លោកនាយករដ្ឋមន្ត្រី ហ៊ុន សែន បានព្រមានក្រុមហ៊ុនវិនិយោគទាំងអស់ ឲ្យឈប់រំលោភយកដីពលរដ្ឋ ហើយជំរុញឲ្យរដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ រួមទាំងអាជ្ញាធរខេត្តដោះស្រាយជម្លោះដីទាំងនោះ ដោយផ្ដល់អាទិភាពឲ្យពលរដ្ឋមានសិទ្ធកាន់កាប់វិញ។
ថ្លែងក្នុងសិក្ខាសាលាផ្សព្វផ្សាយយុទ្ធសាស្ត្រជាតិ ស្ដីពីសន្តិសុខស្បៀងនិងអាហារូបត្ថម្ភ នៅវិមានសន្តិភាពថ្ងៃទី១៨ សីហា លោក ហ៊ុន សែន ព្រមានដកតំណែងមន្ត្រីទាំងនោះរួមទាំងអភិបាលខេត្តផង បើនៅក្នុងខេត្តរបស់ទាំងនោះនៅមានជម្លោះជាមួយក្រុមហ៊ុនតទៅទៀត។
ទាក់ទងការព្រមាននេះអង្គការសង្គមស៊ីវិល និងមន្ត្រីបក្សប្រឆាំងធ្លាប់រិះគន់ លោកនាយករដ្ឋមន្ត្រីថា ធ្លាប់ប្រកាសប្រហាក់ប្រហែលគ្នានេះជាច្រើនដងមកហើយតែមិនមានប្រសិទ្ធភាព៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។