ពលរដ្ឋ​សហគមន៍​បុរី​កីឡា​នឹង​ប្រារព្ធ​ខួប​៦​ឆ្នាំ​នៃ​ការ​បណ្ដេញ​ចេញ​នៅ​ថ្ងៃ​ទី​០៣​ខែ​មករា

ដោយ អាស៊ីសេរី
2018-01-02
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
ពលរដ្ឋ​សហគមន៍ ៣​មករា​បុរីកីឡា ជជែក​គ្នា​អំពី​ការ​រស់នៅ​ប្រចាំ​ថ្ងៃ ចំ​ពេល​ខួប​លើក​ទី​៤ នៃ​ការ​បណ្ដេញ​ចេញ​ដោយ​បង្ខំ​កាល​ពី​ថ្ងៃ​ទី​៣ ខែ​មករា ឆ្នាំ​២០១២។ រូបថត​ថ្ងៃ​ទី​៣ ខែ​មករា ឆ្នាំ​២០១៦
ពលរដ្ឋ​សហគមន៍ ៣​មករា​បុរីកីឡា ជជែក​គ្នា​អំពី​ការ​រស់នៅ​ប្រចាំ​ថ្ងៃ ចំ​ពេល​ខួប​លើក​ទី​៤ នៃ​ការ​បណ្ដេញ​ចេញ​ដោយ​បង្ខំ​កាល​ពី​ថ្ងៃ​ទី​៣ ខែ​មករា ឆ្នាំ​២០១២។ រូបថត​ថ្ងៃ​ទី​៣ ខែ​មករា ឆ្នាំ​២០១៦
RFA/Yang Chandara

ពលរដ្ឋ​សហគមន៍​បុរីកីឡា ទាំង​អ្នក​មិន​ទាន់​ចាកចេញ និង​អ្នក​ចាកចេញ​ហើយ នឹង​ជួបជុំគ្នា​ប្រារព្ធ​ខួប ៦​ឆ្នាំ នៃ​ការ​បណ្ដេញ​ពួកគេ​ចេញពី​លំនៅឋាន នៅ​ថ្ងៃ​ទី​០៣ ខែ​មករា​ស្អែក​នេះ។ ពួកគាត់​ឲ្យ​ដឹង​ថា ការ​រំលឹក​នៃ​ការ​បណ្ដេញ​ចេញ​នេះ នឹង​ចាប់​ផ្ដើម​ធ្វើ​ម៉ោង ៣​រសៀល ដោយ​ធ្វើ​ពិធី​សូត្រ​តាម​ពិធី​សាសនា ដើម្បី​បន់ស្រន់​សុំ​កុំ​ឲ្យ​មានការ​បណ្ដេញ​ជាថ្មី​ម្ដង​ទៀត។

តំណាង​សហគមន៍​បុរីកីឡា លោកស្រី ស ស៊ន ប្រាប់​ថា មូលហេតុ​នៃ​ការ​រំលឹក​ខួប​នេះ គឺ​ដើម្បី​កុំ​ឲ្យ​ពលរដ្ឋ​សហគមន៍​បុរី​កីឡា និង​អតីត​ពលរដ្ឋ​បុរី​កីឡា​ភ្លេច​ការ​បណ្ដេញ​ដោយ​បង្ខំ​កាលពី​ឆ្នាំ​២០១២ កន្លងទៅ។ លោកស្រី​បន្ត​ថា ក្រៅពី​ការ​ប្រារព្ធ​ពិធី​តាម​បែប​សាសនា ពលរដ្ឋ​មិនបាន​ធ្វើ​ញត្តិ​ទាមទារ ឬ​ហែ​ក្បូន​អ្វី​នោះ​ទេ។ «»

កាលពី​ឆ្នាំ​២០១២ ផ្ទះសម្បែង និង​ទ្រព្យសម្បត្តិ​របស់​ពលរដ្ឋ​ទាំង ៣៨០​គ្រួសារ ដែល​មិន​ព្រម​ចាក​ចេញ ត្រូវ​បាន​បំផ្លិចបំផ្លាញ​អស់។ ទំនាស់​ដីធ្លី​នៅ​បុរី​កីឡា​នេះ កាន់​តែ​ខ្លាំង​ឡើងៗ បន្ត​រហូតដល់​ឆ្នាំ​២០១៤ ទើប​មានការ​ពិភាក្សា​ជាច្រើនលើក​ច្រើន​សា រវាង​ប្រជាពលរដ្ឋ​រងគ្រោះ​រាប់រយ​គ្រួសារ និង​សាលាក្រុង។ បន្ទាប់​មក​ពលរដ្ឋ​ទាំងនោះ​ភាគច្រើន សុខចិត្ត​ទទួលយក​សំណង​ជា​ថ្នូរ​ការ​ចាកចេញ។

ប៉ុន្តែ​ក្នុង​នោះ ក៏​មាន​ពលរដ្ឋ​ចំនួន ១១​គ្រួសារ​ទៅ​បន្ត​រស់​នៅ​ក្នុង​អគារ​មួយ​ជិត​លំនៅឋាន​របស់​ខ្លួន​រង់​ចាំ​សំណង​សមរម្យ។ ពលរដ្ឋ​ដែល​នៅ​សេសសល់​ទាំង ១១​គ្រួសារ កំពុង​ប្រឈម​ការ​បណ្ដេញ​ចេញ​ជាថ្មី ខណៈ​ពួកគេ​មិន​ព្រម​ទទួលយក​សំណង​ដ៏​តិចតួច​ដែល​សាលាក្រុង​ប្រកាស​ផ្ដល់​ឲ្យ។ ពេលនេះ ក្រុម​ពលរដ្ឋ​គ្រោង​ស្នើសុំ​រដ្ឋមន្ត្រី​ក្រសួង​ដែនដី លោក ជា សុផារ៉ា ជួយ​អន្តរាគមន៍។ លោក ជា សុផារ៉ា ល្បីល្បាញ​ថា អាច​ជួយ​ដោះស្រាយ​ជម្លោះដីធ្លី​មិន​បាន​ធ្វើ​ពលរដ្ឋ​ខកចិត្ត៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (0)
  • បោះពុម្ព
  • ចែករំលែក
  • អ៊ីម៉ែល
គេហទំព័រ​ទាំងមូល