អ្នក​បោះឆ្នោត​មួយ​ចំនួន​ហ៊ាន​បង្ហាញ​ជំហរ​ក្នុង​ការ​ជ្រើស​រើស​បក្ស​នយោបាយ

ការ​ឃោសនា​រក​សំឡេង​ឆ្នោត​របស់​គណបក្ស​នយោបាយ​បាន​បន្ត​អស់​រយៈពេល ២​សប្ដាហ៍​ហើយ គិត​មក​ដល់​ពេល​នេះ។ ក្នុង​រយៈពេល​នេះ គណបក្ស​នយោបាយ​បាន​ផ្សព្វផ្សាយ​ពី​គោល​នយោបាយ​របស់​ខ្លួន​តាម​គ្រប់​រូបភាព រួម​មាន ការ​ហែ​ក្បួន ការ​បិទ​ផ្សាយ ឬ​ចែក​ចាយ​ខិត្តប័ណ្ណ​គ្រប់​ប្រភេទ​ទៅ​ដល់​ពលរដ្ឋ​ជា​ម្ចាស់​ឆ្នោត។
ដោយ សុ ជីវី
2013-07-13
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
ឃោសនា​បោះឆ្នោត ៦១០
ក្បួន​ហែ​គណបក្ស​ប្រជាជន​កម្ពុជា និង​គណបក្ស​សង្គ្រោះ​ជាតិ ក្នុង​យុទ្ធនាការ​ឃោសនា​បោះឆ្នោត កាល​ពី​ថ្ងៃ​ទី១២ ខែ​កក្កដា ឆ្នាំ​២០១៣។
RFA/Mom Sophon

បន្ទាប់​ពី​បាន​ស្វែង​យល់​ពី​គោល​នយោបាយ​គណបក្ស​ដែល​បាន​ចូលរួម​ឃោសនា អ្នក​បោះឆ្នោត​មួយ​ចំនួន​ហ៊ាន​បង្ហាញ​ពី​ជំហរ​របស់​ពួក​គេ​ក្នុង​ការ​ជ្រើស​រើស​គណបក្ស​នយោបាយ ដែល​ពួក​គេ​នឹង​ជ្រើស​រើស​អោយ​ដឹកនាំ​ប្រទេស​នៅ​ក្នុង​អាណត្តិ​ថ្មី។

អ្នក​បោះឆ្នោត​មួយ​ចំនួន​បាន​សម្រេច​ជ្រើស​រើស​គណបក្ស​មួយ​ដែល​ខ្លួន​នឹង​បោះឆ្នោត​អោយ ស្រប​ពេល​ដែល​ពលរដ្ឋ​មួយ​ចំនួន​ទៀត​នៅ​កំពុង​ពិចារណា​ពី​គណបក្ស​ដែល​ខ្លួន​នឹង​បោះឆ្នោត​អោយ​នៅ​ឡើយ។ ពលរដ្ឋ​នៅ​ក្នុង​រាជធានី​ភ្នំពេញ និង​តាម​បណ្ដា​ខេត្ត​មួយ​ចំនួន បាន​ឆ្លើយ​ថា ពួក​គេ​បាន​សម្លឹង​ឃើញ​គណបក្ស​ធំៗ​២ ថា​ជា​គណបក្ស​ដែល​ពួក​គេ​អាច​នឹង​បោះឆ្នោត​អោយ​នោះ គឺ​គណបក្ស​ប្រជាជន​កម្ពុជា និង​គណបក្ស​សង្គ្រោះ​ជាតិ។

យ៉ាង​ណា សម្រាប់​ប្រជាពលរដ្ឋ​នៅ​ភ្នំពេញ​ភាគ​ច្រើន​នៃ​អ្នក​ដែល​បាន​ជួប​សម្ភាស បាន​អះអាង​ថា ពួក​គេ​ត្រៀម​ជា​ស្រេច​ថា​នឹង​បោះឆ្នោត​អោយ​គណបក្ស​សង្គ្រោះ​ជាតិ ដែល​គេ​ស្គាល់​ថា​ជា​បក្ស​ប្រឆាំង​ដ៏​ធំ​មួយ​កើត​ចេញ​ពី​ការ​បង្រួប​បង្រួម​រវាង​គណបក្ស សម រង្ស៊ី និង​គណបក្ស សិទ្ធិ​មនុស្ស។

អ្នក​បោះឆ្នោត​ទាំង​នោះ​បាន​សម្អាង​ហេតុ​ផល​ថា ពួក​គេ​ចង់​អោយ​មាន​ការ​ផ្លាស់​ប្ដូរ​អ្នក​ដឹកនាំ។ ហើយ​អ្នក​ដឹកនាំ​ថ្មី​ដែល​ពួក​គេ​ចង់​បាន គឺ​អ្នក​ដែល​ប្រកាន់​គោលការណ៍​ជួយ​ពលរដ្ឋ​ក្រីក្រ បង្កើន​ប្រាក់​បៀវត្សរ៍ ការ​ធានា​បង្កើត​ការងារ​កាត់​បន្ថយ​ចំណាក​ស្រុក។ ជា​ពិសេស គឺ​គោល​នយោបាយ​គ្រប់គ្រង​ជន​អន្តោប្រវេសន៍ និង​ការពារ​ទឹក​ដី​ពី​ការ​រំលោភ​យក​ពី​បរទេស​ជា​ដើម។

ក្រៅ​ពី​អ្នក​ដែល​ហ៊ាន​ផ្ដល់​បទ​សម្ភាសន៍ ក៏​មាន​អ្នក​បោះឆ្នោត​ជា​មន្ត្រី​រាជការ​មួយ​ចំនួន​ទៀត បាន​ប្រាប់​ថា ពួក​គេ​បាន​សម្រេច​ផ្លាស់​ប្ដូរ​ការ​គាំទ្រ ដោយ​ងាក​មក​គាំទ្រ​គណបក្ស​សង្គ្រោះ​ជាតិ ដែរ។ ពួក​គេ​បាន​លើក​ហេតុផល​ថា ធុញ​ទ្រាន់​នឹង​ការ​ប្រព្រឹត្ត​អំពើ​ពុក​រលួយ ការ​និយម​បក្ខពួក ម្យ៉ាង​ក៏​ពេញ​ចិត្ត​នឹង​គោល​នយោបាយ​បង្កើន​ប្រាក់​បៀវត្សរ៍​របស់​គណបក្ស​នេះ។

មិន​ខុស​ប្លែក​ពី​ការ​អះអាង​នេះ​ទេ នៅ​ក្នុង​ដំណើរ​ការ​ឃោសនា​បោះឆ្នោត​នេះ នៅ​ក្នុង​ការ​ហែ​ក្បួន​ឃោសនា​ជា​ប្រចាំ​ជា​រៀង​រាល់​ថ្ងៃ​របស់​គណបក្ស​សង្គ្រោះ​ជាតិ តែង​មាន​អ្នក​ចូលរួម​ដែល​គណបក្ស​នេះ​អះអាង​ថា ពុំ​មែន​ជា​ការ​រៀបចំ​ទុក​ជា​មុន​បាន​ចូលរួម ហើយ​ចេះ​តែ​កើន​ឡើង​ជា​បន្តបន្ទាប់។ ពួក​អ្នក​គាំទ្រ​ទាំង​នោះ​បាន​បង្ហាញ​ទឹក​ចិត្ត​គាំទ្រ​ដោយ​ស្មោះ​ចំពោះ​គណបក្ស​នេះ ក្នុង​នាម​ជា​អ្នក​បោះឆ្នោត ដើម្បី​ការ​ផ្លាស់​ប្ដូរ។

«សំឡេង​ឃោសនា​ក្នុង​រាជធានី​ភ្នំពេញ»

ពិត​មែន​ថា​មាន​ការ​យក​ចិត្ត​ទុក​ដាក់​ចំពោះ​គោល​នយោបាយ​គណបក្ស ក៏​មាន​យុវជន​មួយ​ចំនួន​បាន​លើក​ឡើង​ថា ពួក​គេ​គាំទ្រ​គណបក្ស​សង្គ្រោះ​ជាតិ ទៅ​តាម​ការ​ប្រាប់​តៗ​គ្នា​ពី​គុណ​សម្បត្តិ​នៃ​ប្រធាន​គណបក្ស​នេះ គឺ​លោក សម រង្ស៊ី។

យ៉ាង​ណា​ក៏​ដោយ អ្នក​បោះឆ្នោត​ក៏​នៅ​តែ​ផ្ដល់​តម្លៃ​ដល់​គណបក្ស​ប្រជាជន​កម្ពុជា ដែល​មាន​បទ​ពិសោធន៍​ដឹក​នាំ​រដ្ឋាភិបាល ៤​អាណត្តិ​មក​ហើយ។ ពួក​គេ​បាន​ចាត់​ទុក​សមិទ្ធផល​ដែល​រីក​ដុះ​ដាល​ក្នុង​ពេល​បច្ចុប្បន្ន ថា​ជា​ទង្វើ​ត្រឹមត្រូវ​របស់​រដ្ឋាភិបាល។

ពលរដ្ឋ​ម្នាក់​ក្នុង​ចំណោម​អ្នក​គាំទ្រ​គណបក្ស​ប្រជាជន​កម្ពុជា លោក​បាន​អោយ​ដឹង​ថា គណបក្ស​ប្រជាជន​បាន​ធានា​សុខ​សន្តិភាព ដែល​ជា​មូលដ្ឋាន​នៃ​ការ​អភិវឌ្ឍ។

ការ​លើក​ឡើង​របស់​អ្នក​គាំទ្រ​គណបក្ស​ប្រជាជន​កម្ពុជា គឺ​ស្ថិត​ក្នុង​ចំណោម​គោល​នយោបាយ​ចម្បងៗ​ដែល​គណបក្ស​នេះ​ផ្សព្វផ្សាយ​នៅ​ក្នុង​ពេល​ឃោសនា​រក​សំឡេង​ឆ្នោត។

«សំឡេង​ឃោសនា»

គោល​នយោបាយ​របស់​គណបក្ស​ប្រជាជន​កម្ពុជា ទំនង​អាច​ទាក់​ទាញ​ការ​គាំទ្រ​ពី​សំណាក់​ពលរដ្ឋ​នៅ​តាម​បណ្ដា​ខេត្ត។ ភាគ​ច្រើន​នៃ​ពលរដ្ឋ​មួយ​ចំនួន​ដែល​វិទ្យុ​អាស៊ីសេរី បាន​ជួប​សម្ភាស​នៅ​ក្នុង​ខេត្ត​មួយ​ចំនួន មាន​ខេត្ត​សៀមរាប មណ្ឌលគិរី ស្វាយរៀង និង​កំពង់ឆ្នាំង បាន​លើក​ឡើង​ថា ពួក​គេ​នឹង​ទៅ​បោះឆ្នោត​អោយ​គណបក្ស​ប្រជាជន​កម្ពុជា។

ក្រៅ​ពី​នេះ​ក៏​មាន​ពលរដ្ឋ​ជា​ច្រើន​នាក់​ទៀត​កំពុង​ស្ថិត​ក្នុង​ការ​ពិចារណា​ពី​គណបក្ស​នយោបាយ ដែល​ពួក​គេ​នឹង​បោះឆ្នោត​អោយ។ ក្នុង​នោះ អ្នក​ខ្លះ​អះអាង​ថា ការ​គូស​លើ​សន្លឹក​ឆ្នោត​តែ​មួយ​គំនូស គឺ​ងាយ​ណាស់ ប៉ុន្តែ​បើ​សម្រេច​ចិត្ត​ខុស​វា​អាច​នឹង​ធ្វើ​អោយ​ប៉ះពាល់​ដល់​វាសនា​ប្រទេស​ជាតិ​ទាំង​មូល។ យ៉ាង​ណា ក្នុង​ចំណោម​អ្នក​ទាំង​នោះ​ក៏​បង្ហាញ​ថា ពួក​គេ​បាន​កំណត់​គោលដៅ​ថា​នឹង​ជ្រើស​រើស​គណបក្ស​មួយ​ក្នុង​ចំណោម​គណបក្ស​ប្រជាជន​កម្ពុជា និង​គណបក្ស​សង្គ្រោះ​ជាតិ។

នៅ​ក្នុង​ការ​បោះឆ្នោត​ជាតិ​អាណត្តិ​ទី​៤ កាល​ពី​ឆ្នាំ​២០០៤ គណបក្ស​ប្រឆាំង​ដែល​កាល​ណោះ​ជា​គណបក្ស សម រង្ស៊ី បាន​ទទួល​ការ​គាំទ្រ​ច្រើន​តែ​ក្នុង​រាជធានី​ភ្នំពេញ ចំណែក​នៅ​តាម​បណ្ដា​ខេត្ត គឺ​គណបក្ស​ប្រជាជន​កម្ពុជា ទទួល​បាន​អាសនៈ​ច្រើន​លើសលប់។

ទំនោរ​នៃ​អ្នក​គាំទ្រ​ចំពោះ​គណបក្ស​នយោបាយ​របស់​ពលរដ្ឋ​ដែល​ជា​ម្ចាស់​ឆ្នោត ត្រូវ​អង្គការ​មិន​មែន​រដ្ឋាភិបាល​ឃ្លាំ​មើល​ការ​បោះឆ្នោត​សង្កេត​ឃើញ​ថា មាន​ការ​ប្រែប្រួល​ខុស​ប្លែក​ពី​ការ​បោះឆ្នោត​ពី​លើក​មុន។ លើស​ពី​នេះ ពួក​គេ​ចាប់​ផ្ដើម​ហ៊ាន​បង្ហាញ​ការ​គាំទ្រ​ជា​សាធារណៈ​ដោយ​ពុំ​សូវ​មាន​ការ​ភ័យ​ខ្លាច៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

មតិ (5)
  • បោះពុម្ព
  • ចែករំលែក
  • អ៊ីម៉ែល

Joeung Klang

ពី London

I don't think every likes the same type of food for too long. They need something different! I've heard that CPP may win the election this term due to their more advantages of public media, budget and threatening and other strange tactics including allowing VNs to vote. However, I see it differently. I'm sure that the opposition party (CNRP) this term will win the national election with a landslide due to their 7 good policies and due weaknesses that CPP has made for the last five years.

Jul 14, 2013 02:47 AM

sary

ពី Seim reap

I think that right now,the people in Cambodia country,they had been known and sure about their leader options for election on 28-July-2013, meaning that this vote time the people not only wake up but also understanding about their obligation in objective to change the powerful leader to quick develop Cambodia forward to wonderful country ad freedom.

Jul 14, 2013 02:29 AM

អ្នក​អាន​អនាមិក

Even if CNRP doesn't win this election, I hope the party has enough voices to alter CPP from solo governing.

Jul 13, 2013 10:08 AM

Nick

Dear Voters! know your rights and do the right thing for yourselves and your country, following your heart and your soul...

Jul 13, 2013 08:20 AM

ភាពភ្នំពេញ

ពី Phnom Penh

សមាគមន៍អ្នកប្រជាធិបតេយ្យរបស់តាសូណង់ដូក៏ធ្វើអោយ សំឡេងឆ្នោតប្រែប្រួលពីឆ្នាំ១៩៩៨ដែរ។ តាមគាត់និយាយគឺ គាត់មានសមាជិកចុះឈ្មោះពិតប្រាកដប្រហែល២០ម៉ឺននាក់ខ្ញុំគិតថា២០ម៉ឺននាក់នេះអាចទាក់ទាក់ទាញសំឡេងឆ្នោត ជិតមួយលាននាក់ដែរ (ការអះអាងរបស់តាសូណង់ដូក៏ដូច នេះដែរ)។

Jul 13, 2013 06:18 AM

មើល​មតិ​ទាំង​អស់.