លោក ឈាង វុន ថានឹងមានសិក្ខាសាលាជុំវិញសេចក្ដីព្រាងច្បាប់ស្ដីពីសមាគមនិងអង្គការ
2015.05.29
លោក ឈាង វុន សមាជិករដ្ឋសភា ពន្យល់អ្នកសារព័ត៌មានក្នុងសន្និសីទកាសែត នៅមន្ទីររដ្ឋសភា កាលពីថ្ងៃទី ១៨ ខែកក្កដា ឆ្នាំ ២០១៤។
អ្នកនាំពាក្យរដ្ឋសភា លោក ឈាង វុន បានប្រាប់វិទ្យុអាស៊ីសេរី នៅថ្ងៃទី២៩ ខែឧសភា ថា គណៈកម្មការជំនាញទី៥ នៃរដ្ឋសភា នឹងមានសិក្ខាសាលាពិគ្រោះយោបល់ជុំវិញសេចក្តីព្រាងច្បាប់ស្ដីពីសមាគម និងអង្គការមិនមែនរដ្ឋាភិបាល ដោយមានការចូលរួមពីស្ថាប័នពាក់ព័ន្ធទាំងអស់។
អ្នកនាំពាក្យរដ្ឋសភារូបនេះ បានឲ្យដឹងទៀតថា វាជាទម្លាប់របស់សភា ប្រសិនជាបានទទួលសេចក្តីព្រាងច្បាប់ណាមួយពីរដ្ឋាភិបាល គឺនឹងមានសិក្ខាសាលាពិគ្រោះយោបល់។ លោកបន្តថា សិក្ខាសាលានេះផ្តល់ឱកាសឲ្យដៃគូពាក់ព័ន្ធ និងសង្គមស៊ីវិលចូលរួមពិគ្រោះយោបល់។
អ្នកនាំពាក្យរដ្ឋសភា លោក ឈាង វុន បញ្ជាក់ទៀតថា គណៈកម្មការរដ្ឋសភាអាចកំណត់កាលបរិច្ឆេទនៃសិក្ខាសាលានោះបាន នៅក្រោយពេលទទួលបានសេចក្តីព្រាងច្បាប់ពីរដ្ឋាភិបាល។ លោកក៏ស្វាគមន៍រាល់មតិយោបល់ និងការស្នើសុំណាមួយ ជុំវិញសេចក្តីព្រាងច្បាប់នេះមកកាន់សភា ដើម្បីជំរុញការអនុម័តច្បាប់មានប្រសិទ្ធភាព៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ការប្រារព្ធពិធីបុណ្យចូលឆ្នាំថ្មី នៅតាមតំបន់មួយចំនួននៅស្រុកសុរិន្ទ