ទាក់ទងនឹងរឿងក្ដីរបស់អតីតមេដឹកនាំខ្មែរក្រហម សាលាក្ដីខ្មែរក្រហមប្រកាសនៅថ្ងៃទី១៩ កញ្ញា ថា សាលាដំបូងនឹងចាប់ផ្ដើមធ្វើសវនាការលើភស្តុតាងក្នុងសំណុំរឿងលេខ ០០២ វគ្គ ២ នៅថ្ងៃទី១៧ ខែតុលា ខាងមុខនេះ។
សេចក្ដីប្រកាសរបស់សាលាក្ដីខ្មែរក្រហមបញ្ជាក់ឱ្យដឹងថា សាលាដំបូងនឹងផ្ដល់ឱកាសឱ្យភាគីសហព្រះរាជអាជ្ញា ធ្វើសេចក្ដីថ្លែងការណ៍របស់ខ្លួននៅពេលបើកសវនាការ ហើយបន្ទាប់មក នឹងផ្ដល់ឱកាសអោយភាគីជនជាប់ចោទវិញម្ដង។
រីឯសាក្សីវិញ សាលាដំបូងនឹងកោះហៅឱ្យឡើងបំភ្លឺជូនអង្គជំនុំជម្រះនៅថ្ងៃទី២០ តុលា។ សំណុំរឿងលេខ ០០២ វគ្គ ២ មានជនជាប់ចោទពីររូប គឺ នួន ជា និង ខៀវ សំផន។ ជនជាប់ចោទទាំងពីររូបនេះ ត្រូវបានសាលាដំបូងផ្ដន្ទាទោសដាក់គុកមួយជីវិត នៅក្នុងសំណុំរឿងលេខ ០០១ វគ្គ ១។ ប៉ុន្តែ សំណុំរឿងនេះ នៅក្នុងដំណាក់កាលប្ដឹងសាទុក្ខពីពិរុទ្ធជន នួន ជា និង ខៀវ សំផន នៅឡើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។