អង្គការមិនមែនរដ្ឋាភិបាលចំនួន ៩ ហៅកាត់ថា ស៊ី.អេស.អូស (CSOs) ដែលអះអាងខ្លួនឯងថា ធ្វើការទាក់ទងវិស័យ សិទ្ធិមនុស្ស លទ្ធិប្រជាធិបតេយ្យ នីតិរដ្ឋ និងអភិបាលកិច្ចល្អ និងការអភិវឌ្ឍនៅកម្ពុជា បានអំពាវនាវឲ្យរដ្ឋាភិបាលបើកទីលានប្រជាធិបតេយ្យឡើងវិញ។
ការអំពាវនេះធ្វើឡើង ស្របពេលដែលបេក្ខជនតំណាងរាស្ត្រជាប់ឆ្នោតបក្សសង្គ្រោះជាតិ ៥៥រូប ចូលស្បថក្នុងវាំង នៅរសៀលថ្ងៃទី៥ សីហា នេះ។
ទីលានប្រជាធិបតេយ្យដែលបានបង្កើតឡើងនៅឆ្នាំ២០១០ ត្រូវបានរដ្ឋាភិបាលដឹកនាំដោយបក្សប្រជាជនកម្ពុជាបិទនៅដើមខែមករា ឆ្នាំ២០១៤ បន្ទាប់ពីបក្សសង្គ្រោះជាតិបាននាំគ្នាធ្វើបាតុកម្មតវ៉ាអំពីភាពមិនប្រក្រតីនៃលទ្ធផលនៃការបោះឆ្នោតជាតិខែឆ្នាំ២០១៣ រួចមក៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។