ប្រធានផែនការរបស់សហព័ន្ធខ្មែរកម្ពុជាក្រោម លោក ត្រឹង ម៉ាន់ណារិន្ទ បានដឹកនាំប្រតិភូខ្មែរក្រោមមួយក្រុមមកជួបមន្ត្រីជាន់ខ្ពស់របស់ក្រសួងការបរទេសសហរដ្ឋអាមេរិក កាលពីថ្ងៃសុក្រ ទី១៧ តុលា ដើម្បីសុំឲ្យសហរដ្ឋអាមេរិក ដាក់គំនាបទៅលើរដ្ឋាភិបាលវៀតណាម ឲ្យដោះលែងព្រះសង្ឃខ្មែរកម្ពុជាក្រោមដែលកំពុងជាប់ពន្ធនាគារនៅប្រទេសវៀតណាម និងអនុញ្ញាតឲ្យខ្មែរក្រោមទទួលបានសិទ្ធិសេរីភាពផ្នែកសាសនា និងសិទ្ធិមនុស្សពេញលេញ។
ខ្មែរកម្ពុជាក្រោម ស្នើឲ្យសហរដ្ឋអាមេរិក ធានាថា រដ្ឋាភិបាលវៀតណាម នឹងគោរពសិទ្ធិមនុស្ស ជាពិសេសសិទ្ធិជនជាតិដើមខ្មែរកម្ពុជាក្រោម ដែលកំពុងរស់នៅប្រទេសវៀតណាម មុនពេលអនុញ្ញាតឲ្យវៀតណាម ចូលជាសមាជិកប្រទេសដៃគូពាណិជ្ជកម្មអន្តរប៉ាស៊ីហ្វិក (Trans-Pacific Partnership)។
សូមលោកអ្នកនាងស្តាប់បទសម្ភាសន៍របស់ លោក យន់ សាមៀន និងលោក ត្រឹង ម៉ាន់ណារិន្ទ ស្ដីពីគម្រោងជួបនឹងមន្ត្រីជាន់ខ្ពស់ក្រសួងការបរទេសអាមេរិក ដូចតទៅ៖
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។