តំណាងក្រុមប្រឹក្សាសហភាពសហជីពអន្តរជាតិនៅកម្ពុជា នៅថ្ងៃទី២១ ខែសីហា ស្នើសុំឲ្យក្រសួងការងារ និងបណ្ដុះបណ្ដាលវិជ្ជាជីវៈ កែប្រែចំណុចមួយចំនួនបន្ថែមទៀតនៅក្នុងសេចក្ដីព្រាងច្បាប់ស្ដីពីសហជីព។
តំណាងក្រុមប្រឹក្សាសហជីពទាំងនោះរួមមាន សហភាពការងារកម្ពុជា សហភាពសម្ព័ន្ធសហជីពជាតិកម្ពុជា និងសហភាពសហជីពកម្ពុជា។
ខ្លឹមសារលម្អិតនៃលិខិតដែលក្រុមប្រឹក្សានេះ ផ្ញើជូនលោក អ៊ិត សំហេង រដ្ឋមន្ត្រីនៃក្រសួងការងារ គឺសំណូមពរដាក់បញ្ចូលទៅក្នុងសេចក្ដីព្រាងច្បាប់នេះនូវសំណើរួមរបស់សហជីពដែលបានដាក់ជូនក្រសួង។ នៅពេលកន្លងទៅ សហជីពបានស្នើឲ្យកែប្រែមាត្រាមួយចំនួនដែលសហជីពអះអាងថា មានការរឹតត្បិតសិទ្ធិជាមូលដ្ឋានរបស់កម្មករនិយោជិតក្នុងការរៀបចំ និងចូលរួមសកម្មភាពសហជីព។ ក្រុមប្រឹក្សានេះ ក៏បានស្នើឲ្យក្រសួងការងារលាតត្រដាងសេចក្ដីព្រាងច្បាប់ចុងក្រោយជាសាធារណៈ មុនពេលបញ្ជូនទៅឲ្យសភាអនុម័ត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។