អ្នកស្រី សួង ឃន អាយុ ៦១ឆ្នាំ ដែលជាម្តាយរបស់ពលការិនីឈ្មោះ សាយ សារ៉ាត់ បានប្រាប់អ្នកយកព័ត៌មានវិទ្យុអាស៊ីសេរី ប្រចាំខេត្តពោធិ៍សាត់ នៅព្រឹកថ្ងៃទី២៧ ឧសភា ថា កូនស្រីគាត់បានចេញទៅធ្វើការនៅប្រទេសម៉ាឡេស៊ី កាលពីថ្ងៃទី៣ ខែមករា ឆ្នាំ២០០៩ តាមរយៈក្រុមហ៊ុន ហ្វីលីម័រ ហើយតាំងពីថ្ងៃចេញទៅ រហូតមកទល់ថ្ងៃនេះ គាត់មិនដែលបានទទួលដំណឹងពីកូនស្រីគាត់ឡើយ។
កញ្ញា មិត សាមួន មន្ត្រីអង្កេតអង្គការ លីកាដូ ខេត្តពោធិ៍សាត់ បានឲ្យដឹងនៅព្រឹកថ្ងៃ២៧ ឧសភា ថា គិតចាប់ពីដើមខែមករា មកដល់ចុងខែឧសភា អង្គការ លីកាដូ ទទួលបានពាក្យបណ្ដឹងប្រហាក់ប្រហែលគ្នានេះជាង ១០ករណីហើយ ហើយបណ្ដាករណីទាំងនេះអង្គការបានបញ្ជូនទៅការិយាល័យកណ្ដាលនៅទីក្រុងភ្នំពេញ ឲ្យជួយអន្តរាគមន៍បន្តទៅអង្គការដៃគូនៅប្រទេសម៉ាឡេស៊ី ឲ្យជួយស្វែងរក។ ទន្ទឹមគ្នាអង្គការ លីកាដូ ខេត្តពោធិ៍សាត់ ក៏បានធ្វើលិខិតអន្តរាគមន៍ទៅការិយាល័យប្រឆាំងការជួញដូរមនុស្ស និងការពារអនីតិជននៃស្នងការដ្ឋានប៉ូលិសខេត្តផងដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។