មន្ត្រីសង្គមស៊ីវិលដែលឃ្លាំមើលសាលាក្តីខ្មែរក្រហម និយាយថា រដ្ឋាភិបាលកម្ពុជា កំពុងប្រើឥទ្ធិពលរបស់ខ្លួនរារាំងសំណុំរឿង០០៣ ដែលមានជនសង្ស័យ មាស មុត និងសំណុំ០០៤ ដែលមានជនសង្ស័យ អោ អាន និង អ៊ឹម ចែម។
សូមអញ្ជើញស្តាប់បទសម្ភាសន៍របស់ លោក ជី វិតា ជាមួយ លោក ឡុង បញ្ញាវុឌ្ឍ មន្ត្រីសម្របសម្រួលកម្មវិធីនៃគម្រោងយុត្តិធម៌នៅកម្ពុជា ដែលបានឲ្យដឹងថា ភាពចម្រូងចម្រាសរវាងសហចៅក្រមស៊ើបអង្កេតជាតិ និងសហចៅក្រមស៊ើបអង្កេតអន្តរជាតិ ក្នុងសំណុំរឿង០០៣ និង ០០៤ ធ្វើឲ្យប៉ះពាល់ដល់ដំណើរស្វែងរកការពិត និងយុត្តិធម៌ជូនជនរងគ្រោះ៖
នៅសាលាក្តីខ្មែរក្រហម សហចៅក្រមស៊ើបអង្កេតអន្តរជាតិ ដោយមិនមានកិច្ចសហការពីសហភាគីចៅក្រមជាតិ កាលពីដើមខែមីនា ឆ្នាំ២០១៥ បានចេញដីកាកោះហៅជនសង្ស័យ មាស មុត ជនសង្ស័យ អោ អាន និងចេញដីកានាំខ្លួន អ្នកស្រី អ៊ឹម ចែម។ ប៉ុន្តែមានតែជនសង្ស័យ អោ អាន ម្នាក់ប៉ុណ្ណោះដែលសហការ។ លើសពីនេះ សូម្បីតែប៉ូលិសយុត្តិធម៌កម្ពុជា ក៏មិនសហការជាមួយសហចៅក្រមស៊ើបអង្កេតអន្តរជាតិ ក្នុងការនាំខ្លួនជនសង្ស័យ អ៊ឹម ចែម មកតុលាការតាមដីកាដែរ។
សូមអញ្ជើញស្តាប់បទសម្ភាសន៍ភាគបញ្ចប់របស់ លោក ជី វិតា ជាមួយ លោក ឡុង បញ្ញាវុឌ្ឍ មន្ត្រីសម្របសម្រួលកម្មវិធីនៃគម្រោងយុត្តិធម៌នៅកម្ពុជា អំពីរឿងនេះ៖
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។