លោក កុយ គួង មន្ត្រីនាំពាក្យក្រសួងការបរទេស និងសហប្រតិបត្តិការអន្តរជាតិ បានមានប្រសាសន៍ថា ការអញ្ជើញទៅទស្សនកិច្ចរបស់លោកនាយករដ្ឋមន្ត្រី ហ៊ុន សែននេះ ក្នុងគោលបំណងពង្រឹងពង្រីកកិច្ចសហប្រតិបត្តិការទ្វេភាគី ដែលផ្ដោតលើការវិនិយោគពាណិជ្ជកម្ម និងបញ្ហាផ្សេងៗទៀតរវាងប្រទេសទាំងពីរ។
លោក កុយ គួង មានប្រសាសន៍ដូច្នេះ ៖ «ដំណើរទស្សនកិច្ចផ្លូវការរបស់សម្ដេចហ្នឹង គឺដើម្បីពង្រឹងនិងពង្រីកទំនាក់ទំនងសហប្រតិបត្តិការរវាងប្រទេសទាំងពីរ ក្នុងនោះមានបញ្ហាវិនិយោគពាណិជ្ជកម្ម និងបញ្ហាផ្សេងៗទៀត ដើម្បីឲ្យវិស័យទាំងនោះមានលក្ខណៈស៊ីជម្រៅ និងទូលំទូលាយថែមទៀត»៕