សង្គម​ស៊ីវិល​រិះគន់​គម្រោង​ផ្តល់​តំណែង​ឲ្យ​កូនៗ​មន្ត្រី​បក្ស​ប្រជាជន

លោក​នាយក​រដ្ឋមន្ត្រី ហ៊ុន សែន ត្រូវ​បាន​សង្គម​ស៊ីវិល​រិះគន់​ថា កំពុង​រៀបចំ​ផែនការ​ឲ្យ​កូន​ប្រុស​លោក​ម្នាក់​ស្នង​តំណែង​ទៅ​ថ្ងៃ​អនាគត។ កូន​ប្រុស​ច្បង​នោះ គឺ​លោក ហ៊ុន ម៉ាណែត អាយុ ៣៥​ឆ្នាំ បច្ចុប្បន្ន​កំពុង​មាន​តួនាទី​ជា​នាយក​អង្គភាព​ប្រឆាំង​ភេរវកម្ម និង​ជា​អនុប្រធាន​អង្គរក្ស​នាយក​រដ្ឋមន្ត្រី។
ដោយ យន់ សាមៀន
2013-02-23
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
ហ៊ុន ម៉ាណែត ៣០៥
លោក​នាយករដ្ឋមន្ត្រី ហ៊ុន សែន (ឆ្វេង) និង​កូន​ប្រុស លោក ហ៊ុន ម៉ាណែត។ លោក ហ៊ុន ម៉ាណែត កាល​ពី​ថ្ងៃ​ទី​៣ ខែ​មករា ឆ្នាំ​២០១១ ត្រូវ​បាន​តែងតាំង​ជា​មេបញ្ជាការ​រង​នៃ​បញ្ជា​ការដ្ឋាន​កងទ័ព​ជើង​គោក​នៃ​កង​យោធពល​ខេមរភូមិន្ទ។
Photo courtesy of camnews.com

ប្រធាន​មជ្ឈមណ្ឌល​សិទ្ធិ​មនុស្ស​កម្ពុជា លោក អ៊ូ វីរៈ មាន​ប្រសាសន៍​អះអាង​តាម​ទូរស័ព្ទ​ថា លោក​នាយក​រដ្ឋមន្ត្រី ហ៊ុន សែន នៅ​តែ​គិត​ថា នាយ​ទាហាន​មាន​តួនាទី​សំខាន់​ណាស់​ក្នុង​ការ​គ្រប់គ្រង​ប្រទេស។ លោក អ៊ូ វីរៈ បន្ត​ថា ទោះ​បី​ជា​កូន​ប្រុស​ពៅ​របស់​លោក ហ៊ុន សែន មាន​គម្រោង​ឈរ​ឈ្មោះ​ជា​តំណាង​រាស្ត្រ​សម្រាប់​ការ​បោះ​ឆ្នោត​ខែ​កក្កដា ឆ្នាំ​២០១៣ ខាង​មុខ​នេះ​ក៏ដោយ ប៉ុន្តែ​កូន​ដែល​នឹង​អាច​ស្នង​តួនាទី​ជំនួស​លោក​នាយក​រដ្ឋមន្ត្រី ហ៊ុន សែន នោះ គឺ​លោក ហ៊ុន ម៉ាណែត វិញ​ទេ។

 

ទីភ្នាក់ងារ​ព័ត៌មាន (AFP) ដក​ស្រង់​សម្ដី​តំណាង​រាស្ត្រ​គណបក្ស​ប្រជាជន​កម្ពុជា លោក ជាម យៀប ថា លោក ហ៊ុន ម៉ានី កូន​ប្រុស​ពៅ និង​កូន​ប្រសា​របស់​លោក ហ៊ុន សែន ដែល​ត្រូវ​ជា​កូន​ប្រុស​បង្កើត​របស់​អតីត​អគ្គស្នងការ​នគរបាល​ជាតិ លោក ហុក ឡង់ឌី ព្រម​ទាំង​កូនៗ​របស់​មន្ត្រី​ជាន់​ខ្ពស់​គណបក្ស​ប្រជាជន​កម្ពុជា ជាច្រើន​រូប​ទៀត គ្រោង​នឹង​ឈរ​ឈ្មោះ​ជា​តំណាង​រាស្ត្រ​នៃ​គណបក្ស​ប្រជាជន​កម្ពុជា ដើម្បី​ជំនួស​តំណាង​រាស្ត្រ​មួយ​ចំនួន​ដែល​មាន​វ័យ​ចំណាស់។

លោក អ៊ូ វីរៈ មាន​ប្រសាសន៍​បញ្ជាក់​ផង​ដែរ​ថា ប្រការ​នេះ​នឹង​នាំ​ឲ្យ​សមាជិក​ក្មេងៗ​ផ្សេង​ទៀត​នៃ​គណបក្ស​ប្រជាជន​កម្ពុជា ធ្លាក់​ទឹក​ចិត្ត​ដោយ​យល់​ឃើញ​ថា ពួក​គេ​មិន​អាច​ប្រកួត​ប្រជែង​ជាមួយ​បេក្ខជន​តំណាង​រាស្ត្រ​ជា​កូនៗ​របស់​មន្ត្រី​ធំៗ​ទាំង​នោះ ដែល​មាន​អំណាច និង​មាន​ទ្រព្យ​សម្បត្តិ។

 

កម្ពុជា នឹង​រៀបចំ​ការ​បោះ​ឆ្នោត​សកល​នា​ចុង​ខែ​កក្កដា ខាង​មុខ។ បច្ចុប្បន្ន គណបក្ស​ប្រជាជន​កម្ពុជា មាន​តំណាង​រាស្ត្រ​ចំនួន ៩០​រូប ក្នុង​ចំណោម​សមាជិក​សភា​សរុប​ចំនួន ១២៣​រូប។ ចំណែក​គណបក្ស សម រង្ស៊ី ទទួល​បាន ២៦​អាសនៈ គណបក្ស សិទ្ធិ​មនុស្ស បាន ៣​អាសនៈ និង​គណបក្ស នរោត្តម រណឫទ្ធិ បាន ២​អាសនៈ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

មតិ (11)
  • បោះពុម្ព
  • ចែករំលែក
  • អ៊ីម៉ែល

កូន ខ្មែរ

ពី ភព

សូមកុំភ្លេចថាទឹកដីទាំងអស់ជារបស់ប្រជាជនខ្មែរ មិនគួរឱ្យបុគ្គលណាម្នាក់ឫមួយក្រុម
ណាមកលើកដាក់ឱ្យទៅអ្នកនេះអ្នកនោះដោយពុំមានការយល់ព្រមពីពលរដ្ឋខ្មែរឡើយ។

Feb 25, 2013 05:43 PM

រាស្ត្រខ្មែរ

ពី ព្រះវិហារ

ក្រែងមនុស្សម្នាក់ៗមានសិទ្ធស្មើគ្នា? បើមិនពេញចិត្តគាត់, បើគាត់ធ្វើការមិនកើត គាត់គ្មានសមត្ថភាពទេ កុំបោះឆ្នោតអោយគាត់ទៅជាកាស្រេច៕

Feb 24, 2013 12:02 AM

Roth

ពី WA

What about Sam Rainsy? Sam Rainsy is president while his wife is deputy of the party. That is the nature of Khmer, every leader will do the same for the interest of their family. I believe if Ou Vireak became a prime minister, he would do the same because he is also a Khmer. If we look back to long history of Khmer, we lost our territories to neighboring countries because the leaders put the interest of their families above the nation.

Feb 23, 2013 11:56 PM

អ្នក​អាន​អនាមិក

ONLY IN COMMUNIST OR DICTATOR COUNTRY,THEY DOING THAT

Feb 23, 2013 10:56 PM

Thy

ពី Phnom Penh

Hun Sen is in power for a long time is not his proplem. The problem is good people just complain about his dictatorship, but they do nothing about it.

Feb 23, 2013 10:35 PM

មើល​មតិ​ទាំង​អស់.