សារព័ត៌មានអូស្ត្រាលី ឈ្មោះឌឺអែហ្គ (The AGE) ចេញផ្សាយនៅថ្ងៃទី២០តុលាបានសរសេរថា ក្រសួងអន្តោប្រវេសន៍អូស្ត្រាលី បានចំណាយលុយ ជាង១ពាន់លានដុល្លារក្នុងមួយឆ្នាំ លើមណ្ឌលឃុំឃាំងជនភៀសខ្លួននៅលើកោះចំនួនពីរ គឺកោះម៉ែននុស (Manus) និងកោះណារូ(Naru)។
គោលនយោបាយរបស់នាយករដ្ឋមន្រ្តីអូស្រ្ដាលី លោក ថូនី អាបត (Tony Abbott) គឺចង់កាត់បន្ថយការចំណាយដ៏លើសលុបនៃការទទួលជនភៀសខ្លួនពីបរទេស។
របាយការណ៍ប្រចាំឆ្នាំ សារពើពន្ធ២០១៤-២០១៥ របស់ប្រទេសអូស្ត្រាលី បានឲ្យដឹងថាការចំណាយលើជនភៀសខ្លួននៅកោះណារូមានចំនួនជាង ៤០០លានដុល្លារអាមេរិកក្នុងមួយឆ្នាំ ។
សារព័ត៌មានដដែលបានគូសបញ្ជាក់ថា ការចុះកិច្ចព្រមព្រៀងរវាងរដ្ឋមន្ត្រីក្រសួងអន្តោប្រវេសន៍អូស្ត្រាលី និងរដ្ឋមន្ត្រីក្រសួងមហាផ្ទៃកម្ពុជា កន្លងមកជាថ្នូរនឹងទឹកប្រាក់ប្រមាណ៣៥លានដុល្លារអាមេរិក ដើម្បីឲ្យកម្ពុជាទទួលយកជនភៀសខ្លួន ពីកោះណារួ ដែលមានជនភៀសខ្លួន ប្រមាណ១ពាន់នាក់ដែលកំពុងរស់នៅទីនោះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។