អង្គការសង្គមស៊ីវិលជាតិ-អន្តរជាតិទាមទារឲ្យដោះលែងមន្ត្រីសិទ្ធិមនុស្សនិងគ.ជ.បជាបន្ទាន់
2016.05.02
ក្បួនឡានរបស់អង្គភាពប្រឆាំងអំពើពុករលួយ និងឡានប៉ូលិសដឹកមន្ត្រីសិទ្ធិមនុស្សអាដហុក (ADHOC) ៤នាក់ និងមន្ត្រី គ.ជ.ប ម្នាក់ទៅឃុំខ្លួនបណ្ដោះអាសន្ន នៅថ្ងៃទី២ ខែឧសភា ឆ្នាំ២០១៦។ RFA/Rann Samnang
RFA/Rann Samnang
អង្គការសង្គមស៊ីវិលជាតិ និងអន្តរជាតិចំនួន ៥៩ស្ថាប័ន ចេញសេចក្តីថ្លែងការណ៍រួមគ្នានៅល្ងាចថ្ងៃទី២ ឧសភា ថ្កោលទោសយ៉ាងដាច់អហង្ការចំពោះការចោទប្រកាន់របស់សាលាដំបូងរាជធានីភ្នំពេញ ទៅលើមន្ត្រីអង្គការការពារសិទ្ធិមនុស្សអាដហុក (ADHOC) មន្ត្រីគណៈកម្មាធិការជាតិរៀបចំការបោះឆ្នោត (គ.ជ.ប) និងមន្ត្រីអង្គការសហប្រជាជាតិ។
ក្រុមអង្គការសង្គមស៊ីវិល ចាត់ទុកករណីនេះថាមានចរិតនយោបាយ និងជាការប្រើប្រាស់ប្រព័ន្ធតុលាការ និងស្ថាប័នរដ្ឋដោយខុសនីតិវិធី ដើម្បីជាឧបករណ៍គំរាមកំហែងបង្កើតជាករណីព្រហ្មទណ្ឌ និងដាក់ទោសចំពោះសកម្មភាពស្របច្បាប់របស់មន្ត្រីការពារសិទ្ធិមនុស្ស និងអង្គការសង្គមស៊ីវិល។
ក្រុមសង្គមស៊ីវិលថ្លែងថា អង្គភាពប្រឆាំងអំពើពុករលួយ ត្រូវបានបង្កើតឡើងដើម្បីចាត់ការករណីអំពើពុករលួយទូទៅនៅកម្ពុជា មិនមែនដើម្បីជាឧបករណ៍របស់រដ្ឋាភិបាលក្នុងការបង្ក្រាបអង្គការសង្គមស៊ីវិលនោះទេ។
ក្រុមសង្គមស៊ីវិល ទាមទារឲ្យមានការដោះលែងអ្នកទាំង ៥នាក់នោះជាបន្ទាន់ ហើយនិងផ្តល់សិទ្ធិសេរីភាពជាមូលដ្ឋានដល់អ្នកការពារសិទ្ធិមនុស្ស ដើម្បីឲ្យពួកគេអាចបំពេញមុខងាររបស់ខ្លួនដោយសេរី រួចផុតពីការគំរាមកំហែង និងការដាក់ទោសទណ្ឌផ្សេងៗ។ ពួកគេក៏ទាមទារឲ្យមានការស៊ើបអង្កេតប្រកបដោយយុត្តិធម៌លើសំណុំរឿងនេះ និងទទូចឲ្យបញ្ឈប់ការលូកដៃជ្រៀតជ្រែកពីអង្គនីតិប្រតិបត្តិមកលើតុលាការ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ការប្រារព្ធពិធីបុណ្យចូលឆ្នាំថ្មី នៅតាមតំបន់មួយចំនួននៅស្រុកសុរិន្ទ