គ.ជ.ប ប្រកាសជ្រើសរើសបុគ្គលិកជាប់កិច្ចសន្យារយៈពេលខ្លីចំនួន ៧៤១នាក់
2016.06.28
ទីស្ដីការគណៈកម្មាធិការជាតិរៀបចំការបោះឆ្នោត (គ.ជ.ប)។
Photo: RFA
គណៈកម្មាធិការជាតិរៀបចំការបោះឆ្នោត (គ.ជ.ប) ប្រកាសជ្រើសរើសមន្ត្រី បុគ្គលិកជាប់កិច្ចសន្យារយៈពេលខ្លីចំនួន ៧៤១នាក់ សម្រាប់បម្រើការងារចាប់ពីថ្ងៃទី២២ ខែកក្កដា ដល់ថ្ងៃទី៥ ខែធ្នូ ឆ្នាំ២០១៦។
សេចក្តីជូនដំណឹងរបស់ គ.ជ.ប កាលពីថ្ងៃទី២៣ ខែមិថុនា ចុះហត្ថលេខាដោយប្រធាន គ.ជ.ប លោក ស៊ិក ប៊ុនហុក ដែលទើបទទួលបានកាលពីថ្ងៃច័ន្ទ ទី២៧ មិថុនា ឲ្យដឹងថា បុគ្គលិក និងមន្ត្រីទាំងនោះ នឹងបម្រើការងារនៅលេខាធិការដ្ឋានរាជធានី-ខេត្ត ដើម្បីរៀបចំការចុះបញ្ជីឈ្មោះបោះឆ្នោតថ្មីឆ្នាំ២០១៦។ ក្នុងរាជធានី-ខេត្តមួយ ត្រូវការជ្រើសរើស ៧មុខតំណែង រួមមាន ជំនួយការរដ្ឋបាលម្នាក់ ជំនួយការគណនេយ្យម្នាក់ ជំនួយការប្រតិបត្តិការម្នាក់ ជំនួយការសេវាច្បាប់ម្នាក់ អ្នកបច្ចេកទេសកុំព្យូទ័រម្នាក់ លេខាធិការម្នាក់ និងគ្រូបង្ហាត់ គឺជ្រើសរើសចំនួន ៣នាក់ក្នុងមួយក្រុង ស្រុក ខណ្ឌ សរុប ៥៩១នាក់ទូទាំងប្រទេស។
បេក្ខជនដែលមានបំណងដាក់ពាក្យតាមមុខតំណែង អាចទាក់ទងនៅតាមលេខាធិការដ្ឋានរាជធានី-ខេត្តរៀបចំការបោះឆ្នោតនីមួយៗ ដោយពាក្យសុំបម្រើការងារមានចែកជូនដោយឥតគិតថ្លៃ។ ការទទួលពាក្យសុំការងារ នឹងផ្ដើមពីថ្ងៃទី៦ ខែកក្កដា រហូតដល់ថ្ងៃទី១០ ខែកក្កដា ឆ្នាំ២០១៦៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- វៀតណាមព្រមានថា ព្រែកជីកហ្វូណនតេជោអាចជួយសម្រួលវត្តមានយោធាចិនក្នុងទឹកដីកម្ពុជាកាន់តែជ្រៅ
- ពលរដ្ឋនៅតំបន់បឹងតាមោក ចោទប្រកាន់អាជ្ញាធរខណ្ឌព្រែកព្នៅថា ប្រើអំពើហិង្សា
- អាជ្ញាធរក្រុងភ្នំពេញមិនអនុញ្ញាតឱ្យបក្សកម្លាំងជាតិធ្វើបាតុកម្ម នៅទីលានប្រជាធិបតេយ្យ
- ក្រសួងដែនដីបានហៅអតិថិជនបុរីពិភពថ្មីទៅពិភាក្សា ដើម្បីរកដំណោះស្រាយ
- ពលរដ្ឋខ្មែរ-អូស្ត្រាលីម្នាក់ ដែលរិះគន់រដ្ឋាភិបាលកម្ពុជា រងការវាយដំពីជនមិនស្គាល់មុខមួយក្រុម ពេលទៅលេងស្រុកខ្មែរ
អត្ថបទពេញនិយម
នយោបាយ
- លោក ហ៊ុន សែន បដិសេធការចោទរបស់វៀតណាម ដែលថា ព្រែកជីកហ្វូណនសម្រាប់សម្រួលវត្តមានយោធាចិន
- លោក ហ៊ុន ម៉ាណែត ថ្លែងការពារគម្រោងព្រែកជីកហ្វូណនតេជោ ក្រោយពេលវៀតណាមរិះគន់
- មន្ត្រីរដ្ឋាភិបាលអះអាងថា ការជីកព្រែកហ្វូណនជាសិទ្ធិអធិបតេយ្យរបស់កម្ពុជា គ្មានការចាំបាច់បំភ្លឺគ្រប់រឿងដល់វៀតណាមទេ
- លោក ហ៊ុន សែន ស្នើជួបមេដឹកនាំរដ្ឋប្រហារយោធាភូមាភ្លាមៗក្រោយឡើងតំណែងជាប្រធានព្រឹទ្ធសភា
- ពលរដ្ឋខ្មែរនៅក្រៅប្រទេសចង់ឃើញលោក ហ៊ុន ម៉ាណែត បង្រួបបង្រួមជាតិឡើងវិញក្នុងឱកាសចូលឆ្នាំខ្មែរ