លោក ហ៊ុន សែន រិះគន់​អ្នក​អត្ថាធិប្បាយ​ច្បោលៗ​ហ៊ាន​រិះគន់​គោល​នយោបាយ​រដ្ឋាភិបាល

ដោយ វ៉ាន វណ្ណដេត
2017-04-20
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
លោក​នាយករដ្ឋមន្ត្រី ហ៊ុន សែន ចែក​សញ្ញាប័ត្រ​ដល់​និស្សិត​សកល​វិទ្យាល័យ​ជាតិ​គ្រប់គ្រង កាល​ពី​ថ្ងៃ​ទី​៥ ខែ​កុម្ភៈ ឆ្នាំ​២០១៦ នា​មជ្ឈមណ្ឌល​ពិព័រណ៍ និង​សន្និបាត​កោះពេជ្រ រាជធានី​ភ្នំពេញ។
លោក​នាយករដ្ឋមន្ត្រី ហ៊ុន សែន ចែក​សញ្ញាប័ត្រ​ដល់​និស្សិត​សកល​វិទ្យាល័យ​ជាតិ​គ្រប់គ្រង កាល​ពី​ថ្ងៃ​ទី​៥ ខែ​កុម្ភៈ ឆ្នាំ​២០១៦ នា​មជ្ឈមណ្ឌល​ពិព័រណ៍ និង​សន្និបាត​កោះពេជ្រ រាជធានី​ភ្នំពេញ។
RFA/Brach Chev

លោក​នាយក​រដ្ឋមន្ត្រី ហ៊ុន សែន បាន​រិះគន់​អ្នក​អត្ថាធិប្បាយ​ដែល​ហ៊ាន​និយាយ​រិះគន់​ច្បោលៗ​ពី​គោល​នយោបាយ និង​សកម្មភាព​របស់​រដ្ឋាភិបាល។ លោក ហ៊ុន សែន ហៅ​ការ​អត្ថាធិប្បាយ​ច្បោលៗ​ថា​ជា​រឿង​គួរ​ឲ្យ​ខ្មាស​អៀន។ អ្នក​ស្រាវជ្រាវ​ការ​អភិវឌ្ឍ​សង្គម​យល់​ថា អ្នក​អត្ថាធិប្បាយ​រិះគន់​ច្បោលៗ​ដោយសារ​រដ្ឋាភិបាល​មិន​បាន​បង្ហាញ​តម្លាភាព។

ការ​រិះគន់​របស់​លោក​នាយក​រដ្ឋមន្ត្រី ហ៊ុន សែន នេះ គឺ​ស្រប​ពេល​ដែល​ការ​បោះឆ្នោត​ជ្រើសរើស​ក្រុម​ប្រឹក្សា​ឃុំ-សង្កាត់​កាន់​តែ​ខិត​ជិត​មក​ដល់ ហើយ​មេ​ដឹកនាំ​គណបក្ស​ធំ​ចំនួន​ពីរ​នៅ​កម្ពុជា ក៏​ចាប់​ផ្ដើម​បង្កើន​ការ​បង្អួត​គោល​នយោបាយ​រៀងៗ​ខ្លួន។

ថ្លែង​ពី​វិទ្យាស្ថាន​ជាតិ​អប់រំ ក្នុង​ឱកាស​ចែក​សញ្ញាបត្រ​ដល់​និស្សិត​សាកលវិទ្យាល័យ​ឯកជន​មួយ លោក​នាយក​រដ្ឋមន្ត្រី ហ៊ុន សែន បាន​បង្អួត​គោល​នយោបាយ​ដែល​រដ្ឋាភិបាល​បាន​ដាក់​ចេញ។ លោក ហ៊ុន សែន លើក​ឡើង​ថា គោល​នយោបាយ​ដែល​រដ្ឋាភិបាល​លោក​ដាក់​ចេញ មិន​មែន​ជា​ការ​លេង​សើច​ទេ។ លោក​ចាត់​ទុក​ការ​ធ្វើ​អត្ថាធិប្បាយ​រិះគន់​គោល​នយោបាយ​រដ្ឋាភិបាល​របស់​លោក ថា​ជា​រឿង​ដ៏​គួរ​ឲ្យ​ខ្មាស​អៀន និង​ស្នើ​ឲ្យ​និស្សិត​ដែល​ទទួល​សញ្ញាបត្រ​នៅ​ព្រឹក​ថ្ងៃ​ទី​២០ មេសា នេះ កុំ​ឲ្យ​អត្ថាធិប្បាយ​ច្បោលៗ និង​និយាយ​ខុស​ការពិត​ដោយ​បំពាន៖ «ខ្លួន​ម្នាក់​ចេះ​ដឹង​គ្រប់​វិស័យ​ទាំងអស់ រាប់​ទាំង​មិន​ទាន់​ស្គាល់​ថា តើ​ក្រសួង​គេ​មាន​ច្បាប់ និង​អនុក្រឹត្យ​ស្ដីពី​ការ​រៀបចំ និង​ការ​ប្រព្រឹត្ត​ទៅ​របស់​ស្ថាប័ន​ហ្នឹង មិន​ទាន់​ស្គាល់​មុខងារ​នៃ​ស្ថាប័ន​នោះ ប៉ុន្តែ​គេ​ហ៊ាន​ធ្វើ​អត្ថាធិប្បាយ ជា​រឿង​គួរ​ឲ្យ​ខ្មាស​អៀន»

ក្រៅ​ពី​គោល​នយោបាយ​ដែល​បាន​ដាក់​ចេញ លោក​នាយក​រដ្ឋមន្ត្រី​យល់​ថា សកម្មភាព​របស់​រដ្ឋាភិបាល​ក៏​ដើរ​បាន​ល្អ​តាម​គោល​នយោបាយ​ដែរ។ បើ​ទោះ​បី​ជា​គោល​នយោបាយ​លើ​វិស័យ​សុខាភិបាល រង​ការ​រិះគន់​ជា​បន្តបន្ទាប់​តាំង​ពី​ប្រជាពលរដ្ឋ​រហូត​ដល់​វេជ្ជបណ្ឌិត ក៏​លោក​នាយក​រដ្ឋមន្ត្រី​យល់​ថា វិស័យ​នេះ​មាន​សកម្មភាព​ល្អ​ដូច​គោល​នយោបាយ​សុខាភិបាល​ដែរ។

អ្នក​សិក្សា​ស្រាវជ្រាវ​ការ​អភិវឌ្ឍ និង​សង្គម បណ្ឌិត មាស នី មើល​ឃើញ​ថា អ្នក​អត្ថាធិប្បាយ​ខ្លះ​ច្បោលៗ​ដូច​លោក​នាយក​រដ្ឋមន្ត្រី​មើល​ឃើញ​ដែរ។ ក៏ប៉ុន្ដែ​លោក មាស នី ថា​ពេល​ខ្លះ​ការ​អត្ថាធិប្បាយ​រិះគន់​ច្បោលៗ ដោយសារ​តែ​រដ្ឋាភិបាល​មិន​សូវ​បាន​បង្ហាញ​តម្លាភាព​គ្រប់គ្រាន់។

លោក​បន្ត​ថា បើ​រដ្ឋាភិបាល​មាន​សមត្ថភាព​បង្ហាញ​ពី​ទិន្នន័យ​ច្បាស់លាស់​ប្រកប​ដោយ​តម្លាភាព អ្នក​អត្ថាធិប្បាយ ឬ​អ្នក​វិភាគ ងាយ​នឹង​ផ្ដល់​អនុសាសន៍​ល្អៗ តែ​បើ​រដ្ឋាភិបាល​មិន​បាន​បង្ហាញ​តម្លាភាព​ត្រឹមត្រូវ ការ​វិភាគ​បាន​ត្រឹម​ប៉ាន់ស្មាន​តែ​ប៉ុណ្ណោះ៖ «អ្នក​រិះគន់​ពេល​ខ្លះ យើង​មាន​ការ​ពិបាក​ណាស់ ដោយសារ​រដ្ឋាភិបាល​យើង​ហ្នឹង​មិន​បាន​ផ្ដល់​តម្លាភាព​សម្រាប់​សង្គម​ជាតិ​របស់​ខ្លួន​ឯង។ ចឹង ពេល​ខ្លះ​ការ​វិភាគ​បាន​ត្រឹម​តែ​ការ​ប៉ាន់​ប្រមាណ​ទៀត ហើយ​ពេល​ខ្លះ ទិន្នន័យ​ហ្នឹង​ទៀត មិន​ហ៊ាន​យក​ទៅ​និយាយ​ទៀត ដោយសារ​ខ្លាច​អី? ខ្លាច​កាលណា​និយាយ​ទៅ​ខុស គេ​ចោទ​ប្រកាន់​ថា​យើង​បំផ្លើស​ព័ត៌មាន​ទៅ អាច​ជា​ជាប់​គុក អាច​ទៅ​ស្លាប់​អ៊ីចឹង​ទៅ»

បើ​ទោះ​បី​ជា​លោក​នាយក​រដ្ឋមន្ត្រី ចាត់​ទុក​សកម្មភាព និង​គោល​នយោបាយ​របស់​រដ្ឋាភិបាល​ដែល​បាន​ចេញ​ថា​ល្អ និង​ដើរ​យ៉ាង​រលូន ប៉ុន្តែ​លោក មាស នី យល់​ថា ដើម្បី​ឲ្យ​សង្គម​មួយ​រីក​ចម្រើន លុះត្រា​តែ​រដ្ឋាភិបាល​ចេះ​រៀបចំ​សង្គម​ឲ្យ​បាន​ត្រឹមត្រូវ និង​ចេះ​ទទួល​ស្គាល់​ពី​ចំណុច​ខ្សោយ​របស់​ខ្លួន។ លោក​ថា សង្គម​ស៊ីវិល​ក៏​គួរ​ទទួល​យក​ចំណុច​ខ្សោយ​របស់​ខ្លួន​ដែរ មិន​មែន​តែ​រដ្ឋាភិបាល​ទេ៖ «បើ​សិន​ជា​យើង​នៅ​រស់​ក្នុង​សង្គម​មួយ​ដែល​រិះគន់​គ្នា​អត់​បាន កាលណា​រិះគន់​គឺ​ត្រូវ​បាន​ចោទ​ប្រកាន់​អី​ទៅ អា​ហ្នឹង​វា​ធ្វើ​ឲ្យ​ថ្ងៃ​ក្រោយ​ទៅ យើង​មិន​ចង់​ប្រើ​ពាក្យ​ថា ឲ្យ​រដ្ឋាភិបាល​ជិះ​សេះ​លែង​ដៃ ក៏ប៉ុន្ដែ​យើង​ជួយ​ទាញ​កន្លុះ ហ្នឹង​ឲ្យ​វា​បាន​ឆេះ​ទៅ សង្គម​យើង​វា​ដើរ​ទៅ​មុខ ទាន់​គេ​ទាន់​ឯង​ហើយ ព្រោះ​យើង​ត្រូវ​ទទួល​ស្គាល់​ថា ទោះ​បី​យើង​ខំ​ប្រឹង​ប៉ិន​ណេះ​ក៏ដោយ ប៉ុន្តែ​យើង​នៅ​តែ​ជា​ប្រទេស​មួយ​ក្រីក្រ​ក្រោយ​គេ នៅ​ក្នុង​តំបន់​ប្រទេស​ទាំង​១០ អា​ហ្នឹង​ត្រូវ​ទទួល​ស្គាល់​ចំណុច​ខ្សោយ​របស់​យើង​ផង»

កន្លង​ទៅ អ្នក​វិភាគ​យល់​ថា គោល​នយោបាយ​រាជ​រដ្ឋាភិបាល​ដែល​បាន​ដាក់​ចេញ គឺ​ល្អ​ចាប់​តាំង​ពី​គោល​នយោបាយ​យុទ្ធសាស្ត្រ​ត្រីកោណ យុទ្ធសាស្ត្រ​ចតុកោណ​ដំណាក់កាល​ទី​១ ទី​២ និង​ដំណាក់កាល​ទី​៣ ប៉ុន្តែ​អ្នក​វិភាគ​យល់​ថា ការ​អនុវត្ត​តាម​គោល​នយោបាយ​ទាំងនេះ​នៅ​មិន​ទាន់​ល្អ​ទាំងស្រុង​នោះ​ទេ ទាមទារ​ឲ្យ​មាន​ស្ថាប័ន​មួយ​ដើម្បី​ឃ្លាំ​មើល​ការ​អនុវត្ត​គោល​នយោបាយ​របស់​រដ្ឋាភិបាល។

គោល​នយោបាយ​របស់​រដ្ឋាភិបាល​ដែល​រង​ការ​រិះគន់​ខ្លាំង គឺ​គោល​នយោបាយ​ក្នុង​វិស័យ​សុខាភិបាល។ កាល​នៅ​មាន​ជីវិត លោក​បណ្ឌិត កែម ឡី ធ្លាប់​លើក​ឡើង​ថា វិស័យ​សុខាភិបាល​មិន​គួរ​ត្រឹម​តែ​កែ​ទម្រង់​ទេ វិស័យ​មួយ​នេះ​គួរ​តែ​ធ្វើ​បដិវត្ត៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (6)
  • បោះពុម្ព
  • ចែករំលែក
  • អ៊ីម៉ែល

អ្នក​អាន​អនាមិក

ពី USA

WELL, WELL DON'T THINK TO COMPLICATED OR LET HUN SEN FOOL YOU. HERE IT IS VERY SIMPLE, NO ONE IS PERFECT, DON'T LET ONE PERSON IN POWER TOO LONG HE WILL CORRUPT, GIVE OPPORTUNITY TO NEW PERSON. ANY THINGS ELSE WILL CHANGE AFTER.

Apr 21, 2017 01:21 AM

អ្នក​អាន​អនាមិក

ពេលបានអានអត្ថបទនេះ ធ្វើឲ្យយើងជាខ្មែរយល់បាននូវចំណុចពីរយ់ាងគឺ ទី១ លោកចង់ប្រដៅដល់អ្នករិះគន់លោកច្បោលៗ ។ រីឯទី២ លោកចង់មានន័យបែបចំអកដល់អ្នកនយោបាយដែលធ្លាប់តែរិះគន់មកលោកដោយច្បោលៗ ។ ដូច្នេះ ខ្ញំុបាទយើងខ្ញំុសំុជំរាបលោកនាយករដ្ឋមន្ត្រីតាមត្រង់ចុះថា តាមការពិតគឺ ចាប់តាំងពីបក្សប្រជាជនប្លន់អំណាចនៅថ្ងៃទី៥ ៦ ៧ ខែកក្កដា ឆ្នាំ១៩៩៧ យើងបានរិះគន់លោកមែន ព្រោះការរិះគន់របស់យើង ក្នុងន័យរិះគន់ស្ថាបនារបែបបណ្ឌិត ដោយចង់ឲ្យលោកបោះបង់គំនិតពាល(អតីត៖ឧទ្ទាមគំសំឡាប់មនុស្ស) ។ ដូច្នេះហើយបានជាយើងក្លែងនូវពាក្យកាព្យថា រិះគន់ស្ថាបនា ជាអាហាររបស់បណ្ឌិត រិះគន់គ្មានការពិត ជាគំនិតរបស់ជនពាល ។ យើងសំុលើកយកត្រឹមថ្ងៃទី៥, ៦ ,៧ ខែកក្កដាឆ្នាំ១៩៩៧ ដោយសារតែលោកមិនបោះបង់គំនិតធ្វើទុក្ខុកម្និញនិងសំឡាប់នេះហើយទើប នៅថ្ងៃទី២២ ខែមិថុនា ឆ្នាំ២០១២ គឺយើងខ្មែរនៅក្រៅប្រទេសនិង ក្នុងប្រទេសរួមគ្នាដាក់ពាក្យប្តឹងទៅតុលាការព្រហ្មទណ្ឌអន្តរជាតិ I.C.C ដើម្បីទប់ស្កាត់កំុឲ្យមានការកាប់សំឡាប់ដូចក្នុងរបបកុម្មុយនិស្តដឹកនាំដោយលោក សា ឡុត សរ ឫហៅកាត់ Pol Pot ។
ទី២ដោយសារតែលោកធ្លាប់ហែលនូវភាភយង់ឃ្នងនិង ប្រល័យពូជសាសន័យកសង្គ្រាមជាមុខរបរ លោកបានបន្តជំលោះបែបសង្គ្រាមនៅជាយដែនខ្មែរថៃទៀត ដើម្បីផ្តល់បុណ្យសក្តិ៍ដល់នាយទាហាន ។ បន្ទាប់មក លោកបានប្រើវោហាសព្ទមិនឲ្យខ្មែរណាមានសញ្ជាតិពីរធ្វើនយោបាយដឹកនាំប្រទស។ ប៉ុន្តែដោយមានការពន្យល់ពីអ្នកចេះច្បាប់ជាតិនិងអន្តរជាតិ (ហេតុទាំងអស់នេះបានកំណត់ក្នុងចិត្តកូនខ្មែរ) ។ សព្វថ្អៃនេះលោកម្នាក់នេះបានចូលប្រឡូកនយោបាយរីះគន់ចំៗពីការដឹកនាំរបស់លោកដែលបានបញ្ញូលជនជាតិយួនចូលស្រុកខ្មែរ ដណ្តើមនូវភោគផលពីខ្មែរ តាមកិច្ចព្រមព្រៀងតាមរយ៖បក្សប្រជាជន (ប្រហែលជាលោកមិនបានស្តាប់ឫ ក៏ស្តាប់រំលងផងក៏អាចថាបាន) នេះយើងមិនទាន់រគិតនូវវោហារសព្ទជំពាក់យើងផង ៕

Apr 21, 2017 12:37 AM

អ្នក​អាន​អនាមិក

Leader should collect and analyse comment / feedback for the prosperity of the country

Apr 20, 2017 08:36 PM

who's gonna kill this jackass dictator

This criminal mind always say one thing and do other thing to coverup too many crimes he'd been committed...this evil is very dangerous to the country and pple.Time to brought this horrible man to face a justice at ICC justice system.This evil dictator has ever never fear anyone in this world and he thought no anybody dare to bring him up to face a justice at all,that why this evil dictator don't scare anything at all"sometime he called them...all chicken men and barbarism",and he told to the world that don't expecting him like Saddam or Gaddafi fated deaths yet and wouldn't be happen in Camdodia,and it says even he die and so everybody must be die before him and his family...no way alligator...i'm the smart one bad dude dictator in 21st century.

Apr 20, 2017 06:22 PM

Bona

ពី Phnom Penh

Our Prime Minister is not a man and not a leader. There are four reasons that he's not:

1) a man does not begg for money (always
aks the Chinese)
2) a leader debates his opponents on TV
3) a leader allows his people to criticize
4) a leader does not purchase "Like" clicks

Apr 20, 2017 12:09 PM

មើល​មតិ​ទាំង​អស់.

គេហទំព័រ​ទាំងមូល