លោក ហ្វ៊ីលីព ហ្សត ថ្លែងនៅរសៀលថ្ងៃពុធ ថា លោកមិនយល់ស្របថាមនោគមវិជ្ជាកុម្មុយនិស្តរបស់ខ្មែរក្រហម យកគំរូតាមមនោគមវិជ្ជាកុម្មុយនិស្តវៀតណាម នោះទេ ទោះជាពេលបង្កើតឡើងដំបូងដោយវៀតណាម ក៏ដោយ៖ «គឺថានៅពេលដំបូង គឺជាការបង្កើតឡើងទាំងស្រុងដោយវៀតណាម។ ប៉ុន្តែរហូតមកដល់ចុងទសវត្សឆ្នាំ១៩៥០ និងដើមទសវត្ស៦០ ខ្ញុំចង់និយាយអំពីសមាជនៅឆ្នាំ៦០ គឺថាបក្សកុម្មុយនិស្តកម្ពុជា បានធ្វើឡើងដោយមិនមានអ្នកចូលរួមពីខាងវៀតណាម ហើយក៏មិនបានផ្ដល់ព័ត៌មានទៅវៀតណាម ដែរ»។
លោកថា ខ្មែរក្រហមអនុវត្តមនោគមវិជ្ជាកុម្មុយនិស្តតាមទម្រង់មួយឆ្លុះបញ្ចាំងពីវប្បធម៌ខ្មែរ លក្ខណៈពុទ្ធនិយម ដែលគេមិនដែលឃើញមាននៅក្នុងមនោគមវិជ្ជាកុម្មុយនិស្តដទៃទេ លើកលែងតែនៅក្នុងប្រទេសភូមា។ ភាពខុសគ្នាម្យ៉ាងទៀត គឺការអនុវត្តរបស់បក្សកុម្មុយនិស្តកម្ពុជា ផ្អែកលើវណ្ណៈកសិករ រីឯបក្សកុម្មុយនិស្តវៀតណាម ម៉ាក ឡេនីន (Marx-Lenin) ផ្អែកលើវណ្ណៈពលករ។ សក្ខីកម្មលោក ហ្វ៊ីលីព ហ្សត នឹងបន្តទៅថ្ងៃទី៩ ឧសភា ទៀត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។