ពលរដ្ឋនៅភូមិជ្រោយស្នា ឃុំខ្នាចរមាស ស្រុកបវេល ខេត្តបាត់ដំបង នៅថ្ងៃទី១០ កក្កដា ចោទឈ្មួញដីម្នាក់ គឺលោក អៀង អឿន បានបញ្ជូនគ្រឿងចក្រទៅឈូសឆាយស្រូវរបស់អ្នកភូមិគាត់អស់។
តំណាងពលរដ្ឋ លោក គិត ប៊ុនឈឿន អះអាងនៅថ្ងៃទី១០ កក្កដា ថា លោកនិងអ្នកភូមិឃើញប៉ូលិសប្រមាណ ៣០នាក់ ខ្លះជិះម៉ូតូ ខ្លះឡាន ចុះទៅដីស្រែពួកគាត់ បន្ទាប់មកមានគ្រឿងចក្រ ៧គ្រឿង បានចុះភ្ជួរបំផ្លាញស្រូវរបស់អ្នកភូមិទើបដុះ។
មន្ត្រីអាដហុក (Adhoc) លោក ចាន់ សុវ៉េត អះអាងថា ករណីនេះកើតឡើងដោយសាររឿងទំនាស់ដីរវាងអ្នកភូមិ ១៦គ្រួសារ ជាមួយថៅកែដី លោក អៀង អឿន នៅក្នុងមូលដ្ឋាននោះ ដែលតុលាការខេត្តបានកាត់សេចក្ដីឲ្យថៅកែដីឈ្នះ ដែលលោក ចាន់ សុវ៉េត បញ្ជាក់ថា ការកាត់ក្ដីនោះជារឿងអយុត្តិធម៌ ហើយលោកបានទាមទារឲ្យតុលាការពិនិត្យករណីនេះឡើងវិញ។
ទីតាំងដីទំនាស់នោះ ស្ថិតនៅចំណុចអូរវល្លិប្រេង ឃុំអន្លង់រុន ស្រុកថ្មគោល ដែលស្ថិតក្បែរភូមិជ្រោយស្នា ក្នុងខ្នាច់រមាស។
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។