សហភាព​អឺរ៉ុប​ស្នើ​ឲ្យ​អាជ្ញាធរ​កម្ពុជា​ធានា​បរិយាកាស​នយោបាយ​មុន​ការ​បោះឆ្នោត

ដោយ សាន សែល
2017-02-14
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
ឯកអគ្គរដ្ឋទូត​សហភាព​អឺរ៉ុប ប្រចាំ​ប្រទេស​កម្ពុជា លោក ច្សច អេដហ្គា (George EDGAR) ផ្តល់​បទសម្ភាសន៍​ដល់​អ្នក​សារព័ត៌មាន​នៅ​ក្នុង​ពិធី​ប្រកាស​អំពី​ការ​បន្ត​កិច្ច​គាំទ្រ​របស់​សហភាព​អឺរ៉ុប ដល់​ការ​ភ្ជាប់​សេវា​អ៊ីនធឺណិត​សម្រាប់​អ្នក​សារព័ត៌មាន​នៅ​ក្នុង​ប្រទេស​កម្ពុជា កាល​ពី​ថ្ងៃ​ទី​២៧ ខែ​មករា ឆ្នាំ​២០១៦។ RFA/Um Rainsey
ឯកអគ្គរដ្ឋទូត​សហភាព​អឺរ៉ុប ប្រចាំ​ប្រទេស​កម្ពុជា លោក ច្សច អេដហ្គា (George EDGAR) ផ្តល់​បទសម្ភាសន៍​ដល់​អ្នក​សារព័ត៌មាន​នៅ​ក្នុង​ពិធី​ប្រកាស​អំពី​ការ​បន្ត​កិច្ច​គាំទ្រ​របស់​សហភាព​អឺរ៉ុប ដល់​ការ​ភ្ជាប់​សេវា​អ៊ីនធឺណិត​សម្រាប់​អ្នក​សារព័ត៌មាន​នៅ​ក្នុង​ប្រទេស​កម្ពុជា កាល​ពី​ថ្ងៃ​ទី​២៧ ខែ​មករា ឆ្នាំ​២០១៦។ RFA/Um Rainsey
RFA/Um Raingsy

សហភាព​អឺរ៉ុប ចង់​ឃើញ​អាជ្ញាធរ​កម្ពុជា ធានា​បរិយាកាស​នយោបាយ​ដែល​អាច​អនុញ្ញាត​ឲ្យ​សង្គម​ស៊ីវិល និង​បក្ស​ប្រឆាំង ធ្វើ​សកម្មភាព​ដោយ​សេរី​មុន​ការ​បោះឆ្នោត​ចូល​មក​ដល់។

ឯកអគ្គរដ្ឋទូត​សហភាព​អឺរ៉ុប ប្រចាំ​កម្ពុជា លោក ច្សច អេដហ្គា (George EDGAR) បញ្ជាក់​ប្រាប់​អាស៊ីសេរី​តាម​អ៊ីមែល​នៅ​ថ្ងៃ​ទី​១៤ កុម្ភៈ ថា សហភាព​អឺរ៉ុប ជឿជាក់​ថា ការ​ចូលរួម​ឃ្លាំ​មើល​ការ​គោរព​សិទ្ធិ​មនុស្ស និង​ការ​ជំរុញ​ឲ្យ​មាន​ការ​ចូលរួម​ក្នុង​ដំណើរការ​បោះឆ្នោត នឹង​ផ្តល់​ប្រយោជន៍​រយៈពេល​វែង​ដល់​ប្រទេស​កម្ពុជា ពិសេស​ផល​ប្រយោជន៍​ផ្នែក​ស្ថិរភាព។

លោក​បន្ត​ថា នេះ​ជា​ផ្នែក​មួយ​នៃ​ការ​ពង្រឹង​ទំនុក​ចិត្ត​របស់​អ្នក​បោះឆ្នោត និង​អនុញ្ញាត​ឲ្យ​ពលរដ្ឋ​ជ្រើសរើស​មេ​ដឹកនាំ​ដែល​អាច​តំណាង​ឲ្យ​ពលរដ្ឋ​នៅ​កម្រិត​ឃុំ-សង្កាត់ និង​ថ្នាក់​ជាតិ។

សហភាព​អឺរ៉ុប ផ្តល់​ការ​គាំទ្រ​ដល់​សកម្មភាព​របស់​អង្គការ​សង្គម​ស៊ីវិល ដែល​ធ្វើ​ការងារ​លើក​កម្ពស់​ការ​ចូលរួម​ឲ្យ​បាន​ទូលំទូលាយ​របស់​ក្រុម​មនុស្ស​ទន់​ខ្សោយ​ក្នុង​ដំណើរការ​បោះឆ្នោត។

លោក ច្សច អេដហ្គា ឲ្យ​ដឹង​ថា សហភាព​អឺរ៉ុប ផ្តល់​ជំនួយ​ដល់​សង្គម​ស៊ីវិល​ដែល​ធ្វើ​សកម្មភាព​ត្រៀម​រៀបចំ​ការ​បោះឆ្នោត​ឆ្នាំ​២០១៧ និង​ឆ្នាំ​២០១៨។ ការងារ​ទាំងនោះ​រួម​មាន ការ​លើក​ទឹក​ចិត្ត​ដល់​យុវជន និង​ស្ត្រី​ឲ្យ​ចូលរួម​ក្នុង​ដំណើរការ​បោះឆ្នោត​បែប​ប្រជាធិបតេយ្យ និង​សកម្មភាព​ឃ្លាំ​មើល​ការ​បោះឆ្នោត។

សហភាព​អឺរ៉ុប ក៏​សហការ​ជាមួយ​ការិយាល័យ​ឧត្ដមស្នងការ​អង្គការ​សហប្រជាជាតិ​ផ្នែក​សិទ្ធិ​មនុស្ស និង​អង្គការ​សង្គម​ស៊ីវិល​ក្នុង​ស្រុក ធ្វើ​ការងារ​តាមដាន និង​អង្កេត​ការ​វិវឌ្ឍន៍​ស្ថានភាព​សិទ្ធិ​មនុស្ស​ក្នុង​រយៈពេល​រៀបចំ​ការ​បោះឆ្នោត៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (4)
  • បោះពុម្ព
  • ចែករំលែក
  • អ៊ីម៉ែល

John

ពី London

It must stupid for the European parliament to make this type of request from Cambodia court. They should know who run/own the entire judicial system in this little kingdom.

Feb 15, 2017 03:45 AM

អ្នក​អាន​អនាមិក

it is simple any leaders follow Hun Sen model (30 years in power)will destroy/ruin the country to benefit a small group in the party. any leaders follow Sam Rangsey model will make peace/opportunity/grow for all especially young generation and soldiers.

Feb 15, 2017 02:53 AM

អ្នក​អាន​អនាមិក

ការនិយាយនេះអាចអោយរដ្ឋភិបាលថាជាការជ្រៀតជ្រេកកិច្ចការផ្ទៃក្នុង
កម្ពុជា?​ បើដើរស្មុំគេគួរតែគេនិយាយថាមិនហ៊ានជ្រៀតជ្រេកកិច្ចការផ្ទៃ
ក្នុងកម្ពុជាទេទើបសមមុខ?

Feb 14, 2017 08:57 PM

អ្នក​អាន​អនាមិក

Dear Mr. Edgar
Only urging is not enough to make this savage regime heed. You need to do more than that because this mad dog regime does not not know what is fair for others.

Feb 14, 2017 10:46 AM

គេហទំព័រ​ទាំងមូល