តុលាការ​ខេត្ត​សៀមរាប​សាកសួរ​បុរស​២​នាក់​ជុំវិញ​ករណី​ឃាតកម្ម​លើ​ស្ត្រី​ម្នាក់​ដោយ​កាត់​ក្បាល

ដោយ ហង្ស សាវយុត
2016-02-14
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
កម្លាំង​កង​រាជ​អាវុធហត្ថ​ខេត្ត​សៀមរាប សួរ​ចម្លើយ​ជន​សង្ស័យ​ឈ្មោះ ចាន់ ឆាយ ហៅ សំ ភារ៉ាត (អង្គុយ​កណ្ដាល) អំពី​ឃាតកម្ម​សម្លាប់​ស្ត្រី​ម្នាក់​ដោយ​កាត់​ក្បាល និង​ទុក​ដង​ខ្លួន​នៅ​ផ្ទះ​សំណាក់​ប្រាសាទ​កែវ នៅ​ទីបញ្ជាការ​កង​រាជ​អាវុធហត្ថ​ខេត្ត​សៀមរាប កាល​ពី​ថ្ងៃ​ទី​១៣ ខែ​កុម្ភៈ ឆ្នាំ​២០១៦។ Photo Provided
កម្លាំង​កង​រាជ​អាវុធហត្ថ​ខេត្ត​សៀមរាប សួរ​ចម្លើយ​ជន​សង្ស័យ​ឈ្មោះ ចាន់ ឆាយ ហៅ សំ ភារ៉ាត (អង្គុយ​កណ្ដាល) អំពី​ឃាតកម្ម​សម្លាប់​ស្ត្រី​ម្នាក់​ដោយ​កាត់​ក្បាល និង​ទុក​ដង​ខ្លួន​នៅ​ផ្ទះ​សំណាក់​ប្រាសាទ​កែវ នៅ​ទីបញ្ជាការ​កង​រាជ​អាវុធហត្ថ​ខេត្ត​សៀមរាប កាល​ពី​ថ្ងៃ​ទី​១៣ ខែ​កុម្ភៈ ឆ្នាំ​២០១៦។ Photo Provided
Photo Provided

តំណាង​អយ្យការ​អម​សាលា​ដំបូង​ខេត្ត​សៀមរាប កំពុង​សាកសួរ​បុរស​ពីរ​នាក់​ជាច្រើន​ម៉ោង ចាប់​តាំង​តែ​ពី​ព្រឹក​រហូត​មក​ដល់​ល្ងាច​ថ្ងៃ​អាទិត្យ ទី​១៤ ខែ​កុម្ភៈ។ ការ​សាកសួរ​កំពុង​បន្ត​តាម​នីតិវិធី​ច្បាប់ ដើម្បី​ឈាន​ទៅ​ដល់​ការ​ចោទ​ប្រកាន់ បន្ទាប់​ពី​កង​រាជ​អាវុធហត្ថ និង​ប៉ូលិស បាន​ចាប់​ខ្លួន​បុរស​ឈ្មោះ ចាន់ ឆាយ ហៅ សំ ភារ៉ាត អាយុ ៤០​ឆ្នាំ ដោយ​សង្ស័យ​ថា​ជា​ជន​ដៃ​ដល់ និង​បុរស​ម្នាក់​ទៀត​ឈ្មោះ ណឹប សិទ្ធិ អាយុ ២៤​ឆ្នាំ ជា​អ្នក​បើកបរ​រថយន្ត​ឲ្យ​ថៅកែ​ចិន ពី​បទ​សង្ស័យ​រួម​គំនិត។

មន្ត្រី​ក្រឡាបញ្ជី​នៃ​តុលាការ​ខេត្ត​សៀមរាប ដែល​សុំ​មិន​បញ្ចេញ​ឈ្មោះ ឲ្យ​ដឹង​នៅ​ល្ងាច​ថ្ងៃ​អាទិត្យ ទី​១៤ កុម្ភៈ ថា តំណាង​អយ្យការ​នៃ​សំណុំ​រឿង​ក្តី​នោះ នៅ​តែ​បន្ត​ការ​សាកសួរ​បុរស​ទាំង​ពីរ​មិន​ទាន់​ឈាន​ដល់​ការ​ចោទ​ប្រកាន់​យ៉ាង​ណា​នៅ​ឡើយ។

កាល​ពី​ព្រឹក​ថ្ងៃ​ទី​១៣ ខែ​កុម្ភៈ គេ​បាន​ប្រទះ​ឃើញ​ដង​ខ្លួន​ស្ត្រី​ឈ្មោះ ឡេន សិលា អាយុ ២៤​ឆ្នាំ ជា​អ្នក​ភូមិ​បឹងខ្នាត ឃុំ​ខ្នាត ស្រុក​ពួក ដេក​ស្លាប់​នៅ​ក្នុង​បន្ទប់​ផ្ទះ​សំណាក់​ប្រាសាទ​កែវ កណ្ដាល​ទីក្រុង​សៀមរាប ដោយ​ជន​ដៃ​ដល់​បាន​កាត់​យក​ក្បាល​របស់​នាង​ទៅ​បាត់។

ក្រោយ​ពី​មាន​ឃាតកម្ម​ប្រហែល​ជាង ១០​ម៉ោង​មក កម្លាំង​កង​រាជ​អាវុធហត្ថ​ខេត្ត​សៀមរាប បាន​ចាប់​ខ្លួន​បុរស​ម្នាក់​ឈ្មោះ ចាន់ ឆាយ ដែល​ធ្លាប់​ជា​អតីត​គូ​ដណ្ដឹង​របស់​នាង ប៉ុន្តែ​ត្រូវ​នាង​ផ្ដាច់​ពាក្យ​ទៅ​ហើយ​នោះ។ បន្ទាប់​ពី​ចាប់​ខ្លួន បុរស​ឈ្មោះ ចាន់ ឆាយ សារភាព​ថា រូប​គាត់​ពិត​ជា​បាន​សម្លាប់​ស្ត្រី​ឈ្មោះ ឡេន សិលា មែន ព្រម​ទាំង​នាំ​សមត្ថកិច្ច​ទៅ​យក​ក្បាល​របស់​ស្ត្រី​ដែល​គេ​កាត់ ហើយ​យក​ទៅ​ដុត​កប់​ចោល​នោះ​ទៀត​ផង៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

មតិ (4)
  • បោះពុម្ព
  • ចែករំលែក
  • អ៊ីម៉ែល

lim methy

ពី phnom-penh

សង្គមយើងឈឹ( malade)???

Feb 15, 2016 08:08 AM

អ្នក​អាន​អនាមិក

This man just earn himself a job as the Dictator's secret police. This is the type brutality that the Dictator is looking for his special security force!

Feb 14, 2016 06:30 PM

អ្នក​អាន​អនាមិក

ហេតុអី កូនខ្មែរ បញ្ចេញកំហឹង ធ្វើផ្តេសផ្តាស់ សម្លាប់មនុស្ស ស្គាល់គ្នា បាន ?
បើ លួចសម្លាប់ ជនក្បត់ជាតិ បំផ្លាញព្រៃឈើ កាប់ឈើលក់ យកលុយធ្វើមានបានផ្ទាល់ខ្លួន ហើយឈើណា លក់មិនបាន ដុតចោលទៀត ម៉េចក៏មិនហ៊ានលួចសម្លាប់ ? !

Feb 14, 2016 08:54 AM

អ្នក​អាន​អនាមិក

ពៀរុំងាប់ដោយ ការមិនចងពៀរ។

Feb 14, 2016 08:29 AM

គេហទំព័រ​ទាំងមូល