តំណាងអ្នកបុរីកីឡា ម្នាក់ លោកស្រី អាត សំណាង មានប្រសាសន៍ថា អ្នកភូមិបានជួបជាមួយអភិបាលក្រុង កាលពីថ្ងៃទី៣០ ខែតុលា ឆ្នាំ២០១៣ កន្លងទៅ ដែលពេលនោះលោកអភិបាលបានសន្យាថានឹងផ្ដល់ដំណោះស្រាយឲ្យពួកគាត់រយៈពេល ៣០ថ្ងៃ។ ប៉ុន្តែរហូតមកដល់ពេលនេះ នៅមិនទាន់ទទួលលទ្ធផលអ្វីដូចការសន្យាឡើយ៖ «អត់មានដំណោះស្រាយ ពួកខ្ញុំនឹងរៀបក្បួនហែមក ហែមកសួរសាលារាជធានី មកដេកហ្នឹងនៅហ្នឹងហ្មង ព្រោះកន្លែងសាលារាជធានីហ្នឹងស្អាតជាងកន្លែងខ្ញុំ។ អត់មានសំរាម អត់មានស្អុយគគ្រុក អត់មានដង្កូវឡើង។ បើអត់មានដំណោះស្រាយទេ ពួកខ្ញុំនឹងមកដេកហ្នឹងហើយ»។
តំណាងអ្នកភូមិ ៦នាក់ ត្រូវអនុញ្ញាតអោយចូលជួបមន្ត្រីសាលារាជធានីភ្នំពេញ។ ជាលទ្ធផល ពួកគេទទួលបានការសន្យាថ្មីមួយទៀត គឺសាលារាជធានីនឹងផ្តល់ដំណឹងនៅសប្ដាហ៍ក្រោយ។
ក្រុមអ្នកភូមិបានស្នើសុំជាច្រើនលើកច្រើនសា អោយក្រុមហ៊ុន ផានអ៊ីម៉ិច ត្រូវសាងសង់អគារអោយបានគ្រប់ចំនួន គឺ ១០អគារដូចកិច្ចសន្យាជាមួយប្រជាពលរដ្ឋ ដែលអាចអោយប្រជាពលរដ្ឋដែលនៅសេសសល់ជាង ១០០គ្រួសារ បានចូលទៅរស់នៅដូចការសន្យារបស់រដ្ឋាភិបាល ជាថ្នូរនឹងការយកដីដែលពួកគាត់កំពុងរស់នៅ ទៅអោយក្រុមហ៊ុនធ្វើការអភិវឌ្ឍ។
មកដល់ពេលនេះ អ្នកភូមិដែលកំពុងរស់នៅលើគំនរសំរាម អះអាងថា នឹងចូលទៅរស់នៅក្នុងអគារទី៩ ប្រសិនបើគ្រប់ភាគីពាក់ព័ន្ធ ជាពិសេសសាលាក្រុងនៅមិនព្រមដោះស្រាយអោយពួកគាត់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។