សាលាឧទ្ធរណ៍សម្រេចលើកពេលជំនុំជម្រះលើករណីហិង្សានៅមុខរោងចក្រ យ៉ាកជីន (Yak Jin) នៅថ្ងៃទី៦ កក្កដា ដោយសារជនជាប់ចោទទាំង ១០នាក់ ដែលត្រូវមកឆ្លើយបំភ្លឺអវត្តមានអស់ ៥នាក់ ក្នុងនោះមានទាំងលោក វន់ ពៅ ផង។
លោក វន់ ពៅ ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ បានដាក់លិខិតសុំតុលាការអវត្តមាន ពីព្រោះលោកជាប់បំពេញបេសកកម្មនៅក្រៅប្រទេស។
ថ្លែងក្រោយចេញពីតុលាការ លោក ថេង សាវឿន ជាជាប់ចោទម្នាក់ក្នុងសំណុំរឿងនេះ ឲ្យដឹងថា ក្រឡាបញ្ជីប្រកាសថា សំណុំរឿងនេះជាប់ពាក់ព័ន្ធអ្នកផ្សេងទៀត និងមានសំណើរបស់លោក វន់ ពៅ ទើបតុលាការសម្រេចលើកពេលជំនុំជម្រះ ដោយមិនកំណត់ពេលវេលា។ លោកស្នើឲ្យតុលាការពន្លឿនការជំនុំជម្រះដើម្បីផ្ដល់យុត្តិធម៌ដល់រូបលោក៖ «»។
ជនជាប់ចោទទាំង ១០នាក់ បានប្ដឹងទាស់ទៅសាលាឧទ្ធរណ៍ ប្រឆាំងនឹងសាលក្រមសាលាដំបូងរាជធានីភ្នំពេញ ដែលបានផ្ដន្ទាទោសពួកគេក្នុងសំណុំរឿងអំពើហិង្សានៅរោងចក្រយ៉ាកជីន កាលពីដើមខែមករា ឆ្នាំ២០១៤ ហើយសម្រេចដាក់ទោសព្យួរពី ២ឆ្នាំកន្លះ ទៅ ៤ឆ្នាំកន្លះ កាលពីថ្ងៃទី៣០ ឧសភា ឆ្នាំ២០១៤៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។