ព្រឹទ្ធសភា សម្រេចទទួលស្គាល់សមាជិកថ្មីចំនួនពីររូបសម្រាប់នីតិកាលទី៣ នៅថ្ងៃទី១៨ មេសា បន្ទាប់ពីសមាជិកព្រឹទ្ធសភាមួយរូបបានស្លាប់ និងមួយរូបទៀតចូលនិវត្តន៍។ សមាជិកថ្មីនៃព្រឹទ្ធសភា ចំនួនពីររូបនេះ គឺមួយរូបមកពីគណបក្សប្រជាជនកម្ពុជា និងមួយរូបទៀតមកពីគណបក្ស សម រង្ស៊ី។
សមាជិកថ្មីទាំងពីររូបនេះ គឺអ្នកស្រី ជិន សុងីម ជាសមាជិកាថ្មីនៃព្រឹទ្ធសភា នៃគណបក្សប្រជាជនកម្ពុជា មណ្ឌលភូមិភាគទី៥ ជំនួស លោក ប៉េង ប៉ាត់ ដែលបានទទួលមរណភាព និងលោក យឹម ឃុនឃឿន ជាសមាជិកថ្មីនៃព្រឹទ្ធសភា នៃគណបក្ស សម រង្ស៊ី មណ្ឌលភូមិភាគទី៦ ជំនួស លោក គង់ គាំ ដែលបានសុំចូលនិវត្តន៍។
មណ្ឌលភូមិភាគទី៥ រួមមាន ខេត្តតាកែវ កំពត និងកែប ចំណែកមណ្ឌលភូមិភាគទី៦ រួមមាន ខេត្តព្រៃវែង និងខេត្តស្វាយរៀង។
សមាជិកព្រឹទ្ធសភា ទាំងពីររូបនេះ នឹងត្រូវធ្វើសច្ចាប្រណិធាននាពេលឆាប់ៗខាងមុខនេះ មុនពេលចូលកាន់តំណែង៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។