ប្រជាពលរដ្ឋម្នាក់ អ្នកស្រី នៅ ស៊ីណាត មានប្រសាសន៍នៅថ្ងៃទី២៣ ខែមករា ថា ប្រជាពលរដ្ឋជាង ៦០នាក់ មកពីភូមិចំនួន៣ គឺភូមិខ្វែងចាក ភូមិព្រែកខ្សាច់ និងភូមិសំរោងតាកែវ នៃឃុំព្រែកខ្សាច់ បានប្រមូលផ្ដុំគ្នានៅថ្ងៃទី២២ និងថ្ងៃទី២៣ ខែមករា ដើម្បីរារាំងសកម្មភាពរបស់កម្មករដែលកំពុងជីកដាំរបង ធ្វើឲ្យប៉ះពាល់ដល់ដីរបស់ពួកគាត់។
មន្ត្រីសម្របសម្រួលសមាគមអាដហុក (Adhoc) ប្រចាំខេត្តកោះកុង លោក នាង បូរ៉ាទីណូ ឲ្យដឹងថា ក្រុមហ៊ុន យូធី ហ្វ្រី សប អភិវឌ្ឍន៍ បានទទួលដីសម្បទានសេដ្ឋកិច្ចពីរាជរដ្ឋាភិបាលក្នុងទំហំ ១ម៉ឺន ២ពាន់ហិកតារ ស្ថិតនៅស្រុកបុទុមសាគរ និងស្រុកគីរីសាគរ ខេត្តកោះកុង នៅក្នុងឆ្នាំ២០០៥ ដើម្បីអភិវឌ្ឍតំបន់សេដ្ឋកិច្ចពិសេស និងដាំដំណាំកសិឧស្សាហកម្ម។ ការអភិវឌ្ឍរបស់ក្រុមហ៊ុននេះ បានធ្វើឲ្យប៉ះពាល់ដល់ដីប្រជាពលរដ្ឋជាង ១០០គ្រួសារ ហើយរហូតមកដល់ពេលនេះ នៅមិនទាន់ដោះស្រាយចប់នៅឡើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។