សៀវភៅកំណត់ហេតុស្ដីពីជីវិតក្នុងរបបខ្មែរក្រហម ក្រោមចំណងជើងថា ឌឹ យាស៏ អូហ្វ ហ្សេរ៉ូ (The Years of Zero) ដែលមានន័យថា «ឆ្នាំសូន្យ» នឹងត្រូវដាក់សម្ពោធផ្សព្វផ្សាយជាផ្លូវការនៅថ្ងៃសុក្រ ទី១៦ ខែឧសភា នេះ នៅសាកលវិទ្យាល័យ «កូឡុំប៊ៀ» (Columbia University) ក្នុងទីក្រុងញីវយ៉ក (New York) សហរដ្ឋអាមេរិក។
សៀវភៅនេះសរសេរចងក្រងឡើងដោយពលរដ្ឋខ្មែរអាមេរិកាំង គឺលោក សេង ទី (Seng Ty) រៀបរាប់អំពីដំណើររឿងជីវិតពិតរបស់ក្រុមគ្រួសារលោក ដែលបានឆ្លងកាត់ក្នុងសម័យកាលខ្មែរក្រហម។ លោក សេង ទី គឺជាសមាជិកគ្រួសារតែម្នាក់គត់ ដែលនៅមានជីវិតពីសម័យ ប៉ុល ពត។ បច្ចុប្បន្នលោករស់នៅ និងបម្រើការងារជាអ្នកអប់រំ នៃប្រព័ន្ធសាលារៀនក្នុងទីក្រុងឡូវែល (Lowell) រដ្ឋម៉ាស្សាឈូសេត (Massachusetts)។
ក្នុងសៀវភៅកំណត់ហេតុ «ឆ្នាំសូន្យ» នេះ អ្នកនិពន្ធមានបំណងសរសេរចែករំលែកអំពីបទពិសោធន៍របស់លោក ដែលកាលនោះលោកមានអាយុ ៧ឆ្នាំនៅឡើយ ហើយបានឃើញផ្ទាល់ភ្នែកនូវហេតុការណ៍កាប់សម្លាប់ និងធ្វើទារុណកម្មដ៏សែនរន្ធត់តក់ស្លុតជាច្រើន ក្នុងរបបប្រល័យពូជសាសន៍ខ្មែរក្រហម៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។