បាតុករម្នាក់ ឈ្មោះ អ៊ុក ពេជ្រសំណាង ប្រាប់អ្នកកាសែតថា ក្រុមរបស់លោកមិនពាក់ព័ន្ធនឹងគណបក្សនយោបាយណាមួយទេ ហើយគោលបំណងនៃការទាមទាររបស់លោក គឺចង់ឱ្យគណបក្សប្រជាជនកម្ពុជា និងគណបក្សសង្គ្រោះជាតិ ធ្វើតាមបំណងរបស់លោក។
«សំឡេង»
លោក អ៊ុក ពេជ្រសំណាង បញ្ជាក់ទៀតថា លោកធ្វើបាតុកម្មនេះ មិនមានពេលវេលា ឬឆ្ពោះទៅទីតាំងណាមួយកំណត់ជាក់លាក់ទេ គឺហែចល័តរហូតទាល់តែមានការសម្របសម្រួលពីគណបក្សទាំងពីរ។
ទោះជាដូច្នេះក្ដី មានសេចក្ដីរាយការណ៍មកថា នៅល្ងាចថ្ងៃទី១១ ធ្នូ នេះ ក្រុមអ្នកតវ៉ាបានរំសាយការជួបជុំតវ៉ាវិញហើយ។
«សំឡេង»
ទាក់ទងនឹងបញ្ហានេះដែរ មន្ត្រីឃ្លាំមើលសិទ្ធិមនុស្សអង្គការអាដហុក (Adhoc) លោក ណៃ វ៉ង់ដា មានប្រសាសន៍ថា លោកកំពុងឃ្លាំមើលការតវ៉ារបស់ក្រុមនេះ។
«សំឡេង»
អ្នកយកព័ត៌មានវិទ្យុអាស៊ីសេរី សង្កេតឃើញថា នៅថ្ងៃនេះអាជ្ញាធរនគរបាលបានដាក់ពង្រាយកម្លាំងជាច្រើន ដើម្បីតាមមើលបាតុករទាំងនេះ ជាពិសេស នៅតាមស្ថានទូតបារាំង និងអាមេរិក៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។