បក្ស​ប្រឆាំង៖ អ្នក​ចុច​ចូល​ចិត្ត​ទំព័រ​ហ្វេសប៊ុក​លោក ហ៊ុន សែន មិន​ឆ្លុះ​បញ្ចាំង​ពី​ការ​គាំទ្រ

ដោយ ប្រាជ្ញ ចេវ
2016-02-02
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
ហ្វេសប៊ុក ហ៊ុន សែន សម រង្ស៊ី ៨៥៥ ២០១៦
ទំព័រ​ហ្វេសប៊ុក (Facebook) របស់​នាយករដ្ឋមន្ត្រី លោក ហ៊ុន សែន និង​ទំព័រ​ហ្វេសប៊ុក​របស់​ប្រធាន​គណបក្ស​សង្គ្រោះ​ជាតិ លោក សម រង្ស៊ី គិត​ត្រឹម​ម៉ោង ៥ និង ៤០​នាទី​ល្ងាច​ថ្ងៃ​ទី​២ ខែ​កុម្ភៈ ឆ្នាំ​២០១៦។
RFA Screenshot

មន្ត្រី​ជាន់​ខ្ពស់​នៃ​គណបក្ស​ប្រឆាំង មិន​បង្ហាញ​ការ​ភ្ញាក់​ផ្អើល​នៅ​ពេល​ដែល​ហ្វេសប៊ុក (Facebook) របស់​លោក ហ៊ុន សែន ទទួល​បាន​ចំនួន​ចុច​ចូលចិត្ត ឬ​គាំទ្រ (Like) បាន​ច្រើន​លើស​ប្រធាន​គណបក្ស​របស់​ខ្លួន គឺ​លោក សម រង្ស៊ី។ អ្នក​នាំ​ពាក្យ​គណបក្ស​សង្គ្រោះ​ជាតិ លោក យ៉ែម បុញ្ញឫទ្ធិ ថា ចំនួន​គាំទ្រ​តាម​ហ្វេសប៊ុក មិន​អាច​ឆ្លុះ​បញ្ចាំង​ពី​ការ​គាំទ្រ​ពេញ​បន្ទុក​លើ​នាយករដ្ឋមន្ត្រី​បាន​ទេ ប៉ុន្តែ​ចំនួន​មហាជន Like អាច​ដើម្បី​ទទួល​បាន​ព័ត៌មាន​ប៉ុណ្ណោះ។

ការ​លើក​ឡើង​របស់​អ្នក​នាំ​ពាក្យ​គណបក្ស​គណបក្ស​ប្រឆាំង​នៅ​ពេល​នេះ បន្ទាប់​ពី​ហ្វេសប៊ុក ផ្លូវការ​របស់​លោក​នាយករដ្ឋមន្ត្រី ហ៊ុន សែន មាន​ចំនួន​អ្នក​គាំទ្រ ឬ​ចូលចិត្ត​ជាង ២​លាន​នាក់ (២,០៩៩,៧៤០​នាក់) គិត​ត្រឹម​ម៉ោង​ជាង ១១​ព្រឹក ថ្ងៃ​ទី​២ ខែ​កុម្ភៈ ដែល​កើន​លើស​ហ្វេសប៊ុក របស់​លោក សម រង្ស៊ី។

អ្នក​នាំ​ពាក្យ​គណបក្ស​សង្គ្រោះ​ជាតិ លោក យ៉ែម បុញ្ញឫទ្ធិ ថា ចំនួន​អ្នកគាំទ្រ​ហ្វេសប៊ុក លោក ហ៊ុន សែន ព្រោះ​មហាជន​ទូទៅ​ចូលចិត្ត ដើម្បី​ទទួល​បាន​ព័ត៌មាន។ មួយ​វិញ​ទៀត លោក​ក៏​មិន​ដឹង​ថា ហ្វេសប៊ុក លោក ហ៊ុន សែន ចំណាយ​លុយ​ប៉ុន្មាន​ឲ្យ​ក្រុមហ៊ុន ហ្វេសប៊ុក ដើម្បី​ផ្សាយពាណិជ្ជកម្ម​ដែរ៖ «ខ្ញុំ​អត់​មាន​ការ​ភ្ញាក់ផ្អើល​ទេ ជា​រឿង​ធម្មតា​ទេ ព្រោះ​បើ​ដាក់​លុយ​ប្រូម៉ូ (Promo) ច្រើន បាន​អ្នក Like ច្រើន។ ទី​២ រូប​ខ្ញុំ​ក៏ Like ព្រោះ​គាត់ (លោក ហ៊ុន សែន) ជា​ប្រមុខ​រដ្ឋាភិបាល ដើម្បី​ចង់​ដឹង​ព័ត៌មាន»

នៅ​ពេល​នេះ ហ្វេសប៊ុក របស់​លោក ហ៊ុន សែន វ៉ា​ដាច់​ហ្វេសប៊ុក របស់​ប្រធាន​គណបក្ស​សង្គ្រោះ​ជាតិ លោក សម រង្ស៊ី។

លោក ហ៊ុន សែន បាន​រំលឹក​ឲ្យ​ដឹង​ថា ដំបូង​ឡើយ ហ្វេសប៊ុក លោក​ត្រូវ​បាន​យុវជន​ម្នាក់​បញ្ចប់​ការ​សិក្សា​ពី​ក្រៅ​ប្រទេស​ជួយ​បង្កើត​ឲ្យ ដោយ​មាន​ឈ្មោះ​ថា Samdech Hun Sen, Cambodian Prime Minister ប៉ុន្តែ​មិន​មែន​មាន​តែ​មួយ​ទេ។ លោក​បញ្ជាក់​ថា នៅ​ខែ​កញ្ញា ឆ្នាំ​២១០៥ លោក​សម្រេច​ជ្រើស​យក​ហ្វេសប៊ុក មួយ​ជា​ផ្លូវការ ដែល​មាន​ចំនួន​អ្នក​គាំទ្រ ១.៥​លាន​នាក់។

និស្សិត​ឆ្នាំ​ទី​៣ នៃ​សកល​វិទ្យាល័យ​ភ្នំពេញ កញ្ញា ធឹម ដាលី យល់​ឃើញ​ថា គាំទ្រ​ឲ្យ​អ្នក​នយោបាយ​ប្រើប្រាស់​បណ្ដាញ​សង្គម​ជា​ផ្លូវ​ការ​ដើម្បី​ធ្វើ​ឲ្យ​អ្នក​នយោបាយ ជាពិសេស​នាយករដ្ឋមន្ត្រី​មាន​ទំនាក់ទំនង​ជាមួយ​ពលរដ្ឋ​កាន់​តែ​នៅ​ជិត​គ្នា។ កញ្ញា​បន្ត​ថា កន្លង​មក ហ្វេសប៊ុក របស់​ណា​មួយ​មន្ត្រី​រដ្ឋាភិបាល​បង្ហោះ​ព័ត៌មាន​ល្អ ព័ត៌មាន​ពិត​ដល់​សង្គម គឺ​កញ្ញា Likes (គាំទ្រ) មិន​ប្រកាន់​និន្នាការ​នយោបាយ​ទេ៖ «ខ្ញុំ​គាំទ្រ​ដើម្បី​ឲ្យ​ប្រជាជន​មាន​ភាព​ស្និទ្ធស្នាល​ជាមួយ​អ្នក​នយោបាយ ដើម្បី​ឲ្យ​អ្នក​ដែល​រស់​នៅ​ក្នុង​ប្រទេស និង​ក្រៅ​ប្រទេស​ទាំង​អស់​ដឹង​ពី​សកម្មភាព​របស់​អ្នក​នយោបាយ ឬ​ប្រមុខ​រដ្ឋាភិបាល»

​ពលរដ្ឋ​ម្នាក់​ទៀត លោក ពេជ្រ សុវណ្ណ ដែល​ប្រើប្រាស់​បណ្ដាញ​សង្គម​ហ្វេសប៊ុក ដែរ​នោះ និយាយ​ថា បណ្ដាញ​សង្គម​អាច​ឲ្យ​ពលរដ្ឋ​ប្រាប់​ពី​ទុក្ខ​កង្វល់​របស់​ទៅ​កាន់​ប្រមុខ​រដ្ឋាភិបាល ឬ​មន្ត្រី​ទាក់ទង​គណបក្ស​ប្រឆាំង។ ប៉ុន្តែ​លោក​ក៏​ព្រួយបារម្ភ​ផង​ដែរ ប្រសិនបើ​អ្នក​ប្រើ​ហ្វេសប៊ុក រិះគន់​ខ្លាំង​ទៅ​ប្រមុខ​រដ្ឋាភិបាល ឬ​មន្ត្រី​រដ្ឋាភិបាល ពួកគេ​នឹង​ត្រូវ​ប្រឈម​មុខ​នឹង​ការ​ប្ដឹងផ្ដល់៖ «នេះ​ជា​ការ​ល្អ ប្រសិន​ពលរដ្ឋ​មាន​ការ​លំបាក​អី អាច​ផ្ដល់​ភ្លាមៗ​ទៅ​រដ្ឋាភិបាល ឬ​គណបក្ស​ប្រឆាំង​ទាន់​ពេល​វេលា បើ​មិន​បាន​ដោះស្រាយ​ទេ ក៏​អាច​ឲ្យ​ពួកគាត់​បាន​ដឹង​ដែរ»

​នាយិកា​ប្រតិបត្តិ​មជ្ឈមណ្ឌល​សិទ្ធិមនុស្ស​កម្ពុជា (CCHR) អ្នកស្រី ចក់ សុភាព គាំទ្រ​សកម្មភាព​អ្នក​នយោបាយ ជាពិសេស​ប្រមុខ​រដ្ឋាភិបាល​ដែល​ប្រើប្រាស់​បណ្ដាញ​សង្គម​ដើម្បី​ដោះស្រាយ​បញ្ហា​ពលរដ្ឋ។ ប៉ុន្តែ​លោក​ស្នើ​មន្ត្រី​រដ្ឋាភិបាល​ត្រូវ​បំពេញ​ការងារ​របស់​ខ្លួន​ឲ្យ​សកម្ម​ដូច​បង្ហាញ​នៅ​ក្នុង​ហ្វេសប៊ុក​ផង។ ទោះ​យ៉ាង​នេះ​ក្ដី អ្នកស្រី ចក់ សុភាព ស្នើ​ទៅ​ប្រមុខ​រដ្ឋាភិបាល​មុន​នឹង​ចាត់​វិធានការ​ផ្លូវ​ច្បាប់​ណា​មួយ​លើ​អ្នក​រិះគន់​នៅ​ក្នុង​បណ្ដាញ​នេះ ត្រូវ​ធ្វើ​ក្នុង​ភាព​ចាំបាច់៖ «មាន​មតិ​រិះគន់​មួយ​ចំនួន ឬ​ការ​ឆ្លើយឆ្លង​មួយ​ចំនួន​ដែល​រដ្ឋាភិបាល​ត្រូវ​អត់ធ្មត់ ឬ​អធ្យាស្រ័យ​ខ្ពស់ ព្រោះ​គាត់​ត្រូវ​បែងចែក​ឲ្យ​ដាច់​ថា ជា​បុគ្គល​ឯកជន ឬ​បុគ្គល​សាធារណៈ»

គិត​ដល់​ល្ងាច​ថ្ងៃ​ទី​២ ខែ​កុម្ភៈ អ្នក​គាំទ្រ​ហ្វេសប៊ុក លោក ហ៊ុន សែន និង​ហ្វេសប៊ុក លោក សម រង្ស៊ី ដែល​មាន​ជាង​ពីរ​លាន​នាក់​ដូច​គ្នា​នោះ គឺ​ហ្វេសប៊ុក លោក ហ៊ុន សែន លើស​លោក សម រង្ស៊ី ជាង ១៦.០០០​នាក់។ ប៉ុន្តែ​យោង​តាម​ទិន្នន័យ​ពី​គេហទំព័រ Socialbakers អ្នក​ប្រើប្រាស់​ហ្វេសប៊ុក នៅ​ក្នុង​ប្រទេស​កម្ពុជា គាំទ្រ​លោក សម រង្ស៊ី ច្រើន​ជាង​លោក ហ៊ុន សែន៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

មតិ (21)
  • បោះពុម្ព
  • ចែករំលែក
  • អ៊ីម៉ែល

welcome more piss of supporter

Lawless fascist HuSein got million facebook supporters piss of on him and curse him in every second to join Saddam and Gaddafi grave .Evil man HuSein needs more curse on him sooner rather later "stupid thug ".

Feb 15, 2016 12:57 PM

អ្នក​អាន​អនាមិក

All I can say is DESPERATE DESPERATE! The CPP thugs have so much money they paid people to create fake facebook accounts.

Feb 04, 2016 12:08 PM

អ្នក​អាន​អនាមិក

មេដឹកនាំប្រើលុយទិញកេរ្ដិ៍ឈ្មោះ ទិញសន្លឹកឆ្នោតពីរាស្រ្ត ស្មើនិងសង់ស្ពានពុកផុយសម្រាប់ខ្លួនដើរឆ្លង រាស្រ្តមិនពិតជាគាំទ្រនោះទេ រីឯបរិវាដែលអែបអបខ្លួនរាល់ថ្ងៃ ក៏នឹងនាំគ្នាដោះដៃទៅចោលអស់មិនខាន ពេលណាខ្លួនអស់លុយអស់អំណាចថ្ងៃណាមួយ

Feb 03, 2016 07:12 PM

អ្នក​អាន​អនាមិក

ONE PERSON JUST PRESS A NUMBER MILLION TIMES OR MORE ON LIKE HUN SEN.A REALITY 2 PERCENT OR LESS LIKE HIM IN THE ENTIRE COUNTRY.

Feb 03, 2016 05:51 PM

អ្នក​អាន​អនាមិក

How much did the CPP thugs pay people to press like? CPP is fake. Keep paying people to like them.

Feb 03, 2016 12:31 PM

មើល​មតិ​ទាំង​អស់.

គេហទំព័រ​ទាំងមូល