បក្ស«រណឫទ្ធិ»ថ្កោលទោសគ.ជ.ប.ចំពោះការលុបបេក្ខភាព
ដោយ ម៉ៅ សុធានី
2008-05-14
គណបក្ស នរោត្តម រណឫទ្ធិ បានថ្កោលទោសគណៈកម្មាធិការជាតិរៀបចំការបោះឆ្នោត (គ.ជ.ប.) ដែលបានលុបឈ្មោះលោក នរាណាឫទ្ធិ អានន្ទដាយ៉ាត អគ្គលេខាធិការរងនិងជាសមាជិកក្រុមប្រឹក្សាភិបាលនៃគណបក្សនរោត្តម រណឫទ្ធិ ចេញពីបញ្ជីឈ្មោះបោះឆ្នោត បន្ទាប់ពីគណបក្សមួយនេះ បានដាក់ពាក្យសុំចុះបញ្ជីឈ្មោះបេក្ខភាពសម្រាប់ការបោះឆ្នោតសកលជ្រើសរើសតំណាងរាស្ត្រ នៅថ្ងៃ២៧ ខែកក្កដា ខាងមុខនេះ ។
គេនៅពុំទាន់ដឹងអំពីហេតុផលនៃការដកហូតសិទ្ធិបោះឆ្នោតនិងសិទ្ធិឈរឈ្មោះឲ្យគេបោះឆ្នោតរបស់លោក នរាណាឫទ្ធ អានន្ទដាយ៉ាត នោះទេ ក៏ប៉ុន្តែក្នុងសេចក្តីថ្លែងការណ៍របស់គណបក្ស នរោត្តម រណឫទ្ធិ កាលពីម្សិលមិញបានចោទសួរគ.ជ.ប. ថា ប្រសិនបើឈ្មោះលោក អានន្ទដាយ៉ាត ត្រូវបានលុបចេញពីបញ្ជីឈ្មោះបោះឆ្នោតមែននោះ ហេតុអ្វីបានជាចៅសង្កាត់ទួលទំពូងទី២ បានចេញលិខិតបញ្ជាក់កាលពីថ្ងៃ១០ ខែមេសា កន្លងមកនេះ ជូនលោក នរាណាឫទ្ធិ អានន្ទដាយ៉ាត ថា លោកមានឈ្មោះក្នុងបញ្ជីឈ្មោះបោះឆ្នោតចុងក្រោយ ដើម្បីចុះបញ្ជីគណបក្សនយោបាយឈរឈ្មោះបោះឆ្នោតជ្រើសរើសតំណាងរាស្ត្រអាណត្តិទី៤ នេះ?
វិទ្យុអាស៊ីសេរី នៅពុំទាន់អាចទាក់ទងសុំប្រតិកម្មពីមន្ត្រី គ.ជ.ប. និងមន្ត្រីនៃក្រុមប្រឹក្សាសង្កាត់ទួលទំពូងទី២ បាននៅឡើយទេ ៕
ឧបករណ៍រឿង
|
អ៊ីម៉េល |
|
ព្រឹត្តិបត្រព័ត៌មាន |
|
បោះពុម្ព |
អត្ថបទដែលទាក់ទង
សកម្មជនបក្សសមរង្ស៊ីនៅខែត្រកំពង់ចាមរងការគំរាមសម្លាប់
បក្សសមរង្ស៊ីនិងបក្សប្រជាជនបដិសេធការសម្របសម្រួលរបស់ PEC
បក្សនយោបាយលើកពីបញ្ហានៅក្នុងការឃោសនារកសំឡេងឆ្នោត
អាជ្ញាធរក្រុងភ្នំពេញរារាំងការឃោសនារបស់បក្សខ្មែរឈប់ក្រ
មន្ត្រីបក្សប្រជាជនម្នាក់នៅកំពតត្រូវគេបង្គាប់ឲ្យបង់ប្រាក់ជំងឺចិត្ត៥សែនរៀល
តំណាងបក្សប្រជាជននៅក្រចេះដាក់ពាក្យបណ្ដឹងប្ដឹងប្រធានបក្សប្រឆាំង
ដូនជីនិងអាចារ្យចោទចៅអធិការថារើសអើងនិន្នាការបក្សនយោបាយ
អាជ្ញាធរខេត្តបាត់ដំបងស៊ើបអង្កេតករណីរថយន្តបក្ស"រណឫទ្ធិ"រងគ្រោះបែកកញ្ចក់
សមាជិកបក្សប្រជាជននៅឃុំកោះព្រះខេត្តស្ទឹងត្រែងចុះចូលជាមួយបក្សសមរង្ស៊ី
អាជ្ញាធរខេត្តបាត់ដំបងបដិសេធសំណើ៤ក្នុងចំណោម៥របស់បក្សសមរង្ស៊ី
