បក្សសមរង្ស៊ីនិងបក្សសិទ្ធិមនុស្សសរសេរលិខិតទៅប្រធានាធិបតីឥណ្ឌូណេស៊ី
គណបក្សសមរង្ស៊ី និងគណបក្សសិទ្ធិមនុស្ស បានសរសេរលិខិតផ្ញើទៅប្រធានាធិបតីនៃសាធារណរដ្ឋឥណ្ឌូណេស៊ី លោក ស៊ូស៊ីឡូ បាំបាំង យុថូយ៉ូណូ តាមរយៈស្ថានទូតនៃប្រទេសនេះប្រចាំកម្ពុជា ស្នើឲ្យលើកយកខ្លឹមសារកិច្ចព្រមព្រៀងក្រុងប៉ារីសស្តីពីកម្ពុជា មកពិនិត្យដោយបក្សប្រឆាំងយល់ថា កម្ពុជាមិនបានអនុវត្តតាមកិច្ចព្រមព្រៀងនោះ បន្ទាប់ពីការបោះឆ្នោត ថ្ងៃទី២៧ កក្កដា ។
ក្នុងលិខិតចុះថ្ងៃទី២៧ សីហា គណបក្សប្រឆាំងទាំងពីរបានចាត់ទុកថា ហេតុការណ៍ដែលកើតមាននៅកម្ពុជាកន្លងមក ប្រាសចាកពីស្មារតីនៃកិច្ចព្រមព្រៀងក្រុងប៉ារីស ស្តីពីការអនុវត្តលទ្ធិប្រជាធិបតេយ្យ ដែលក្នុងនោះចែងអំពីសិទ្ធិមនុស្ស សិទ្ធិធ្វើនយោបាយ សេរីភាពបញ្ចេញមតិ និងកាន់ជំនឿសាសនាជាដើម ។ល។ ៕
