តុលាការ​សម្រេច​ផ្ដន្ទាទោស​លោក កឹម សុខា ដាក់​ពន្ធនាគារ​​​៥​ខែ​ពិន័យ​ប្រាក់​៨​សែន​រៀល

ដោយ ម៉ម មុនីរតន៍
2016-09-09
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
ប្រធាន​ស្ដីទី​គណបក្ស​សង្គ្រោះ​ជាតិ លោក កឹម សុខា លើក​ដៃ​ស្វាគមន៍​​​សកម្មជន​របស់​លោក នា​ទីស្នាក់ការ​កណ្ដាល​ក្នុង​​សង្កាត់​ចាក់អង្រែលើ រាជធានី​ភ្នំពេញ កាល​ពី​ព្រឹក​ថ្ងៃ​ទី​៩ កញ្ញា ឆ្នាំ​២០១៦។
ប្រធាន​ស្ដីទី​គណបក្ស​សង្គ្រោះ​ជាតិ លោក កឹម សុខា លើក​ដៃ​ស្វាគមន៍​​​សកម្មជន​របស់​លោក នា​ទីស្នាក់ការ​កណ្ដាល​ក្នុង​​សង្កាត់​ចាក់អង្រែលើ រាជធានី​ភ្នំពេញ កាល​ពី​ព្រឹក​ថ្ងៃ​ទី​៩ កញ្ញា ឆ្នាំ​២០១៦។
RFA/Cheu Sideth

នៅ​ថ្ងៃ​ទី​៩ ខែ​កញ្ញា ចៅក្រម​ជំនុំជម្រះ​នៃ​តុលាការ​ក្រុង​ភ្នំពេញ សម្រេច​ផ្ដន្ទាទោស​លោក កឹម សុខា ដាក់​ពន្ធនាគារ​រយៈពេល ៥​ខែ និង​ពិន័យ​លុយ​ចំនួន ៨​សែន​រៀល។ ក្រុម​សហ​មេធាវី​ការពារ​ក្ដី​ឲ្យ​លោក កឹម សុខា អះអាង​ថា ពួក​គេ​នឹង​ប្ដឹង​ឧទ្ធរណ៍​ប្រឆាំង​សាលក្រម​របស់​តុលាការ​ក្រុង​ភ្នំពេញ នៅ​ពេល​នេះ។

ក្រុមប្រឹក្សា​ជំនុំជម្រះ​នៃ​សាលាដំបូង​រាជធានី​ភ្នំពេញ លោក កែម មុន្នី បាន​សម្រេច​ផ្ដន្ទាទោស​​ប្រធាន​ស្ដីទី​គណបក្ស​ប្រឆាំង ហើយ​សាលក្រម​ក្រោម​បទ​ចោទ​បដិសេធ​មិន​ចូល​ខ្លួន​ក្នុង​នាម​ជា​សាក្សី​នេះ ក៏​បាន​បើក​ផ្លូវ​ឲ្យ​ក្រុម​សហ​មេធាវី​របស់​លោក កឹម សុខា ប្ដឹង​ឧទ្ធរណ៍​បន្ត​ដែរ។

នៅ​ក្នុង​អង្គ​សវនាការ​ដែល​ប្រើ​ពេល​ពេញ​មួយ​ព្រឹក និង​ប្រកាស​សាលក្រម​នៅ​​ពេល​រសៀល​នេះ លោក កឹម សុខា ត្រូវ​បាន​តុលាការ​រក​ឃើញ​ថា មាន​ទោស​ពី​បទ​មាន​ចេតនា​មិន​ចូល​ខ្លួន​តាម​ដីកា​កោះ​របស់​តុលាការ​ជា​ច្រើន​លើក​ច្រើន​សា​ក្នុង​សំណុំ​រឿង​សញ្ចារកម្ម ទាក់ទិន​នឹង​អ្នកនាង ខុម ចាន់តារាទី ហៅ​ស្រីមុំ។

បើ​ទោះ​ជា​បែប​ណា សំណុំ​រឿង​ព្រហ្មទណ្ឌ​នេះ គឺ​ទាំង​ជន​ជាប់ចោទ​លោក កឹម សុខា និង​សហ​មេធាវី​ការពារ​ក្ដី​របស់​លោក ពុំ​មាន​វត្តមាន​នៅ​ក្នុង​អង្គ​សវនាការ​ទេ។ សវនាការ​ដែល​មាន​តែ​ចៅក្រម លោក កែម មុន្នី តំណាង​អយ្យការ​លោក សៀង សុខ និង​ក្រុម​សមត្ថកិច្ច​ដែល​អនុវត្ត​សាលដីកា​កោះ​នេះ គឺ​មើល​ទៅ​ហាក់​ដូច​កំពុង​លេង​បោះ​បាល់​ឲ្យ​គ្នា​ទៅ​វិញ​ទៅ​មក។

ក្រុម​នគរបាល​យុត្តិធម៌​ដែល​តែង​យក​ដីកា​កោះ​ប្រគល់​ឲ្យ​លោក កឹម សុខា បាន​ឡើង​ឆ្លើយ​ម្នាក់​ម្ដងៗ នៅ​ក្នុង​អង្គ​សវនាការ ដោយ​ប្រាប់​អង្គ​ជំនុំជម្រះ​ដូចៗ​គ្នា​ថា ប្រធាន​ស្ដីទី​គណបក្ស​ប្រឆាំង មិន​ដែល​ចេញ​មុខ​មក​ទទួល​ដីកា​កោះ​ទេ ដោយ​រួម​ទាំង​មនុស្ស​ដែល​ស្និទ្ធ​នឹង​លោក កឹម សុខា ផង។ ស្រប​គ្នា​នោះ ក្នុង​សវនាការ​ក៏​បាន​លើក​ឡើង​ពី​ករណី​ប្រធាន​រដ្ឋសភា​លោក ហេង សំរិន ​បង្គាប់​កាល​ពី​ថ្ងៃ​ទី​៣០ ឧសភា ដោយ​អនុញ្ញាត​ឲ្យ​តុលាការ​បន្ត​នីតិវិធី​លើ​សំណុំរឿង​នេះ ដែល​មាន​សមាជិក​សភា​ទាំង​អស់​របស់​បក្ស​កាន់​អំណាច​គាំទ្រ។ ទន្ទឹម​នឹង​នេះ សភា​ស៊ើបសួរ និង​តុលាការ​កំពូល​បាន​បដិសេធ​បណ្តឹង​ជា​បន្ត​បន្ទាប់​របស់​ក្រុម​សហ​មេធាវី​ជន​ជាប់​ចោទ​​លោក កឹម សុខា និង​បាន​​បើក​​ផ្លូវ​ឲ្យ​តុលាការ​ក្រុង​ភ្នំពេញ បន្ត​សវនាការ​លើ​អង្គ​សេចក្តី​នៅ​ពេល​នេះ។

ស្ថិត​ក្រោម​ហេតុ​ផល​នេះ​ហើយ​ដែល​តំណាង​អយ្យការ​លោក សៀង សុខ សម្រេច​ចោទ​ប្រកាន់​លោក កឹម សុខា ពី​បទ​មិន​ចូល​ខ្លួន​តាម​ដីកា​កោះ​ក្នុង​នាម​ជា​សាក្សី។

អ្នក​ច្បាប់​ពន្យល់​ថា ទាក់ទិន​អំណាច​សាលក្រម​ដែល​មាន​កម្រិត​ទោស​ក្រោម ១​ឆ្នាំ គឺ​តុលាការ​កម្រ​ចេញ​ដីកា​បង្គាប់​ឲ្យ​ចាប់​ខ្លួន​ភ្លាម​ណាស់ ពោល​ត្រូវ​រង់ចាំ​រហូត​សាលក្រម​ចូល​ជា​ស្ថាពរ​ដែល​មាន​រយៈពេល ១​ខែ​ជា​មុន​សិន។ ក្នុង​ករណី​ភាគី​ជន​ជាប់​ចោទ​មិន​ប្ដឹង​ឧទ្ធរណ៍​ក្នុង​រយៈពេល​នេះ​ទេ ទើប​តុលាការ​បង្គាប់​ឲ្យ​ចាប់​ខ្លួន។ បើ​ទោះ​ជា​បែប​ណា ក្រុម​សហ​មេធាវី​ការពារ​ក្ដី​ឲ្យ​លោក កឹម សុខា ឲ្យ​ដឹង​ថា ពួក​គេ​នឹង​រៀបចំ​បន្តឹង​ឧទ្ធរណ៍​ប្រឆាំង​សាលក្រម​នេះ។

លោក សុក សំអឿន ប្រធាន​ការិយាល័យ​មេធាវី​ក្រុម​អ្នក​ច្បាប់​អមរិន្ទ្រ ពន្យល់​ថា ថ្វី​បើ​កម្រិត​ទោស​មាន​រយៈពេល​ខ្លី​ក៏​ពិត​មែន​ក៏​ដោយ​ចុះ ក្នុង​រយៈពេល​ដែល​សាលក្រម​នេះ​ចូល​ជា​ស្ថាពរ​ហើយ តែ​ជន​ជាប់​ចោទ​ធ្វើ​មិន​ដឹង​​មិន​ឮ​ទេ គឺ​ចៀស​មិន​ផុត​ពី​ជាប់​ខ្លួន​ឡើយ៖ «និយាយ​រួម​ទៅ​បើ​ទោះ​ជា​បទ​ល្មើស​ធំ​ជាង​ហ្នឹង​ក៏ដោយ ក៏​អាច​ចាប់​ខ្លួន​ភ្លាម​បាន លុះ​ត្រា​តែ​តុលាការ​បង្គាប់​នៅ​ក្នុង​សាលក្រម​ថា ចាប់​ខ្លួន​ជា​បន្ទាន់។ ប៉ុន្តែ​ជា​ទូទៅ​បទល្មើស​តូចតាច​អ៊ីចឹង​គេ​មិន​ចេញ​សេចក្ដី​បង្គាប់​បែប​ហ្នឹង​ទេ គេ​រង់ចាំ​ផុត​ឧទ្ធរណ៍​ចូល​ជា​ស្ថាពរ​សិន»

ជុំវិញ​សំណុំរឿង​ព្រហ្មទណ្ឌ​នេះ ក្រុម​អង្គការ​មិន​មែន​រដ្ឋាភិបាល​យល់​ឃើញ​ថា នេះ​ជា​ករណី​នយោបាយ​ច្រើន​ជាង​បទល្មើស​ដែល​តុលាការ​ត្រូវ​ចោទ​ប្រកាន់។ នៅ​មុន​ការ​បោះឆ្នោត​ជ្រើសរើស​សមាជិក​ក្រុម​ប្រឹក្សា​ឃុំ​សង្កាត់ និង​បោះ​ឆ្នោត​ជាតិ​មក​ដល់ សង្កេត​ឃើញ​ថា សមាជិក​សភា និង​សកម្មជន​បក្ស​ប្រឆាំង​សំខាន់ៗ ត្រូវ​ជាប់​បណ្ដឹង​ជា​ហូរហែ​នៅ​តុលាការ។

 អ៊ុំ ដារា ត្រូវ​ចាប់​ខ្លួន ២០១៦ ៨៥៥
សកម្មជន​គណបក្ស​សង្គ្រោះជាតិ លោក អ៊ុំ ដារា ពេល​សមត្ថកិច្ច​ចាប់​ខ្លួន​ដាក់​រថយន្ត នៅ​មុខ​សាលាដំបូង​រាជធានី​ភ្នំពេញ នៅ​ថ្ងៃ​ទី​៩ ខែ​កញ្ញា ឆ្នាំ​២០១៦។ RFA/Uon Chhin RFA/Uon Chhin

ចំណែក​លោក​នាយករដ្ឋមន្ត្រី ហ៊ុន សែន វិញ​ធ្លាប់​ព្រមាន​ថា ប្រសិន​បើ​បក្ស​ប្រឆាំង​នេះ​ចង់​បន្ត​ល្បែង​នយោបាយ​ជា​មួយ​បក្ស​កាន់​អំណាច លោក​នឹង​កំដរ​គ្រប់​ទម្រង់​ទាំង​អស់។ លោក ហ៊ុន សែន ហ៊ាន​ព្រលយ​ថា លោក​មាន​ស្នាដៃ​ធ្វើ​ឲ្យ​គណបក្ស​ហ្វុនស៊ិនប៉ិច រលាយ​បាត់​ឈ្មោះ​ទៅ​ហើយ​ពី​ជីវិត​នយោបាយ​នេះ។

បើ​ទោះ​ជា​សាលក្រម​ដែល​ផ្ដន្ទាទោស​លោក កឹម សុខា នៅ​ពេល​នេះ មិន​មាន​អំណាច​បង្គាប់​ឲ្យ​ចាប់​ខ្លួន​ប្រធាន​ស្ដីទី​បក្ស​ប្រឆាំង​បាន​មែន​អ្នក​វិភាគ​សង្គម​យល់​ឃើញ​ថា លោក កឹម សុខា អាច​ប្រឈម​មុខ​បាត់បង់​សិទ្ធិ​ក្នុង​ការ​បោះឆ្នោត​នៅ​ពេល​ខាង​មុខ។ យោង​មាត្រា ១៣៩ នៃ​ច្បាប់​ស្ដីពី​ការ​បោះ​ឆ្នោត​ជ្រើស​តាំង​តំណាងរាស្ត្រ​ចែង​ថា សមាជិក​រដ្ឋ​សភា​ត្រូវ​បាត់បង់​សមាជិកភាព​​របស់​ខ្លួន​ក្នុង​ករណី​សាមី​ខ្លួន​ត្រូវ​តុលាការ​ផ្ដន្ទាទោស​ដាក់​ពន្ធនាគារ​ពី​បទ​ឧក្រិដ្ឋ ឬ​មជ្ឈិម​ណា​មួយ។

ជុំវិញ​រឿង​នេះ លោក អំ សំអាត អ្នក​គ្រប់គ្រង​បច្ចេកទេស​ការិយាល័យ​ស៊ើប​អង្កេត​នៃ​អង្គការ​លីកាដូ (LICADHO) យល់​ឃើញ​ថា សាលក្រម​នេះ​នឹង​ជា​សម្ពាធ​មួយ​ថ្មី​បន្ថែម​ទៀត នាំ​ឲ្យ​សភាពការណ៍​កាន់​តែ​ស្មុគស្មាញ និង​តានតឹង​ជា​មុន៖ «បញ្ហា​នេះ​វា​មិន​គួរ​រឿង​ដល់​ហ្នឹង។ ប៉ុន្តែ​ដោយសារ​ហេតុផល​នៃ​ការ​ភ្ជាប់​ស្ថានភាព​នយោបាយ ទើប​ឯកឧត្ដម កឹម សុខា ជាប់​បែប​ហ្នឹង។ ខ្ញុំ​គិត​ថា បើ​យើង​ដោះស្រាយ​គ្នា​តាម​អ្នក​នយោបាយ​ទៅ​វា​ស្រួល​ជាង។ អ៊ីចឹង​វា​មាន​បញ្ហា​កាន់​តែ​វែង​ឆ្ងាយ​ទៅ»

ស្រប​ពេល​តុលាការ​កំពុង​ជំនុំជម្រះ​សំណុំរឿង​ប្រធាន​ស្តីទី​គណបក្ស​សង្គ្រោះ​ជាតិ នៅ​ខាង​ក្រៅ​បរិវេណ​តុលាការ​ឯ​ណោះ​វិញ កង​សន្តិសុខ​ខណ្ឌ​៧មករា បាន​ចាប់​ខ្លួន​សកម្មជន​គណបក្ស​ប្រឆាំង​លោក អ៊ុំ ដារា ភ្លាម​ដែរ។ បន្ទាប់​ពី​រូប​គេ​ចូល​រួម​លើក​បដា និង​ស្រែក​ទាមទារ​ឲ្យ​តុលាការ​ទម្លាក់​ចោល​បទ​ចោទ​ប្រឆាំង​លោក កឹម សុខា ជា​មួយ​សកម្មជន​ដទៃ​ទៀត។ ប៉ុន្តែ​នៅ​រសៀល​ថ្ងៃ​ដដែល សកម្មជន​រូប​នោះ​ត្រូវ​បាន​នគរបាល​ខណ្ឌ​៧មករា ដោះលែង​​វិញ៕

ទស្សនា​វីដេអូ

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (15)
  • បោះពុម្ព
  • ចែករំលែក
  • អ៊ីម៉ែល

អ្នក​អាន​អនាមិក

បើ​ចង់សើរើរឿងស្រីគួរ​សើរើទាំងអស់គ្នា ហើយ​ចូលគុកទាំងអស់គ្នាផង ។ នរណាមិនរឿង តាតម៉ារីណា ពិសិដ្ឋពិលិកា ទូចស៊ុនិច ពៅពញ្ញាពេជ្រ ជិះឡានបុកគេហើយរួចខ្លួន សម្លាប់គេហើយរូួចខ្លួន ជាប់គុកមិនបានប៉ុន្មានហើយមានអ្នកសុីញ៉េឲ្យចេញក្រៅគុកវិញទាំងបទឧក្រិដ្ឋមនុស្សឃាត ...

Sep 09, 2016 09:49 PM

Kem Ley

ពី California, USA

If we still keep this government by Hun Sen then we still get unfair trails. We need to change this Justices System. But we need to change our government first. I urge all Khmer people are living inside or outside the country go register for vote. And I urge all Khmer people be careful when you select your next Prime Minister in 2018. And I urge all Khmer people put aside the personal problems and take our country’s problems first. Look at our border between Vietnam-Cambodia and illegal immigrations, etc.

Sep 09, 2016 08:47 PM

NEM MEX

ពី Parisតុ

តុលាការអី ? តុលាកាដើម្បីកំទេចស្រុកខ្មែរ ទុកដីអោយយួនហ្នឹង​ ! ។ សូមប្រជាពលរដ្ឋខ្មែរតាមដានអោយបានហ្មត់ចត់មើល ​​តើភ្នាក់ងារតុលាការអស់ទាំងនោះ មានយួន
បន្លំខ្លួនប៉ុន្មាននាក់ ? ។

ដល់ពពេលដែល ICC និង INTERPOL​ ដំណើរការហើយ !!!

Sep 09, 2016 03:09 PM

Stupid failure leader and stupid racism...

T%his tmil HunSen's CCP group strategy try to scare away foreign trade investments to come...unfortunately most millions Cambodian people lost their good opportunities in the last 37+years by one-man-rule"stupid failure/fool its own pple".There are missing good job skill,mishi-technology job skill,missed job benefits,misinformation,misleading,misguiding,and misopportunity to all Cambodian people abroad with high professional job and skills that can help this small poor nation from the hell.Stop play fool around us to tmil HunSen and its pundits.

Sep 09, 2016 01:22 PM

Chea mukai

ពី Phnom penh

Please stand up with CNRP for rescue our country from Hun Sen government or Vietnamese government otherwise we will lose everything in nearly future.

Sep 09, 2016 12:59 PM

មើល​មតិ​ទាំង​អស់.

គេហទំព័រ​ទាំងមូល