ការអង្វរកររបស់សាក្សី សួង ស៊ីគឿន គឺធ្វើឡើងនៅថ្ងៃចុងក្រោយ នៃសក្ខីកម្មរបស់គាត់ ឆ្លើយតបចំពោះសំណួររបស់មេធាវីការពារជនជាប់ចោទ អៀង សារី គឺលោក ម៉ៃឃើល ខាណាវ៉ាស (Michael Karnavas) ដែលបានឈ្លេចសួរអំពីគោលបំណងណាត់ជួបរបស់គាត់ជាមួយសាក្សី រចឹម ទន់ មុនពេលឡើងមកឆ្លើយបំភ្លឺនៅតុលាការ។
សាក្សី សួង ស៊ីគឿន ជម្រាបអង្គជំនុំជម្រះថា គាត់មិនបានជួបលោក ហោ ណាំហុង ទេ នៅក្នុងអំឡុងឆ្នាំ១៩៧៥ ដល់១៩៧៩ ហើយក៏មិនបានដឹងអំពីតួនាទីរបស់លោកនៅជំរំបឹងត្របែកដែរ។
លោកបន្តថា លោក គាត ឈន់ ដែលជារដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ សព្វថ្ងៃ មិនមានតួនាទីក្នុងរដ្ឋាភិបាលកម្ពុជាប្រជាធិបតេយ្យទេ។
សវនាការនឹងនៅថ្ងៃទី១៦ សីហា ទៀត ដោយស្ដាប់សាក្សីមួយរូបឈ្មោះ ស សៀក ហៅ ស៊ីម ដែលជាអតីតអ្នកសិល្បៈម្នាក់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។