អាជ្ញាធរ​ខេត្ត​កោះកុង​បង្ក្រាប​ការ​ហែ​ក្បួន​ទាមទារ​ឲ្យ​ដោះលែង​យុវជន​៣​នាក់

ដោយ សេក បណ្ឌិត
2015-08-27
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
កម្លាំង​អាជ្ញាធរ​ខេត្ត​កោះកុង ដាក់​របាំង​មិន​ឲ្យ​ពលរដ្ឋ​ដើរ​ឆ្លង​កាត់ ឬ​តវ៉ា​មុខ​តុលាការ ខណៈ​ពួក​គេ​ប្រមូល​ផ្ដុំ​គ្នា​តវ៉ា​ទាមទារ​ដោះលែង​សកម្មជន​បរិស្ថាន ៣​នាក់ នៅ​ថ្ងៃ​ទី​២១ សីហា ឆ្នាំ​២០១៥។
កម្លាំង​អាជ្ញាធរ​ខេត្ត​កោះកុង ដាក់​របាំង​មិន​ឲ្យ​ពលរដ្ឋ​ដើរ​ឆ្លង​កាត់ ឬ​តវ៉ា​មុខ​តុលាការ ខណៈ​ពួក​គេ​ប្រមូល​ផ្ដុំ​គ្នា​តវ៉ា​ទាមទារ​ដោះលែង​សកម្មជន​បរិស្ថាន ៣​នាក់ នៅ​ថ្ងៃ​ទី​២១ សីហា ឆ្នាំ​២០១៥។
Photo provided

ប្រជាពលរដ្ឋ​ដែល​មាន​ជម្លោះ​ដីធ្លី និង​សកម្មជន​បរិស្ថាន​មក​ពី​បណ្ដា​ស្រុក​មួយ​ចំនួន​ក្នុង​ខេត្ត​កោះកុង នៅ​តែ​បន្ត​ស្នាក់​នៅ​ក្នុង​បរិវេណ​មណ្ឌល​កីឡា​ខេត្ត ដើម្បី​តស៊ូ​មតិ​ទាមទារ​ឲ្យ​តុលាការ​ដោះលែង​យុវជន​នៃ​អង្គការ​មាតា​ធម្មជាតិ ៣​នាក់ ឲ្យ​មាន​សេរីភាព​វិញ។ ការ​តវ៉ា​នេះ ត្រូវ​អាជ្ញាធរ​រារាំង និង​គំរាមកំហែង​ជា​បន្តបន្ទាប់ ដោយ​លើ​ហេតុផល​ថា ពួកគាត់​ធ្វើ​ឲ្យ​ខូច​សណ្ដាប់ធ្នាប់​សាធារណៈ។

ការ​តវ៉ា​ដោយ​ដើរ​ដង្ហែ​ក្បួន​លើក​បដា​ក្នុង​ក្រុង​ខេមរភូមិន្ទ ខេត្ត​កោះកុង នៅ​ថ្ងៃ​ទី​២៧ ខែ​សីហា ត្រូវ​សមត្ថកិច្ច​បង្ក្រាប​នៅ​ម្ដុំ​ខាង​កើត​ឆៀង​ខាង​ត្បូង​ផ្សារ​ដងទង់។

ប្រជា​សហគមន៍​ដែល​មាន​ជម្លោះ​ដីធ្លី​មក​ពី​ស្រុក​ស្រែអំបិល ខេត្ត​កោះកុង បាន​ឲ្យ​ដឹង​ថា អ្នក​ភូមិ​ប្រមាណ​ជាង ៣០​នាក់ បាន​ដើរ​ជា​ក្បួន​ទាមទារ​ឲ្យ​ដោះលែង​យុវជន​ដែល​ជា​សកម្មជន​បរិស្ថាន​មក​វិញ ប៉ុន្តែ​សមត្ថកិច្ច​ប៉េអិម (PM) មាន​ចំនួន​ច្រើន​ជាង​ពលរដ្ឋ​ជិត​ពាក់​កណ្ដាល មក​រារាំង និង​គំរាមកំហែង​រក​ចាប់​ខ្លួន​អ្នក​ដែល​សកម្ម​ក្នុង​ការ​វ៉ា​នោះ៖ «មេ​ប៉ូលិស​ម្នាក់​នោះ​មក​ប្រតប់​ប្រតាយ រក​ចាប់​ប្អូន​ប្រុស​ម្នាក់ និង​ក្មេង​ស្រីៗ ២​នាក់ និង​អ៊ំស្រី​ម្នាក់ អ៊ីចឹង​ឲ្យ​តែ​អ្នក​ណា​តវ៉ា​សំឡេង​ខ្លាំងៗ គឺ​គេ​ត្រៀម​បង្ក្រាប​អ៊ីចឹង។ ខ្ញុំ​គិត​ថា ការ​គំរាម​កំហែង​បែប​ហ្នឹង​វា​មិន​យុត្តិធម៌​ទេ​សម្រាប់​ពលរដ្ឋ​រង​គ្រោះ»

​លោកស្រី​បន្ត​ថា ទោះ​យ៉ាង​ណា ការ​បង្ក្រាប​នោះ​មិន​បាន​ជោគជ័យ​ទេ ដោយសារ​ប្រជាពលរដ្ឋ​មិន​ដក​ថយ ហើយ​សុខចិត្ត​ស្រាក់​ដៃ​គ្នា​ក្រាប​ចុះ​ទៅ​នឹង​ដី ដោយ​មាន​អ្នក​ផ្សារ​ចោមរោម​មើល​ច្រើន​ផង សមត្ថកិច្ច​ក៏​ដក​ថយ​វិញ ហើយ​ប្រើ​វិធី​លួងលោម​ឲ្យ​ពលរដ្ឋ​ទៅ​សម្រាក​នៅ​តារាង​បាល់​វិញ​ដោយ​សន្តិវិធី។ ប៉ុន្តែ​ពួកគាត់​មិន​ស្តាប់​តាម​អាជ្ញាធរ​ឡើយ ដោយ​នៅ​តែ​បន្ត​ដើរ​ជា​ក្បួន​កាត់​មុខ​តុលាការ និង​ទីប្រជុំជន​មួយ​ចំនួន​ទៀត​ក្នុង​ខេត្ត។

​ចំណែក​អភិបាល​រង​ក្រុង​ខេមរភូមិន្ទ លោក ប៉ែន ប៉ុនឈួយ បដិសេធ​ថា ពុំ​មាន​ការ​បង្ក្រាប​ដោយ​ប្រើ​ហិង្សា​នោះ​ទេ គឺ​សមត្ថកិច្ច​គ្រាន់តែ​ណែនាំ​ឲ្យ​ពលរដ្ឋ​តវ៉ា​នៅ​មួយ​កន្លែង ដោយ​អាជ្ញាធរ​មិន​ចង់​ឲ្យ​ដើរ​ជា​ក្បួន​ដែល​នាំ​ឲ្យ​រំខាន​ដល់​អ្នក​ដទៃ ខូច​សណ្ដាប់ធ្នាប់​សាធារណៈ ឬ​អាច​នាំ​ឲ្យ​មាន​គ្រោះថ្នាក់​ដោយ​ប្រការ​ណា​មួយ៖ «បើ​មាន​គ្រោះថ្នាក់​អី​កើត​ឡើង​ទៅ នាំ​តែ​មាន​ពាក្យ​ថា យើង​ម្ចាស់​ទឹក​ម្ចាស់​ដី​ហ្នឹង​អត់​មើល​អត់​ការពារ»

​ទោះ​បែប​នេះ​ក្តី មន្ត្រី​សិទ្ធិមនុស្ស​នៃ​អង្គការ​លីកាដូ ប្រចាំ​ខេត្ត​កោះកុង លោក ហួ អ៊ីន បាន​រិះគន់​អាជ្ញាធរ​ដែល​ប្រើ​កម្លាំង​សមត្ថកិច្ច​ច្រើន​ហួសហេតុ​ពី​ចំនួន​ប្រជាពលរដ្ឋ​អ្នក​តវ៉ា​នោះ​ជា​រូបភាព​អាក្រក់​មួយ និង​ជា​ការ​រំលោភ​ដល់​សិទ្ធិ​សេរីភាព​បញ្ចេញ​មតិ​របស់​ប្រជាពលរដ្ឋ៖ «អំពើ ​ហ្នឹង​គឺ​ជា​ការ​គំរាមកំហែង ជា​ការ​បង្ក្រាប​ប្រជាជន​ដែល​គ្រាន់​តែ​ដើរ​ស្រែក​តវ៉ា ដោយ​ប្រើ​កម្លាំង​ចាប់​ទាញ​ដាក់​លើ​ឡាន ហើយ​នេះ​ជា​ការ​រំលោភ​សិទ្ធិ​សំដែង​មតិ​របស់​ពួកគាត់»

តំណាង​អ្នក​ភូមិ​ចំនួន ៥​ស្រុក នៃ​ខេត្ត​កោះកុង មាន​ស្រុក​បុទុមសាគរ ស្រុក​គីរីសាគរ ស្រុក​កោះកុង ស្រុក​ថ្មបាំង និង​ស្រុក​ស្រែអំបិល បាន​បន្ត​ប្រមូល​ផ្ដុំ​ស្នាក់នៅ និង​ដើរ​ហែ​ក្បួន​លើក​បដា​តវ៉ា​ទាមទារ​ឲ្យ​តុលាការ​ដោះលែង​យុវជន​ការពារ​បរិស្ថាន​ទាំង ៣​នាក់​នេះ អស់​រយៈពេល​ ១០​ថ្ងៃ​មក​ហើយ។

អាជ្ញាធរ​ក្រុង​ខេមរភូមិន្ទ​បាន​ចេញ​សេចក្ដី​ជូន​ដំណឹង​ពី​លើក​មក​ហើយ ដោយ​អំពាវនាវ​ឲ្យ​ប្រជាពលរដ្ឋ​ត្រឡប់​ទៅ​លំនៅឋាន​វិញ និង​បាន​ដាក់​លក្ខខណ្ឌ​ចំនួន ៥​ចំណុច ឲ្យ​ប្រជាពលរដ្ឋ​អនុវត្ត។ ខ្លឹមសារ ៥​ចំណុច ក្នុង​លិខិត​នោះ បាន​តម្រូវ​ឲ្យ​ពលរដ្ឋ​ធ្វើ​សកម្មភាព​ឲ្យ​ស្រប​តាម​ច្បាប់។ រាល់​ការ​ដើរ​ហែ​ក្បួន ឬ​ប្រមូល​ផ្តុំ​ណា​មួយ ត្រូវ​ធ្វើ​លិខិត​សុំ​ការ​អនុញ្ញាត​ច្បាប់​ពី​អាជ្ញាធរ​ជា​មុន​យ៉ាង​តិច ២​ថ្ងៃ។ ហាម​ការ​ចង​តង់​ដាំបាយ ឬ​ធ្វើ​ម្ហូប​អាហារ​ផ្សេងៗ​នៅ​ទីកន្លែង​ស្នាក់​នៅ។ ត្រូវ​ប្រមូល​ផ្តុំ​គ្នា​នៅ​ក្នុង​វេទិកា​បាល់​ទាត់​ខេត្ត​នេះ​ទៅ​តាម​ការ​កំណត់​របស់​អាជ្ញាធរ និង​ត្រូវ​រំសាយ​ការ​ប្រមូលផ្ដុំ​ចាប់​ពី​ថ្ងៃ​ជូន​ដំណឹង​នេះ។ ប៉ុន្តែ​ប្រជាពលរដ្ឋ​មិន​ទទួល​យក​សេចក្ដី​ជូន​ដំណឹង​នេះ​ទេ ដរាប​ណា​តុលាការ​មិន​ដោះលែង​យុវជន​ទាំង ៣​នាក់​នោះ​ទេ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (5)
  • បោះពុម្ព
  • ចែករំលែក
  • អ៊ីម៉ែល

yoeun somrethy

ពី atlanta georgia

why icc not be open to trail
hun sen?
so if icc not be arrest hun sen
meen icc not true to make law
if not fit most be stop.

Aug 27, 2015 10:52 PM

អ្នក​អាន​អនាមិក

ប្រជាធិបតេយ្យគឺអំណាចរបស់ប្រជាពលរដ្ឋ ។ ក្នុង
ព្រះរាជាណាចក្រកម្ពុជា ដែលរដ្ឋធម្មនុញ្ញចែងថាជា
ប្រទេសកាន់លទ្ធិប្រជាធិបតេយ្យពហុបក្ស ប្រជាពលរដ្ឋមានសិទ្ឌិសេរីភាពបញ្ចេញមតិតវ៉ាប្រឆាំងនឹង
អ្វីដែលខ្លួនយល់ថាជាអំពើអយុត្តិធម៌ ឬអ្វីៗដែលធ្វើ
ឲ្យខូចប្រយោជន៍ជាតិ តាមរូបភាពផ្សេងៗ ដូចជាបាតុកម្មជាដើម ។ ក្នុងករណីនេះសមត្ថកិច្ចមាន
កាតព្វកិច្ចការពារសន្តិសុខដល់បាតុករ និងសំរួល
សកម្មភាពនេះឲ្យប្រព្រឹត្តដោយសុវត្ថិភាព ។ នេះ
ហើយជាលទ្ធិប្រជាធិបតេយ្យពិតប្រាកដ ៕

Aug 27, 2015 10:41 PM

ហានិភ័យ

ពី តាកែវ

តែបើបាតុកម្មគាំទ្ររដ្ឋាភិបាល ដូចតាជុំម៉ីវិញ ម៉េចមិនថានាំ​ឲ្យ​រំខាន​ដល់​អ្នក​ដទៃ ខូច​សណ្ដាប់ធ្នាប់​សាធារណៈផង។
តាមការពិតប្រជាពលរដ្ខមានសិទ្ធិដង្ហែរក្បួនធ្វើបាតុកម្មនៅតាមកន្លែងសាធារណៈ រឿងសណ្តាប់ធ្នាប់គឺជាមុខងារកិច្ចការរបស់សម្ថកិច្ច ទៅវិញទេ ដែលត្រូូវរៀបចំសំរួលដើម្បីឲ្យក្បួនបាតុករប្រព្រឹត្តទៅបានដោយរលូន។

Aug 27, 2015 05:40 PM

អ្នក​អាន​អនាមិក

All the leaders in the world ,who don't know how to destroy their own country or own people come to learn from my leader Hun Sen he has diploma from the forest.

Aug 27, 2015 08:49 AM

អ្នក​អាន​អនាមិក

.. ប្រទេសកម្ពុជា ជា ប្រទេសប្រជាធិបតេយ្យ ក្លែងក្លាយ !

Aug 27, 2015 07:40 AM

មើល​មតិ​ទាំង​អស់.

គេហទំព័រ​ទាំងមូល