង់ស្ដាប់នូវភាគីពាក់ព័ន្ធនានាលើការអនុវត្តផែនការសកម្មភាព មុននឹងឈានដល់បើកការជំនុំជម្រះក្ដីក្នុងសំណុំរឿង០០២។
អ្នកនាំពាក្យនៃសាលាក្ដីខ្មែរក្រហម លោក នេត ភក្ដ្រា បានឲ្យដឹងថា សវនាការនោះមានចំណុចសំខាន់បី។ ទីមួយ គឺកំណត់វិសាលភាពនៃសំណុំរឿងនោះត្រូវមានកម្រិតណា។ ទីពីរ គឺតម្រូវឲ្យភាគីពាក់ព័ន្ធ ត្រូវផ្ដល់ឲ្យបញ្ជីឈ្មោះ ក្នុងនោះរួមមានសាក្សី និងអ្នកឡើងបកស្រាយនៅក្នុងអង្គសវនាការ និងទីបី ស្ដាប់ការវាយតម្លៃអំពីស្ថានភាពសុខភាពរបស់ជនជាប់ចោទ ថាត្រូវវាយតម្លៃឡើងវិញ ឬយ៉ាងណា។
លោក នេត ភក្ដ្រា បានបន្ថែមថា សវនាការនឹងអាចបន្តទៅថ្ងៃបន្ទាប់ទៀតក្នុងករណីចាំបាច់។ ទោះជាយ៉ាងណាក៏ដោយ នៅក្នុងសវនាការស្ដាប់ហេតុផលដោយផ្ទាល់មាត់ ដែលគ្រោងនឹងធ្វើឡើងនៅថ្ងៃទី១១ កុម្ភៈ នោះ មានជនជាប់ចោទ លោក ខៀវ សំផន ចូលរួម ប៉ុន្តែជនជាប់ចោទ លោក នួន ជា មិនបានចូលរួមទេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។