អភិបាលរងខេត្តកោះកុង លោក ស៊ុន ដារ៉ា ឲ្យដឹងថានៅព្រឹកថ្ងៃព្រហស្បតិ៍ ទី៣ ខែកក្កដា នេះ លោកបានចុះទៅពិនិត្យដីមានជម្លោះរវាងពលរដ្ឋ នឹងក្រុមហ៊ុនចិនឈ្មោះ យូញៀន ឌីវែលឡុបមិន (Union Development) ដើម្បីសម្រុះសម្រួល និងធ្វើរបាយការណ៍ទៅអន្តរក្រសួងដោះស្រាយទំនាស់នេះ។
ប្រជាជន៥ឃុំ ក្នុងស្រុកបុទុមសាគរ ខេត្តកោះកុង ជាង ១ពាន់គ្រួសារ មានជម្លោះដីជាមួយក្រុមហ៊ុនចិននេះ រយៈពេលជាង៦ឆ្នាំហើយ ដោយក្រុមហ៊ុនពុំបានផ្ដល់សំណងពេញលេញដល់ប្រជាពលរដ្ឋតាមសន្យា។
ក្រុមហ៊ុនយូញៀន ឌីវែលឡុបមិន តែងតែយកក្រុមសន្តិសុខមកដោះស្រាយដោយគំរាមកំហែងពលរដ្ឋ។
ទោះជាមានជម្លោះនិងការរារាំងយ៉ាងណាក្ដី ក៏ប្រជាពលរដ្ឋនៅបន្តធ្វើកសិកម្មលើដីស្រែរបស់ខ្លួនដដែល រីឯក្រុមហ៊ុនក៏ចេះតែរំលោភភ្ជួររាស់ធ្វើស្រែនោះដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។