លោក សម រង្ស៊ី ចោទ​លោក ហ៊ុន សែន និង ប៉ុល ពត ថា​ចេញ​ពី​សម្បុក​តែ​មួយ

ដោយ ប្រាជ្ញ ចេវ
2017-09-05
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
អតីត​ប្រធាន​គណបក្ស​សង្គ្រោះ​ជាតិ លោក សម រង្ស៊ី ថ្លែង​សារ​នៅ​ថ្ងៃ​ទី​២៧ ខែ​សីហា ឆ្នាំ​២០១៧។ Photo courtesy of Sam Rainsy's Facebook Page
អតីត​ប្រធាន​គណបក្ស​សង្គ្រោះ​ជាតិ លោក សម រង្ស៊ី ថ្លែង​សារ​នៅ​ថ្ងៃ​ទី​២៧ ខែ​សីហា ឆ្នាំ​២០១៧។ Photo courtesy of Sam Rainsy's Facebook Page
Photo courtesy of Sam Rainsy's Facebook Page

លោក សម រង្ស៊ី អតីត​ប្រធាន​គណបក្ស​សង្គ្រោះ​ជាតិ វាយ​ប្រហារ​ដោយ​ពាក្យ​សម្ដី​ទៅ​លោក​នាយក​រដ្ឋមន្ត្រី ហ៊ុន សែន ខ្លាំងៗ​ថា លោក ហ៊ុន សែន និង ប៉ុល ពត ចេញ​ពី​សម្បុក​តែ​មួយ គឺ​ជា​ជន​កុម្មុយនិស្ត​ផ្ដាច់ការ ម្តង​បម្រើ​ចិន ម្តង​បម្រើ​វៀតណាម ដើម្បី​ការពារ​អំណាច​របស់​ខ្លួន។ ប៉ុន្តែ​អ្នក​នាំ​ពាក្យ​គណបក្ស​កាន់​អំណាច ច្រាន​ចោល​ការ​ចោទ​ប្រកាន់​នេះ ហើយ​វាយ​បក​វិញ​ថា លោក សម រង្ស៊ី និង​លោក កឹម សុខា សុទ្ធតែ​ជន​ក្បត់​ជាតិ ព្រោះ​ពឹង​បរទេស​ដើម្បី​ផ្តួល​រំលំ​រដ្ឋាភិបាល​ស្រប​ច្បាប់។

ថ្លែង​ដោយ​ប្រយ័ត្ន​មិន​លើក​ឡើង​ពី​គណបក្ស​សង្គ្រោះ​ជាតិ លោក សម រង្ស៊ី ដែល​សព្វថ្ងៃ​កំពុង​មាន​ឈ្មោះ​ជា​ទណ្ឌិត បាន​ប្រើ​សម្ដី​វាយ​ប្រហារ​លោក ហ៊ុន សែន ថា​របប​នយោបាយ​សព្វថ្ងៃ​គឺ​ដូច​ទៅ​នឹង​របប​ខ្មែរ​ក្រហម ដូច​ត្រង់​ថា​កម្ចាត់​មនុស្ស​ណា​ដែល​គេ​ចោទ​ប្រកាន់ ឬ​សង្ស័យ​ថា​ប្រឆាំង​ខ្លួន និង​ហាមឃាត់​មិន​ឲ្យ​និយាយ​ស្តី​ពី​បញ្ហា​សង្គម និង​រារាំង​មិន​ឲ្យ​មាន​ព័ត៌មាន​អ្វី​យក​មក​ផ្សព្វផ្សាយ។

លោក សម រង្ស៊ី ថ្លែង​បែប​នេះ​តាម​រយៈ​ហ្វេសប៊ុក (facebook) របស់​ខ្លួន​ពី​ក្រៅ​ប្រទេស​នៅ​ថ្ងៃ​ទី​៥ ខែ​កញ្ញា។ លោក សម រង្ស៊ី ចោទ​ប្រកាន់​លោក ហ៊ុន សែន វិញ​ថា​ជា​ជន​ក្បត់​ជាតិ«មាន​តែ​អ្នក​ដឹកនាំ​ប្រទេស​សព្វថ្ងៃ​ទេ​ដែល​ធ្វើ​ឲ្យ​ប្រទេស​កម្ពុជា បាត់បង់​ឯករាជភាព ក្លាយ​ជា​រណប​បរទេស ព្រម​ទាំង​ធ្វើ​ឲ្យ​ប្រទេស​កម្ពុជា ក្លាយ​ជា​អាណានិគម​និយម​របស់​ប្រទេស​ជិត​ខាង»

លោក សម រង្ស៊ី ចោទ​ប្រកាន់​លោក ហ៊ុន សែន ថា​ដើម្បី​ពង្រឹង​អំណាច និង​អំពើ​ពុក​រលួយ​របស់​ខ្លួន សុខ​ចិត្ត​បម្រើ​ចិន និង​វៀតណាម។ លោក​ថា ការ​ពឹង​បរទេស​ជិត​ខាង​ដើម្បី​អំណាច​របស់​ខ្លួន គឺ​ធ្វើ​ឲ្យ​ខ្មែរ​បង់​ខាត​ទឹកដី សេដ្ឋកិច្ច និង​បាត់បង់​ឯករាជភាព​របស់​ខ្លួន«ខ្ញុំ​បាន​បង្ហាញ​ហើយ​ថា ហ៊ុន សែន និង ប៉ុល ពត ចេញ​មក​ពី​សម្បុក​តែ​មួយ គឺ​ជន​កុម្មុយនិស្ត​ផ្ដាច់ការ​ម្តង​បម្រើ​ចិន ម្តង​បម្រើ​វៀតណាម ដើម្បី​ពង្រឹង​អំណាច​ផ្ដាច់ការ និង​អំពើ​ពុក​រលួយ​របស់​ខ្លួន»

ក្រោយ​ពី​សមត្ថកិច្ច​ចាប់​ខ្លួន​ប្រធាន​គណបក្ស​សង្គ្រោះ​ជាតិ លោក កឹម សុខា កាល​ពី​រំលង​អធ្រាត្រ​ឈាន​ចូល​ថ្ងៃ​ទី​៣ ខែ​កញ្ញា យ៉ាង​តក់ក្រហល់ ពី​បទ​ក្បត់​ជាតិ លោក ហ៊ុន សែន ព្រមាន​រំលាយ​បក្ស​ប្រឆាំង បើ​សមាជិក​បក្ស​នេះ​ចេញ​មុខ​គាំទ្រ​លោក កឹម សុខា។ ជាង​នេះ​ទៅ​ទៀត លោក​ព្រមាន​ប្រទេស​ដទៃ​កុំ​ឲ្យ​ឈឺ​ឆ្អាល​រឿង​ការ​ចាប់​ខ្លួន​លោក កឹម សុខា។

ស្រប​ពេល​ដែល​លោក សម រង្ស៊ី ចោទ​ប្រកាន់​ថា លោក ហ៊ុន សែន បម្រើ​ចិន ដើម្បី​ពង្រឹង​អំណាច​របស់​ខ្លួន​នៅ​ពេល​នេះ រដ្ឋាភិបាល​ចិន ប្រកាស​គាំទ្រ​ដល់​រាជ​រដ្ឋាភិបាល​លោក ហ៊ុន សែន ដែល​ចាប់​ខ្លួន​លោក កឹម សុខា។

អ្នក​នាំ​ពាក្យ​គណបក្ស​ប្រជាជន​កម្ពុជា លោក សុខ ឥសាន និយាយ​ថា លោក សម រង្ស៊ី ជា​មនុស្ស​ដែល​ត្រូវ​ទាត់​ចេញ​ពី​សង្គម​ទៅ​ហើយ ដូច្នេះ​លោក​ថ្លែង​អ្វី​ក៏​មិន​សំខាន់​ដែរ។ លោក​ថា លោក កឹម សុខា និង​លោក សម រង្ស៊ី ទៅ​ពឹង​បរទេស​ដើម្បី​ផ្តួល​រំលំ​រដ្ឋាភិបាល​ស្រប​ច្បាប់ គឺ​ខុស​ពី​លោក ហ៊ុន សែន មិន​ពឹង​បរទេស​ណា​ដើម្បី​ផ្តួល​រំលំ​រដ្ឋាភិបាល​ស្រប​ច្បាប់​នោះ​ទេ«សម្តេច ហ៊ុន សែន ខុស​ពី សម រង្ស៊ី ខុស​ពី កឹម សុខា ព្រោះ​គាត់​អត់​មាន​ពាក់ព័ន្ធ​ជាមួយ​អ្នក​ណា​ទៅ​ដឹង​ពី​ណា ទៅ​ទទួល​បញ្ជា​ពី​ណា​ទេ»

ទោះ​បី​ជា​លោក សុខ ឥសាន ថា​លោក សម រង្ស៊ី ត្រូវ​ផាត់​ចេញ​ពី​សង្វៀន​នយោបាយ​ក្តី ប៉ុន្តែ​ទាំង​លោក សម រង្ស៊ី និង​លោក ហ៊ុន សែន តែង​ប្រើ​សារ​វាយ​ប្រហារ​គ្នា​ទៅ​វិញ​ទៅ​មក គ្រាន់​តែ​ពេល​ខ្លះ​លោក ហ៊ុន សែន និយាយ​បញ្ចេញ​ឈ្មោះ​លោក សម រង្ស៊ី។ លោក សម រង្ស៊ី ថា​រដ្ឋាភិបាល​កម្ពុជា កំពុង​ធ្វើ​រដ្ឋ​ប្រហារ​រដ្ឋធម្មនុញ្ញ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (3)
  • បោះពុម្ព
  • ចែករំលែក
  • អ៊ីម៉ែល

អ្នក​អាន​អនាមិក

Vanna Your brain have been was by communist leader.

Sep 06, 2017 08:03 AM

អ្នក​អាន​អនាមិក

we need good leaders for our country, for the benefit for all people. People know can make judgement by themselves who is good, who is bad. The importance is to have free and fair election, people can express their freedom without threaten or fear.

Sep 06, 2017 06:35 AM

Vanna

ពី Melbourne Australia

Sam Rainsy, even worst than Pol pot and Hun sen.He using suffered Cambodians as his political resources for his selfishness without a remorse. He is the worst kind of human ever.
He always used his supports from suffering people sell to CPP for money for his family.

Sep 06, 2017 12:29 AM

គេហទំព័រ​ទាំងមូល