ប្រទេសឈីលី ផ្ដល់ជំនួយដល់ភាគីជាតិនៃតុលាការខ្មែរក្រហម នូវទឹកប្រាក់ចំនួន ១ម៉ឺនដុល្លារ សហរដ្ឋអាមេរិក ដើម្បីដំណើរការអង្គជំនុំជម្រះវិសាមញ្ញក្នុងតុលាការកម្ពុជា ក្នុងឆ្នាំ ២០១៤។
អ្នកនាំពាក្យសាលាក្ដីខ្មែរក្រហម លោក នេត្រ ភក្ត្រា បានឲ្យដឹងនៅថ្ងៃទី ១២ ខែកញ្ញា ថាប្រទេសឈីលី ជាប្រទេសម្ចាស់ជំនួសថ្មីទៀត ដល់ភាគីនៃសាលាក្ដីខ្មែរក្រហម។
លោកបញ្ជាក់ថា សាលាក្តីខ្មែរក្រហមនៅខ្វះថវិកាប្រមាណ ១លាន ៤សែនដុល្លារ សហរដ្ឋអាមេរិកទៀត ដើម្បីបញ្ចប់ដំណើរការការងារ នៅត្រឹមខែធ្នូ ឆ្នាំ ២០១៤នេះ។
លោក បាន គីមូន អគ្គលេខាធិការអង្គការសហប្រជាជាតិ និងរាជរដ្ឋាភិបាលកម្ពុជា ធ្លាប់បានអំពាវដល់ប្រទេសម្ចាស់ជំនួយទាំងអស់ ជួយផ្ដល់ការគាំទ្រធនធានថវិកាដល់តុលាការខ្មែរក្រហមជាបន្ទាន់ ដើម្បីជៀសវាងការផ្អាកដំណើរនៃសាលាក្ដីនេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។