ឯកអគ្គរដ្ឋទូត​អាមេរិក​មិន​យល់ស្រប​នឹង​លោក ហ៊ុន សែន ប្រៀបធៀប​ការ​បង្ក្រាប​បាតុកម្ម

ដោយ យាង សុជាមេត្តា
2016-12-05
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
លោក​នាយក​រដ្ឋមន្ត្រី ហ៊ុន សែន ថ្លែង​ក្នុង​ពិធី​សម្ពោធ​ស្ថានីយ​អ្នក​ដំណើរ​ថ្មី នៃ​អាកាសយានដ្ឋាន​អន្តរជាតិ​ភ្នំពេញ នៅ​ព្រឹក​ថ្ងៃ​ទី​១៦ ខែ​មីនា ឆ្នាំ​២០១៦។
លោក​នាយក​រដ្ឋមន្ត្រី ហ៊ុន សែន ថ្លែង​ក្នុង​ពិធី​សម្ពោធ​ស្ថានីយ​អ្នក​ដំណើរ​ថ្មី នៃ​អាកាសយានដ្ឋាន​អន្តរជាតិ​ភ្នំពេញ នៅ​ព្រឹក​ថ្ងៃ​ទី​១៦ ខែ​មីនា ឆ្នាំ​២០១៦។
RFA/Brach Chev

ឯកអគ្គរដ្ឋទូត​សហរដ្ឋ​អាមេរិក​ប្រចាំ​កម្ពុជា លោក វីល្លៀម ហៃដ្ដ៍ (William Heidt) សម្ដែង​ការ​មិន​យល់ស្រប​ជាមួយ​លោក​នាយក​រដ្ឋមន្ត្រី ហ៊ុន សែន ដែល​បាន​ប្រៀបធៀប​ពី​ការ​បង្ក្រាប​បាតុកម្ម​នៅ​សហរដ្ឋ​អាមេរិក ទៅ​នឹង​ការ​បង្ក្រាប​នៅ​កម្ពុជា។ ការ​មិន​យល់ស្រប​នេះ ធ្វើ​ឡើង​តាម​រយៈ​កាយវិការ​ឆ្លើយតប​ទៅ​នឹង​សម្ដី​របស់​លោក ហ៊ុន សែន ដែល​ថ្លែង​សុន្ទរកថា​នៅ​ក្នុង​ពិធី​សម្ពោធ​រោងចក្រ​ថ្មី​របស់​ក្រុមហ៊ុន​កូកាកូឡា ឋិត​នៅ​ក្នុង​តំបន់​សេដ្ឋកិច្ច​ពិសេស​ភ្នំពេញ នៅ​ព្រឹក​ថ្ងៃ​ទី​៥ ធ្នូ។

នៅ​ក្នុង​សុន្ទរកថា​រយៈពេល​ប្រមាណ ១​ម៉ោង លោក ហ៊ុន សែន បាន​ចំណាយ​ពេល​ជិត ៣០​នាទី​និយាយ​ពី​ការ​បោះឆ្នោត​នៅ​សហរដ្ឋ​អាមេរិក និង​ពី​ការ​បង្ក្រាប​បាតុកម្ម ក្រោយ​ការ​បោះឆ្នោត​នៅ​ទីនោះ។

ក្នុង​កាយវិការ​ហាក់​សម្ដែង​ឫកពា​ជា​គ្រូបង្រៀន​ផ្នែក​សេដ្ឋកិច្ច ផ្នែក​វិទ្យាសាស្ត្រ​នយោបាយ សង្គម និង​ការទូត​ផង​នោះ លោក​នាយក​រដ្ឋមន្ត្រី ហ៊ុន សែន បាន​រម្លឹក​ឡើង​វិញ​ពី​ការ​វិភាគ​របស់​លោក​ដែល​ថា លោក ដូណាល់ ត្រាំ (Donald Trump) នឹង​ជាប់​ឆ្នោត​ជា​ប្រធានាធិបតី​ថ្មី​សហរដ្ឋ​អាមេរិក។ លោក ហ៊ុន សែន ក៏​យក​ឱកាស​នេះ​និយាយ​ផ្លែផ្កា​ឌឺដង​ជា​ថ្មី​ទៅ​កាន់​មនុស្ស​មួយ​ចំនួន ដែល​ធ្លាប់​រិះគន់​លោក ដូណាល់ ត្រាំ និង​គោល​នយោបាយ​របស់​ប្រធានាធិបតី​ថ្មី​រូប​នេះ ក្នុង​នោះ​គឺ​គេ​ដឹង​ថា​មាន​ទាំង​ប្រធាន​គណបក្ស​សង្គ្រោះ​ជាតិ លោក សម រង្ស៊ី ផង​ដែរ។

ក្រៅ​ពី​រម្លឹក​ពី​ការ​គាំទ្រ​របស់​លោក​ដែល​ចង់​ឲ្យ​លោក ដូណាល់ ត្រាំ ឈ្នះ​ឆ្នោត លោក ហ៊ុន សែន ក៏​បាន​លើក​ឡើង​ពី​បាតុកម្ម​នៅ​សហរដ្ឋ​អាមេរិក​នៅ​ក្រោយ​ការ​បោះឆ្នោត។

លោក ហ៊ុន សែន មាន​ប្រសាសន៍​ថា អ្វី​ដែល​ធ្លាប់​កើត​ឡើង​នៅ​កម្ពុជា ពេល​នេះ​បាន​កើត​ឡើង​នៅ​សហរដ្ឋ​អាមេរិក​ហើយ ដែល​នេះ​លោក ហ៊ុន សែន សំដៅ​ទៅ​លើ​ការ​ធ្វើ​បាតុកម្ម​នៅ​សហរដ្ឋ​អាមេរិក ក្រោយ​ពី​លោក ដូណាល់ ត្រាំ ឈ្នះ​ឆ្នោត។ មក​ដល់​ចំណុច​នេះ លោក ហ៊ុន សែន ថ្លែង​ថា បាតុកម្ម​ជាច្រើន និង​មាន​សភាព​ធ្ងន់ធ្ងរ​នៅ​សហរដ្ឋ​អាមេរិក បាន​ផ្ទុះ​ឡើង​នៅ​ក្រោយ​ការ​បោះឆ្នោត តែ​ប្រសាសន៍​របស់​លោក ហ៊ុន សែន ត្រង់​នេះ ត្រូវ​បាន​ឯកអគ្គរដ្ឋទូត​សហរដ្ឋ​អាមេរិក​ប្រចាំ​កម្ពុជា លោក វីល្លៀម ហៃដ្ដ៍ ដែល​កំពុង​អង្គុយ​នៅ​លើ​វេទិកា​ស្តាប់​លោក ហ៊ុន សែន និយាយ​នោះ លើក​ដៃ​ធ្វើ​កាយវិការ​ជា​សញ្ញា​ឆ្លើយតប​ម្តង​ហើយ​ម្តង​ទៀត​ថា បាតុកម្ម​នៅ​អាមេរិក គឺ​មិន​មាន​លក្ខណៈ​ធ្ងន់ធ្ងរ​ដូច​លោក ហ៊ុន សែន លើក​ឡើង​នោះ​ឡើយ។ កាយវិការ​នេះ​ហើយ បាន​ធ្វើ​ឲ្យ​លោក​នាយក​រដ្ឋមន្ត្រី​កម្ពុជា ដំឡើង​សំឡេង និង​ទាមទារ​ឲ្យ​លោក វីល្លៀម ហៃដ្ដ៍ ផ្តល់​រូបភាព និង​ឯកសារ​នៃ​ការ​បង្ក្រាប​បាតុកម្ម​នៅ​សហរដ្ឋ​អាមេរិក ឲ្យ​លោក«លើក​នេះ​ក្រោយ​ការ​បោះឆ្នោត បាតុកម្ម​នៅ​អាមេរិក​បាន​ផ្ទុះ​ឡើង​ច្រើន​រាប់...មិន​មែន​តូច​ទេ លោក​ឯង​ថា​តូច​ម៉េច? លោក​ឯង​និយាយ​ថា​តូច ហើយ​លោក​ឯង​ថា​ខ្ញុំ​ធំ ឥឡូវ​បើ​លោក​ឯង​ថា​តូច លោក​ឯង​ផ្តល់​រូបថត​ឲ្យ​ខ្ញុំ​បាន​ទេ ព្រោះ​ថ្ងៃ​មុន​រឿង​អី​ភ្នំពេញ​ប៉ុស្តិ៍ គេ​យក​មក​ប្រៀបធៀប នេះ​ជា​រូបភាព​បាតុកម្ម​នៅ​ភ្នំពេញ ហើយ​នេះ​ជា​រូបភាព​បាតុកម្ម​នៅ​អាមេរិក។ រូបភាព​បាតុកម្ម​នៅ​អាមេរិក គេ​ដាក់​ស្ត្រី​ម្នាក់​ពាក់​វ៉ែនតា​ខ្មៅ​ដើរ​យ៉ាង​សង្ហារ​ក្នុង​ពេល​ព័ត៌មាន​ផ្សាយ​យ៉ាង​ចំហ​អំពី​ការ​បង្ក្រាប​យ៉ាង​ឃោរឃៅ​នៃ​ប៉ូលិស​អាមេរិក លើ​បាតុករ ចាប់​រាប់​ពាន់​នាក់ ឯកឧត្តម​ថា​តូច មិន​កើត​ទេ មើល​ឯកឧត្តម​ជួយ​ផ្តល់​ឯកសារ​បាន​ទេ? ខ្ញុំ​មាន​ហើយ ប៉ុន្តែ​ខ្ញុំ​ចង់​ដឹង ថា​តើ​ទូត​អាមេរិក ដែល​តាំង​ខ្លួន​ជា​បិតា​ប្រជាធិបតេយ្យ និង​មាតា​សិទ្ធិ​មនុស្ស ហ៊ាន​បញ្ចេញ​ការពិត ឬ​អត់

វីល្លៀម ហៃដ្ដ៍ ២០១៦ ៨៥៥
ឯកអគ្គរដ្ឋទូត​សហរដ្ឋ​អាមេរិក ប្រចាំ​នៅ​កម្ពុជា លោក វីល្លៀម ហៃដ្ដ៍ (William Heidt) បើក​កិច្ច​ពិភាក្សា​ជាមួយ​អ្នក​កាសែត នៅ​ថ្ងៃ​ទី​២០ ខែ​កញ្ញា ឆ្នាំ​២០១៦ ដើម្បី​ចែក​រំលែក​បទពិសោធន៍​ទាក់ទង​នឹង​ដំណើរ​ទស្សនកិច្ច​របស់​លោក​ទៅ​ទីក្រុង​ហុងកុង ប្រទេស​ចិន។ RFA/Ou Banung RFA/Ou Banung

កន្លង​ទៅ ស្ថានទូត​សហរដ្ឋ​អាមេរិក​ប្រចាំ​កម្ពុជា និង​រដ្ឋាភិបាល​សហរដ្ឋ​អាមេរិក ជា​រឿយៗ​តែង​រិះគន់​ពី​ការ​រំលោភ​សិទ្ធិ​មនុស្ស​នៅ​កម្ពុជា ដូចជា​ការ​បង្ក្រាប​លើ​បាតុកម្ម​អហិង្សា​របស់​ពលរដ្ឋ ការ​រំលោភ​បំពាន​ដីធ្លី ការ​ធ្វើ​បាប​មន្ត្រី​បក្ស​ប្រឆាំង ឬ​ការ​ចាប់​សកម្មជន​ការពារ​សិទ្ធិ​មនុស្ស​ដាក់​គុក ជាដើម។ ក្នុង​ឱកាស​សម្ពោធ​រោងចក្រ​ថ្មី​របស់​ក្រុមហ៊ុន​កូកាកូឡា​របស់​អាមេរិក នៅ​ទីក្រុង​ភ្នំពេញ​នេះ លោក ហ៊ុន សែន បាន​ណែនាំ​ឲ្យ​លោក វីល្លៀម ហៃដ្ដ៍ កុំ​ចាំ​មើល​តែ​កំហុស​របស់​កម្ពុជា គឺ​ត្រូវ​មើល​កំហុស​របស់​សហរដ្ឋ​អាមេរិក ផង«ប៉ុន្តែ​ខ្ញុំ​សូម​ស្នើ​ឯកអគ្គរដ្ឋទូត​សហរដ្ឋ​អាមេរិក កត់ត្រា​ឲ្យ​ច្បាស់​នូវ​សម្ដី​អ្នក​វិភាគ និង​តំណាង​សិទ្ធិ​មនុស្ស​មួយ​ចំនួន​ដែល​បាន​និយាយ​ជាមួយ​សារព័ត៌មាន​ឲ្យ​ច្បាស់​ថា ការ​បង្ក្រាប​នៅ​អាមេរិក គឺ​ត្រឹមត្រូវ និង​មិន​រំលោភ​សិទ្ធិ​មនុស្ស បាន! កុំ​មាន​ស្តង់ដារ​ពីរ​ឯកឧត្តម ហើយ​ខ្ញុំ​សង្ឃឹម​ថា អ្វី​ដែល​រាជ​រដ្ឋាភិបាល​ធ្វើ​កន្លង​ទៅ​អត់​ខុស​ទេ ដើម្បី​ការពារ​សណ្ដាប់ធ្នាប់​សម្រាប់​ប្រទេស​មួយ រាជ​រដ្ឋាភិបាល​ត្រូវ​តែ​ធ្វើ​ដូចនេះ។ អ៊ីចឹង​បើ​អ្វី​ដែល​បាន​កើត​ឡើង​នៅ​អាមេរិក វា​អត់​ខុស នៅ​កម្ពុជា វា​ក៏​អត់​ខុស​ដូច​គ្នា»

ចំពោះ​ការ​លើក​ឡើង​ដូចនេះ​របស់​លោក ហ៊ុន សែន អ្នក​នាំ​ពាក្យ​ស្ថានទូត​អាមេរិក​ប្រចាំ​កម្ពុជា លោក ជេ រ៉ាម៉េន (Jay Raman) ឆ្លើយ​ប្រាប់​អាស៊ីសេរី​តាម​សារ​អេឡិចត្រូនិក ឬ​អ៊ីមែល (Email) នៅ​រសៀល​ថ្ងៃ​ទី​៥ ធ្នូ ថា សហរដ្ឋ​អាមេរិក​មាន​ប្រវត្តិ​នៃ​បាតុកម្ម​តវ៉ា​កើត​មាន​ជា​យូរយារ​មក​ហើយ ហើយ​ការ​តវ៉ា​របស់​ពលរដ្ឋ តែង​ត្រូវ​បាន​អនុគ្រោះ និង​ការពារ​ដោយ​អាជ្ញាធរ។ លោក​ថា បណ្ដាញ​សារព័ត៌មាន​មាន​សេរីភាព​ក្នុង​ការ​រាយការណ៍​ដោយ​ចំហ ហើយ​ប្រព័ន្ធ​តុលាការ​របស់​សហរដ្ឋ​អាមេរិក មាន​អំណាច​ពេញលេញ​ប្រកប​ដោយ​ឯករាជ្យ​ក្នុង​ការ​ដោះស្រាយ​លើ​ការ​ចោទ​ប្រកាន់​ចំពោះ​ការ​អនុវត្ត​មិន​ត្រឹមត្រូវ​ពី​ភាគី​ទាំង​សង​ខាង គឺ​ពី​សំណាក់​បាតុករ និង​សមត្ថកិច្ច។

លោក ជេ រ៉ាម៉េន កត់​សម្គាល់​បន្ថែម​ថា បាតុកម្ម​ក្រោយ​ការ​បោះឆ្នោត​នៅ​សហរដ្ឋ​អាមេរិក មិន​មាន​ទ្រង់ទ្រាយ​ធំ​ឡើយ ហើយ​ភាគច្រើន​ប្រព្រឹត្ត​ទៅ​ដោយ​អហិង្សា។ ទោះ​ជា​មាន​ការ​ចាប់​ខ្លួន​ខ្លះ ប៉ុន្តែ​ករណី​នេះ​នឹង​ត្រូវ​ដោះស្រាយ​ទៅ​តាម​នីតិវិធី។

គេ​នៅ​ចាំ​បាន​ថា នៅ​ក្រោយការ​បោះឆ្នោត​ឆ្នាំ​២០១៣ ការ​បង្ក្រាប​របស់​សមត្ថកិច្ច​ទៅ​លើក្រុម​បាតុករ​បក្ស​ប្រឆាំង និង​ទៅ​លើ​កម្មករ​ដូចជា​នៅ​ក្បែរ​ស្ពាន​អាកាស​ស្ទឹងមានជ័យ នៅ​មុខ​រោងចក្រ យ៉ាក​ជីន (Yak Jin) ក្បែរ​តំបន់​សេដ្ឋកិច្ច​ពិសេស​ភ្នំពេញ និង​នៅ​លើ​កំណាត់​ផ្លូវ​វ៉េងស្រេង ជាដើម បាន​ធ្វើ​ឲ្យ​ពលរដ្ឋ​ជាច្រើន​បាត់បង់​ជីវិត និង​រង​របួស។ ប៉ុន្តែ​រហូត​មក​ទល់ពេល​នេះ សមត្ថកិច្ច​មិន​បាន​ចាប់​ខ្លួន​ជន​ដៃ​ដល់​ណា​ម្នាក់​មក​ផ្ដន្ទាទោស​ឡើយ

ប្រធាន​គ្រប់គ្រង​ការិយាល័យ​ស៊ើប​អង្កេត​សិទ្ធិ​មនុស្ស​នៃ​អង្គការ​សិទ្ធិ​មនុស្ស​លីកាដូ (LICADHO) លោក អំ សំអាត មាន​ប្រសាសន៍​ថា សង្គម​ស៊ីវិល​មិន​គាំទ្រ​ឡើយ​ចំពោះ​ការ​ប្រើ​អំពើ​ហិង្សា ឬ​ការ​រំលោភ​សិទ្ធិ​មនុស្ស មិន​ថា​ការ​រំលោភ​សិទ្ធិ​មនុស្ស​នោះ​កើត​ឡើង​នៅ​កម្ពុជា ឬ​នៅ​សហរដ្ឋ​អាមេរិក នោះ​ទេ។ ប៉ុន្តែ​លោក អំ សំអាត កត់​សម្គាល់​ថា នៅ​សហរដ្ឋ​អាមេរិក និង​នៅ​ប្រទេស​ប្រជាធិបតេយ្យ​មួយ​ចំនួន​ផ្សេង​ទៀត មុន​រដ្ឋាភិបាល​ឈាន​ដល់​ការ​ប្រើ​កម្លាំង​ទប់ស្កាត់ ឬ​បង្ក្រាប រដ្ឋាភិបាល​ព្យាយាម​ប្រើ​វិធីសាស្ត្រ​អហិង្សា​ជាមួយ​បាតុករ​ជា​មុន​សិន ប៉ុន្តែ​បើ​ឈាន​ដល់​ការ​ប្រើ​កម្លាំង​នោះ ក៏​គេ​ព្យាយាម​កាត់​បន្ថយ​នូវ​ហានិភ័យ និង​ជៀសវាង​ការ​បង្ក​ឲ្យ​មាន​គ្រោះថ្នាក់​ដល់​ជីវិត​របស់​បាតុករ​ដែរ«បើ​ធៀប​នឹង​កម្ពុជា យើង យើង​ឃើញ​ថា​មិន​បាន​ប្រើ​លក្ខណៈ​បច្ចេកទេស​ឲ្យ​ច្បាស់លាស់​ទេ។ យើង​ឃើញ​ថា​ចាប់​ផ្ដើម​ត្រូវ​បង្ក្រាប អាជ្ញាធរ​បង្ក្រាប ហើយ​យើង​អត់​បាន​ប្រើ​ឲ្យ​អស់​លទ្ធភាព​ចរចា បញ្ចៀស​ហានិភ័យ ហើយ​បើ​អាច​បញ្ចៀស​បាន គេ​អត់​ប្រើប្រាស់​អំពើ​ហិង្សា​ទេ បើ​និយាយ​គ្នា​បាន​គេ​ឲ្យ​ធ្វើ»

ចំណែក​នាយក​ប្រតិបត្តិ​ទទួល​បន្ទុក​កិច្ចការ​តំបន់​អាស៊ី​របស់​អង្គការ​ឃ្លាំ​មើល​សិទ្ធិ​មនុស្ស​អន្តរជាតិ យូមែន រ៉ៃត៍ វ៉ច្ឆ (Human Rights Watch) លោក ប្រ៊ែដ អាដាម (Brad Adams) ប្រាប់​អាស៊ីសេរី​ថា នៅ​ពេល​សមត្ថកិច្ច​សហរដ្ឋ​អាមេរិក ប្រើ​ហិង្សា​លើ​ពលរដ្ឋ​ខ្លួន យូមែន រ៉ៃត៍ វ៉ច្ឆ និង​អង្គការ​អន្តរជាតិ​ផ្សេង​ទៀត តែង​ថ្កោលទោស​សមត្ថកិច្ច និង​ស្នើ​ឲ្យ​មាន​ការ​ស៊ើប​អង្កេត។ លោក​ថា យូមែន រ៉ៃត៍ វ៉ច្ឆ ធ្លាប់​ស្នើ​ឲ្យ​ស៊ើប​អង្កេត​លើ​បទ​ឧក្រិដ្ឋ​របស់​ប្រធានាធិបតី​អាមេរិក រដ្ឋមន្ត្រី​ក្រសួង​ការពារ​ជាតិ ឬ​របស់​ប្រធាន ស៊ី.អាយ.អេ (CIA) និង​មន្ត្រី​ប៉ូលិស​សហរដ្ឋ​អាមេរិក ជាដើម ហើយ​ក៏​ធ្លាប់​ទាមទារ​ឲ្យ​មន្ត្រី​ជាន់​ខ្ពស់​អាមេរិក ចុះ​ចេញ​ពី​តំណែង​ទៀត​ផង។ ប៉ុន្តែ​សម្រាប់​ប្រទេស​កម្ពុជា លោក ប្រ៊ែដ អាដាម យល់​ថា លោក ហ៊ុន សែន ចាត់​ទុក និង​ប្រើប្រាស់​តុលាការ និង​ច្បាប់​ជា​ឧបករណ៍​សម្រាប់​កេង​ចំណេញ​ផល​ប្រយោជន៍​ផ្ទាល់​ខ្លួន បក្ខពួក និង​ធ្វើ​បាប​អ្នក​ដែល​ប្រឆាំង​រូប​គាត់។ សម្រាប់​សហរដ្ឋ​អាមេរិក តុលាការ និង​ច្បាប់ គឺ​ត្រូវ​បាន​ប្រើប្រាស់​ជា​ឧបករណ៍​សម្រាប់​បម្រើ​បុព្វហេតុ​យុត្តិធម៌៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (10)
  • បោះពុម្ព
  • ចែករំលែក
  • អ៊ីម៉ែល

anonymus

ពី Canada

Be aware of communist declaration!
When he declares Trump will be good US president, it's means news elected president is very bad for him. Khmer dictator doesn't have capacity to evaluate Trump'sIQ. He only repeat his russia's allied ruler declaration.
When Putine delared Hillary is bad, it's meaning this US's femaele president candidate is so easy to attack and even so easy to destroy her strategy of US defense policies.

Dec 06, 2016 05:43 AM

anonymus

ពី Canada

Be smart!
When communist acuses somebodyelse is more cruals than others, it's meaning he wants to hide his high degree of crueltry in order to reduce his degree of violence committed.
We have to understand more about hun sen offensive attack lauched early toward post election rallies. He misunderstands on what going on post-élection protestation. AS same as some others international analysts who predicts the post-election rallies will be worst regarding trump's victory, khmer dictator, keeps this idea and spreads its out in order to blame the caracters of US's internal security secretary. He can't distinguish the indepedancy of justice federal departement from government authority, in wich, himself as dictator, takes control 100% on its.This main institution is use to commit crime against innocent peoples without punishment sofar today.
After Trump winning election, this guy can't do more sleeping because he never knows who is TRUMP and can't know on what's going on his fate? This bastard is afraid of him and use of bad tricks to destroy new US's government leader reputation by using the trick of congratulation. Does this guy is pleasant with TRUMP?
Response is NEVER!
GOD BLESS AMERICA! GOD BLESS CAMBODIA!

Dec 06, 2016 05:41 AM

무명

កុំថាអីថាវ៉ាន់!​គាត់មិនសូវចេះដឹងជ្រៅជ្រះប៉ុន្មានទេ តាមខ្ញុំដឹង។​ ខូចក្រុមហ៊ុនកូកាកូឡា គេអស់!​ គេឲ្យទៅតែសម្ភោធពិធីសោះ ទៅជាបង្កើតភាពក្តៅក្រហាយ ដល់គេឯងទៅវិញ!

Dec 06, 2016 02:49 AM

អ្នក​អាន​អនាមិក

សមមិត្តសែន មនុស្សព្រៃ ចេញមកពីព្រៃ នៅតែព្រៃ អាហូត ស្ដាប់តែសម្លេងនិយាយទៅ កំហឹងពុះ​ពោរ ​ពេញទ្រូង។ យួនចាក់ថ្នាំ សំអប់ ចូលក្នុងខួរ តាំងពី ឆ្នាំ ៨២ មក ឃើញមុខខ្មែរ ខឹងចងគំនុំ យកតែម្ដង។

Dec 06, 2016 02:14 AM

អ្នក​អាន​អនាមិក

ពី USA

well, well one thing Hun Sen doesn't know is never go to school in America. police are neutral and most important most of them do their best by the law and they don't put bobbed wire fencing. police and court don't take side like Hun Sen government.

Dec 06, 2016 01:52 AM

មើល​មតិ​ទាំង​អស់.

គេហទំព័រ​ទាំងមូល