សង្គម​ស៊ីវិល​និង​បក្ស​នយោបាយ​នឹង​ចូល​ប្រជុំ​ពិគ្រោះ​យោបល់​សេចក្ដី​ព្រាង​បទបញ្ជា​និង​នីតិវិធី​ចុះឈ្មោះ​បោះឆ្នោត

ដោយ យាង សុជាមេត្តា
2016-01-23
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
លោក យឹម សុវណ្ណ មន្ត្រី​នាំ​ពាក្យ និង​ជា​ប្រធាន​ក្រុម​ការងារ​គណបក្ស​សង្គ្រោះ​ជាតិ ប្រចាំ​មណ្ឌល​ភ្នំពេញ ក្នុង​វេទិកា​អ្នក​ស្ដាប់​វិទ្យុ​អាស៊ីសេរី កាល​ពី​យប់​ថ្ងៃ​ទី​១៥ ខែ​វិច្ឆិកា ឆ្នាំ​២០១៣។
លោក យឹម សុវណ្ណ មន្ត្រី​នាំ​ពាក្យ និង​ជា​ប្រធាន​ក្រុម​ការងារ​គណបក្ស​សង្គ្រោះ​ជាតិ ប្រចាំ​មណ្ឌល​ភ្នំពេញ ក្នុង​វេទិកា​អ្នក​ស្ដាប់​វិទ្យុ​អាស៊ីសេរី កាល​ពី​យប់​ថ្ងៃ​ទី​១៥ ខែ​វិច្ឆិកា ឆ្នាំ​២០១៣។
Photo: RFA

អង្គការ​សង្គម​ស៊ីវិល និង​បក្ស​នយោបាយ អះអាង​ថា ពួកគេ​បាន​ត្រៀមខ្លួន​ជាស្រេច​ដើម្បី​ចូលរួម​ក្នុង​កិច្ចប្រជុំ​ពិគ្រោះ​យោបល់ លើ​សេចក្ដី​ព្រាង​បទបញ្ជា និង​នីតិវិធី​សម្រាប់​ការ​ចុះឈ្មោះ​បោះឆ្នោត ដើម្បី​រៀបចំ​បញ្ជី​ការបោះឆ្នោត​ថ្មី​នៅ​ឆ្នាំ​២០១៦​នេះ។ គណៈកម្មាធិការ​ជាតិ​រៀបចំ​ការបោះឆ្នោត ស្វាគមន៍​ចំពោះ​ការចូលរួម​នេះ។

គណៈកម្មាធិការ​ជាតិ​រៀបចំ​ការបោះឆ្នោត ហៅ​កាត់​ថា គ..ប ប្រកាស​ថា នឹង​រៀបចំ​កិច្ចប្រជុំ​ពិគ្រោះ យោបល់​ទៅ លើ​សេចក្ដី​ព្រាង​នេះ នៅ​ថ្ងៃ​ទី​២៨ មករា ដោយ​រំពឹង​ថា នឹង​មាន​ការចូលរួម​ពី តំណាង​គណបក្ស​នយោបាយ អង្គការ​មិនមែន​រដ្ឋាភិបាល អង្គទូត អ្នក​ជំនាញ​ការ​បោះ ឆ្នោត​របស់​ជប៉ុន និង​សហភាព​អឺរ៉ុប។

អ្នកនាំពាក្យ​គណបក្ស​សង្គ្រោះ​ជាតិ លោក យឹម សុវណ្ណ មានប្រសាសន៍​នៅ​ថ្ងៃ​ទី​២៣ មករា ថា គណបក្សប្រឆាំង នឹង​ចូលរួម​ពិភាក្សា​នៅ​កិច្ចប្រជុំ​នោះ ប៉ុន្តែ​លោក​ថា រហូត​មក​ទល់​ពេលនេះ គណបក្ស​សង្គ្រោះ​ជាតិ មិនទាន់​ទទួល​បាន​លិខិត​អញ្ជើញ​ជា​ផ្លូវការ​ពី គ..ប នៅឡើយ៖ «បើ​ឃើញ​មាន​លិខិត​អញ្ជើញ​យើង​នឹង​ទៅ​ចូលរួម ដើម្បី​ពិនិត្យ​មើល​ថា​តើ នីតិវិធី និង​បទបញ្ជា​ហ្នឹង​យ៉ាងម៉េច គួរ​កែ​លម្អ ឬ​មាន​ចំណុចខ្លាំង​ចំណុចខ្សោយ​កន្លែង​ណា ចូលរួម​មតិ យោបល់​ដើម្បី​ធ្វើ​ម៉េច ជៀសវាង​កុំ​ឲ្យ​មាន​បញ្ហា​ក្នុង​ការ​ចុះឈ្មោះ​បោះឆ្នោត»

ស្រដៀង​គ្នា​នេះ អ្នកនាំពាក្យ​គណបក្ស​ប្រជាជន​កម្ពុជា លោក សុខ ឥសាន បញ្ជាក់​ថា គណបក្ស​មិនទាន់​ទទួល​បាន​ព័ត៌មាន នៃ​អញ្ជើញ​ចូលរួម​នៅឡើយ។ យ៉ាងណា លោក សុខ ឥសាន សាទរ​ចំពោះ ការរៀបចំ​របស់ គ..ប ឲ្យ​មានការ​ចូលរួម​ពិគ្រោះ​យោបល់​ពី​គ្រប់​ភាគី​ពាក់ព័ន្ធ​នេះ៖ «..ប នេះ​ធ្វើ​ក៏​ក្នុង​លក្ខណៈ​មួយ​ដែល​មាន​ការទទួលខុសត្រូវ​ដែរ ចំពោះ​គណបក្ស ទាំង​២ ក៏ដូចជា​ពលរដ្ឋ​ទូទៅ​សុទ្ធតែ​ឯកភាព​ធ្វើការ​រៀបចំ គ..ប ថ្មី​នេះ​ហើយ បើ​ថា​រៀបចំ ហើយ យើង​មិន​ទុកចិត្ត​ទេ ហ្នឹង​វា​ពិបាក​យល់​ដែរ យើង​ប្រគល់​ការងារ​ឲ្យ​គេ យើង​ត្រូវ​ផ្ដល់​ការ​ទុកចិត្ត​ឲ្យ​គេ»

ក្រោយ​ការ​បោះឆ្នោត​ជាតិ​នៅ​ឆ្នាំ​២០១៣ អ្នកឃ្លាំមើល​ការបោះឆ្នោត​ឯករាជ្យ និង​គណបក្ស​ប្រឆាំង បាន​ចោទ​ប្រកាន់​ថា មាន​ភាព​មិន​ប្រក្រតី​ជាច្រើន​ករណី ទាក់ទង​នឹង​បញ្ជី​ឈ្មោះ​អ្នក បោះឆ្នោត ដែល​ធ្វើ​ឲ្យ​ពលរដ្ឋ​មួយ​ចំនួន​បាត់ឈ្មោះ​ក្នុង​ពេល​បោះឆ្នោត ខ្លះ​មាន ឈ្មោះ​ស្ទួន មិន​អាច​បោះឆ្នោត​បាន​ដោយសារ​មាន​អ្នក​បោះ​រួចហើយ ឬ​អ្នក​ខ្លះ​ទៀត​អាច​ចុះ ឈ្មោះ​លើស ពី​មួយ​កន្លែង​ជាដើម​។ បន្ទាប់ពី​ការ​តវ៉ា​ពី​គណបក្សប្រឆាំង​អស់​រយៈ​ពេញ​មួយ​ឆ្នាំ គណបក្ស ជាប់ឆ្នោត​ទាំងពីរ​សម្រេច​កែ​ទម្រង់​ការ​បោះឆ្នោត ដោយ​រួមមាន ​ការ​រៀប​ចុះឈ្មោះ​អ្នកបោះឆ្នោត តាម​ប្រព័ន្ធ​កុំព្យូទ័រ ដោយមាន​ផ្ដិត​ស្នាម​មេដៃ ដើម្បី​បញ្ចៀស ការ​លួច​អត្តសញ្ញាណ​អ្នកដទៃ ទៅ​បោះឆ្នោត​ជំនួស និង អោយ​មាន​ភាព ងាយស្រួល​ក្នុង​ការ​ត្រួតពិនិត្យ។

អ្នកនាំពាក្យ​គ..ប លោក ហង្ស ពុទ្ធា ឲ្យ​ដឹង​ថា គ..ប នឹង​ធ្វើ​លិខិត​អញ្ជើញ​ទៅកាន់​ភាគី ពាក់ព័ន្ធ​ចូលរួម​ពិគ្រោះ​យោបល់​នៅ​ដើម​សប្ដាហ៍​ក្រោយ។ លោក​ថា គ..ប ស្វាគមន៍​ចំពោះ ការចូលរួម​របស់​គ្រប់​ភាគី​ពាក់ព័ន្ធ​ទាំងអស់៖ «សេចក្ដី​ព្រាង​គឺ​ក្នុង​គោលបំណង​ដើម្បី​ធ្វើ​ឲ្យ​មាន​ភាព​ល្អ​ប្រសើរ​នៃ​ការ​ចុះ​ឈ្មោះ​តាម បែប​អេឡិចត្រូនិច ដែល​ពុំ​ធ្លាប់​មាន​ពីមុន​មក អ៊ីចឹង​ការចូលរួម​របស់​ភាគី​ពាក់ ព័ន្ធ​ពិតជា​មាន​សារៈសំខាន់​ណាស់ អ្វី​ដែល គ..ប ចង់​បង្ហាញ​នៅ​ថ្ងៃ​ទី​២៨ ដែរ​នោះ គឺថា​អនុសាសន៍​មួយ​ចំនួន គ..ប បាន​ទទួល​យក​ហើយ ក៏ប៉ុន្តែ​អនុសាសន៍​មួយ​ចំនួន​ក៏ គ..ប នឹង ថ្លឹងថ្លែង ជជែក​គ្នា​បន្ថែម​ទៀត ដើម្បី​ដាក់​បញ្ហា​ថា ទទួលយក ឬ​មិន​ទទួលយក»

សេចក្ដី​ព្រាង​បទបញ្ជា និង​នីតិវិធី​សម្រាប់​ការ​ចុះ​ឈ្មោះ​បោះឆ្នោត មាន​ទាំងអស់​៦​ជំពូក​និង​១ ឧបសម្ពន្ធ។ សេចក្ដី​ព្រាង​នេះ ចែង​អំពី​ការគ្រប់គ្រង​ការ​ចុះ​ឈ្មោះ​បោះឆ្នោត ការងារ​បណ្ដុះបណ្ដាល​អប់រំ​អ្នកបោះឆ្នោត និង​ការងារ​ព័ត៌មាន​សាធារណៈ ពី​ការិយាល័យ​ចុះឈ្មោះ​បោះ ឆ្នោត និង​ការិយាល័យ​បោះឆ្នោត ពី​ដំណើរការ​ចុះឈ្មោះ​បោះឆ្នោត ពី​ការ​ដាក់​ការ​ទទួល និង​ដោះស្រាយ​បណ្ដឹង ព្រម​ទាំង​ពី​ភ្នាក់ងារ​គណបក្ស​នយោបាយ អ្នកសង្កេតការណ៍ និង​អ្នកសារព័ត៌មាន។

លោក ហង្ស ពុទ្ធា អះអាង​ថា សេចក្ដី​ព្រាង​នេះ​ត្រូវ​បាន គ..ប ផ្ញើ​ទៅកាន់​ភាគី​ពាក់ព័ន្ធ​ផ្ដល់ យោបល់​រួចហើយ ប៉ុន្តែ​មិនទាន់​រៀបចំ​ឲ្យ​មានការ​ជួប​ប្រជុំ​ពិគ្រោះ​យោបល់​រួមគ្នា​ជា​ផ្លូវការ។

លោក ហង្ស ពុទ្ធា បញ្ជាក់​ថា មុន​នឹង គ​.​ជ​.​ប ទទួលយក​អនុសាសន៍​របស់​ភាគី​ណាមួយ គ​.​ជ​.​ប ត្រូវ​ពិនិត្យ​លើ​គោលការណ៍​៣​យ៉ាង ទី​១ ថា​តើ​អនុសាសន៍​នោះ​ស្រប​នឹង​ច្បាប់​បោះ ឆ្នោត​ដែរ​ឬទេ​? ទី​២ ថា​តើ​អនុសាសន៍​នោះ​នឹង​ផ្ដល់​ផលប្រយោជន៍​ដល់​ការបោះឆ្នោត យ៉ាង​ណាខ្លះ​? ហើយ​ទី​៣ ថា​តើ​អនុសាសន៍​នោះ គ​.​ជ​.​ប អាច​ធ្វើ​តាម​បាន​ដែរ​ឬទេ?

នាយក​ប្រតិបត្តិ គណៈកម្មាធិការ​អព្យាក្រឹត និង​យុត្តិធម៌​ដើម្បី​បោះឆ្នោត​ដោយ​សេរី ត្រឹមត្រូវ នៅ​កម្ពុជា ហៅ​កាត់​ថា និកហ្វិច (NICFEC) លោក សំ គន្ធាមី ឲ្យ​ដឹង​ថា អង្គការ​សង្គម​ស៊ីវិល​ធ្វើការ​ពាក់ព័ន្ធ​ការបោះឆ្នោត នឹង​ជួប​ប្រជុំ​គ្នា​នៅ​ថ្ងៃ​ទី​២៦ ដើម្បី​ប្រមូល​អនុសាសន៍​រួម ដើម្បី​ដាក់​ជូន គ​.​ជ​.​ប ក្នុង​ថ្ងៃ​ពិគ្រោះ​យោបល់​នៅ​ថ្ងៃ​ទី​២៨​នោះ៖ «យើង​នឹង​មើល​ឃើញ​ចំណុច​ខ្វះខាត ហើយ​ចំណុច​ណា​ដែល​ពាក់ព័ន្ធ​នឹង​អង្គការ សង្គម​ស៊ីវិល​យើង យើង​នឹង​លើកឡើង​ពេលនោះ ហើយ​យើង​សុំ​ឲ្យ​មានការ​កែប្រែ​យ៉ាងម៉េច យើង​នឹង​លើក​នៅ​ពេល​ប្រជុំ​ថ្ងៃ​ទី​២៨ តែ​ម្ដង»

ចំពោះ​ការ​ចុះ​ឈ្មោះ​បោះឆ្នោត​ថ្មី​ដោយ​ប្រព័ន្ធ​អេឡិចត្រូនិច​នេះ គ​.​ជ​.​ប បាន​ធ្វើ​ការ​ចុះឈ្មោះ បោះឆ្នោត​សាកល្បង​ម្ដង​រួចហើយ​កាលពី​ខែ​វិច្ឆិកា ឆ្នាំ​២០១៥ ដោយ​ជ្រើសរើស​ឃុំ​-​សង្កាត់ ចំនួន​២៥​នៅ​ទូទាំង​២៥​រាជធានី​-​ខេត្ត ដើម្បី​ចុះឈ្មោះ។ សម្រាប់​ការ​ចុះឈ្មោះ​បោះឆ្នោត​ផ្លូវការ គ​.​ជ​.​ប គ្រោង​នឹង​រៀបចំ​ធ្វើ​ចំនួន​៣​ខែ គឺ​ចាប់ពី​ខែ​ឧសភា ដល់​កក្កដា ឆ្នាំ​២០១៦៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

មតិ (2)
  • បោះពុម្ព
  • ចែករំលែក
  • អ៊ីម៉ែល

អ្នក​អាន​អនាមិក

បងប្អូនមើលមុខអោយច្បាស់ទៅ យឹម សុវណ្ណ គឺជាយួនសុទ្ធណា

Jan 25, 2016 02:46 AM

អ្នក​អាន​អនាមិក

Please consider the politic facts in Cambodia part that different from most develop countries among Asia and Europe which already stable even during Governor changing.

Jan 23, 2016 08:14 PM

អ្នក​អាន​អនាមិក

Cambodia politics different from developed countries the past 30 years. Do you want to see the same or different the next 30 years? What is your point?

Jan 24, 2016 02:44 PM

គេហទំព័រ​ទាំងមូល