ស្ថានទូតសហរដ្ឋអាមេរិកប្រចាំកម្ពុជា ស្វាគមន៍ចំពោះការលើកលែងទោសឲ្យលោក កឹម សុខា ប្រធានស្ដីទីគណបក្សសង្គ្រោះជាតិ ដោយព្រះមហាក្សត្រ។
ការស្វាគមន៍នេះ ធ្វើឡើងនៅក្នុងជំនួបពិភាក្សារវាងលោក កឹម សុខា និងឯកអគ្គរដ្ឋទូតសហរដ្ឋអាមេរិកប្រចាំកម្ពុជា លោក វីល្លៀម ហៃដ្ដ៍ (William Heidt) នាស្ថានទូតសហរដ្ឋអាមេរិកប្រចាំកម្ពុជា នៅថ្ងៃទី១២ ធ្នូ។
ស្ថានទូតសហរដ្ឋអាមេរិក ចាត់ទុកការលើកលែងទោសឲ្យលោក កឹម សុខា គឺជាការអនុញ្ញាតឲ្យប្រធានស្តីទីបក្សប្រឆាំងមួយនេះ បន្តឡើងវិញនូវការងាររបស់លោកនៅក្នុងរដ្ឋសភា។
ក្រៅពីនេះ លោក កឹម សុខា និងលោក វីល្លៀម ហៃដ្ដ៍ ក៏បានពិភាក្សាពីជំហានបន្ថែមទៀតក្នុងការធ្វើឲ្យស្ថានភាពនយោបាយមានប្រក្រតីភាពឡើងវិញនៅប្រទេសកម្ពុជា មុនការបោះឆ្នោតឃុំ-សង្កាត់នៅឆ្នាំ២០១៧៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។