មេ​ដឹកនាំ​បណ្ដាញ​សារព័ត៌មាន​សេរី​​វៀតតាន់​រង​ការ​វាយប្រហារ​ដោយ​ទឹកអាស៊ីដ​នៅ​កម្ពុជា

ដោយ អាស៊ីសេរី
2017-09-17
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
សេចក្តីប្រកាសព័ត៌មានផ្សាយតាមគេហទំព័ររបស់បណ្តាញសារព័ត៌មានសេរី វៀតតាន់ (Viet Tan)។
សេចក្តីប្រកាសព័ត៌មានផ្សាយតាមគេហទំព័ររបស់បណ្តាញសារព័ត៌មានសេរី វៀតតាន់ (Viet Tan)។
Screenshot

ភ្នាក់ងារ​សន្តិសុខ​វៀតណាម ​បាន​បើក​ការ​វាយប្រហារ​ដោយ​ស្រោច​ទឹក​អាស៊ីដ​ទៅ​លើ​ជនជាតិ​វៀតណាម ​ចំនួន​ ៤​នាក់​ នៅ​ក្នុង​ទឹកដី​ប្រទេស​កម្ពុជា​ ហើយ​ក្នុង​នោះ​មាន​ម្នាក់​ជា​សមាជិក​ជាន់ខ្ពស់​នៃ​បណ្ដាញ​សារព័ត៌មាន​សេរី​ វៀតតាន់​ (Viet Tan)។

បណ្ដាញ​សារព័ត៌មាន​​វៀតតាន់​ ចេញ​សេចក្ដីប្រកាស​ព័ត៌មាន​កាល​ពី​ថ្ងៃទី​១៤​ ខែ​កញ្ញា ​នេះ​ថា ភ្នាក់ងារ​សន្តិសុខ​វៀតណាម មួយ​ក្រុម​បាន​ជិះ​ម៉ូតូ​រួច​ជះ​ទឹក​អាស៊ីដ​ទៅ​លើ​ជន​រងគ្រោះ​ជនជាតិ​វៀតណាម ចំនួន ៤​រូប នៅ​រាត្រី​ថ្ងៃ​ទី​២​ ខែ​កញ្ញា​ កន្លង​ទៅ​ ខណៈ​ដែល​ពួកគេ​កំពុង​ដើរ​នៅ​តាម​ដង​វិថី​មួយ​ក្នុង​រាជធានី​ភ្នំពេញ។

លោក​ ង្វៀង ង៉ុកឌុក (Nguyen Ngoc Duc) ជា​សមាជិក​ម្នាក់​នៃ​ថ្នាក់​ដឹក​នាំ​បណ្ដាញ​សារព័ត៌មាន​សេរី​វៀតតាន់​ បាន​ទទួល​រងគ្រោះ​ធ្ងន់ធ្ងរ​ ហើយ​បច្ចុប្បន្ន​លោក​ត្រូវ​បាន​បញ្ជូន​ទៅ​ព្យាបាល​ជំងឺ​នៅ​ប្រទេស​បារាំង។ ដោយ​ឡែក​ជនរងគ្រោះ​ ៣​នាក់​ផ្សេង​ទៀត​ ទទួល​រង​នូវ​ការ​រលាក​ខ្លួន​ប្រាណ​ក្នុង​កម្រិត​ស្រាល។

លោក​ ង្វៀង​ ង៉ុកឌុក​ កើត​ក្នុង​ឆ្នាំ​១៩៥៥ ជា​វិស្វករ​កុំព្យូទ័រ​ ស្នាក់នៅ​ប្រទេស​បារាំង។ លោក​គឺ​ជា​សមាជិក​ជាន់​ខ្ពស់​ម្នាក់​របស់​បណ្ដាញ​សារព័ត៌មាន​សេរី​វៀតតាន់​ ហើយ​ជា​គ្រូ​បង្គោល​អំពី​ការ​កសាង​ចលនា​អហិង្សា​បែប​យុទ្ធសាស្ត្រ។

បណ្តាញ​សារព័ត៌មាន​វៀតតាន់​ ដែល​ធ្វើការ​ដើម្បី​លើក​កម្ពស់​សេរីភាព​បញ្ចេញ​មតិ​ និង​ប្រព័ន្ធ​ផ្សព្វផ្សាយ​សេរី​ក្នុង​ប្រទេស​វៀតណាម​ បាន​ហៅ​ទង្វើ​នេះ​ថា ជា​ភេរវកម្ម​គាំទ្រ​ដោយ​រដ្ឋអំណាច​វៀតណាម​ ហើយ​ថា ការ​វាយប្រហារ​ចុង​ក្រោយ​ពី​សំណាក់​ចារកម្ម​វៀតណាម ដោយ​ប្រើប្រាស់​ទឹកដី​កម្ពុជា ជា​ឈ្នាន់​នេះ​ គឺ​ជា​ការរំលោភ​ច្បាប់​អន្តរជាតិ​យ៉ាង​គឃ្លើន​ពី​សំណាក់​ប្រទេស​វៀតណាម​ មក​លើ​ប្រទេស​កម្ពុជា។

ក្នុង​ប៉ុន្មាន​ឆ្នាំ​ចុង​ក្រោយ​នេះ​ អាជ្ញាធរ​វៀតណាម​ បាន​សម្រេច​ប្រើ​វិធីសាស្ត្រ​គំរាមកំហែង​ ការ​បំភ័យ​រូបកាយ និង​អំពើ​ហិង្សា​ ដើម្បី​បំបិទ​មាត់​សកម្មជន​ និង​ក្រុម​អ្នក​ការពារ​សិទ្ធិ​មនុស្ស។

បណ្ដាញ​សារព័ត៌មាន​ដដែល​នេះ​ ក៏​បាន​ចេញ​មុខ​ថ្កោលទោស​ទង្វើរ​ខាង​លើ​នេះ​ ដោយ​អំពាវនាវ​ឲ្យ​សហគមន៍​អន្តរជាតិ​ ត្រូវ​ទាមទារ​ឲ្យ​រដ្ឋាភិបាល​ក្រុង​ហាណូយ ទទួល​ខុសត្រូវ​ចំពោះ​ករណី​រំលោភ​បំពាន​សិទ្ធិមនុស្ស​ធ្ងន់ធ្ងរ​មួយ​នេះ។

យោង​តាម​របាយការណ៍​​សេរីភាព​​អន្តរ​​សាសនា​​ឆ្នាំ​​២០១៦ ចេញ​ផ្សាយ​ដោយ​ក្រសួង​ការបរទេស​អាមេរិក កាល​ពី​ថ្ងៃ​ទី​១៥ ខែ​សីហា កន្លង​ទៅ ឲ្យ​ដឹង​​ថា ក្នុង​ឆ្នាំ​២០១៦ កន្លង​ទៅ អាជ្ញាធរ​ខ្មែរ​ក៏​ធ្លាប់​បាន​បើក​ដៃ​ឲ្យ​អាជ្ញាធរ​វៀតណាម សួរ​ចម្លើយ​ជនជាតិ​ដើម​ភាគតិច​ម៉ុងតាញ៉ា-​វៀតណាម កាន់​សាសនា​គ្រិស្ត​ប្រមាណ ១៥០​នាក់​នៅ​ក្នុង​ទីក្រុង​ភ្នំពេញ ខណៈ​ដែល​ពួក​គេ​កំពុង​ស្វះ​ស្វែងរក​សិទ្ធិ​ជ្រកកោន​ជា​ជន​ភៀស​ខ្លួន។ របាយការណ៍​ដដែល​ឲ្យ​ដឹង​ទៀត​ថា ករណី​នេះ​បណ្តាល​ឲ្យ​មាន​ចម្ងល់​ថា ហេតុ​អ្វី​បាន​ជា​អាជ្ញាធរ​ខ្មែរ​អនុញ្ញាត​ឲ្យ​អាជ្ញាធរ​បរទេស ធ្វើ​ការ​សួរ​ចម្លើយ​ជនជាតិ​ដើម​ភាគតិច​ម៉ុងតាញ៉ា​ទាំងនេះ​នៅ​ក្នុង​ទឹកដី​របស់​ខ្លួន​យ៉ាង​ដូច្នេះ?

អាជ្ញាធរ​ខ្មែរ​ ជាពិសេស​ក្រសួង​មហាផ្ទៃ​ នៅ​មិន​ទាន់​ឆ្លើយ​ចំពោះ​ការ​ចោទ​ប្រកាន់​នេះ​ នៅ​ឡើយ​ទេ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

ព័ត៌មាន (5)
  • បោះពុម្ព
  • ចែករំលែក
  • អ៊ីម៉ែល

ចៅចិត្ត

នៅពេលប្រទេសមួយអនុញ្ញាតឱ្យចារកម្មពីប្រទេសមួយផ្សេងទៀតប្រើដីរបស់ខ្លួនដើម្បីប្រព្រឹត្តភេរវកម្ម...
ហើយមេដឹកនាំមិនថ្កោលទោសឬតាមចាប់ភេរវជន..
ប្រទេសនោះមិនមែនជាប្រទេសឯករាជ្យទេ។

Sep 20, 2017 12:38 PM

អ្នក​អាន​អនាមិក

ពី ស្រុកបារាំង-ប៊កដូ

តាំងពីសតវត្យទី១៧(អំឡុងឆ្នាំ១៦១៨)មកម៉្លេះ ដែលយួនលូកដៃចូល ក្នុងមហិច្ឆតារំលោភយកស្រុកខ្មែរតាមគ្រប់មធ្យោបាយ ដើម្បីរំលាយបញ្ចូលឱ្យទៅជាស្រុករបស់គេ។ មកដល់ពេលនេះ នយោបាយលេបយកប្រទេសជិតខាង បានទទួលជោគជ័យ១០០%។ ខ្មែរនិលាវ នៅសល់តែឈ្មោះទេ, គ្រប់ស្ថាប័នរដ្ឋទាំងអស់ យួនជាអ្នកបញ្ជា--->យល់តែប៉ុណ្ណេះ អ្នកនឹងដឹងថា ស្រុកខ្មែរសព្វថ្ងៃ នរណាជាអ្នកគ្រប់គ្រង?

Sep 20, 2017 04:51 AM

អ្នក​អាន​អនាមិក

គេអាចធ្វើចារកម្មនៅស្រុកយើង បើមិនចាប់ ចេញសេចក្តីថ្លែងការ យើងដឹងហើយ យើងអាយ៉ងអត់? ចុះបើឃុបឃិតជាមួយបរទេស អោយធ្វើចារកម្ម ហៅថាអីវិញ?​

Sep 18, 2017 08:32 PM

អ្នក​អាន​អនាមិក

ការបើកដៃឲ្យជនបរទេសមកធ្វើឃាតកម្មលើដែនដីខ្មែរជាបទឧក្រិដ្ឋមួយដ៍ធ្ងន់ធ្ងរ។ រដ្ឋាភិបាលមិនមែនថាមិនដឹងទេ កុំប្រកែកឲ្យៃសោះ។ នេះក៍បង្ហាញថាយួនកំពុងតែលូកដៃកិច្ចការផ្ទៃក្នុងរបស់ខ្មែរ។ ការបង្ក្រាបសារព័ត៌មាននៅយួនដូចនៅខ្មែរដូច្នេះវាបង្ហាញឲ្យឃើញដែរថាយួននៅពីក្រោយអ្វីដែលកំពុងកើតឡើងនៅស្រុកខ្មែរ។

Sep 18, 2017 08:20 PM

អ្នក​អាន​អនាមិក

ហហា, ហ៊ុនសែនតើអ្នកអាចចាប់ខ្លួនជនជាតិវៀតណាមនេះបានទេឧក្រិដ្ឋកម្មនៅកម្ពុជាបោះចោលជាតិអាស៊ីដលើមនុស្ស? ឬសម្តេចហ៊ុនសែនអាចត្រឹមតែឃាត់ឃុំគណបក្សសង្គ្រោះជាតិរបស់គណបក្សសង្គ្រោះជាតិនិងលោកគីមសុខាដែលគ្មានកំហុស

Sep 17, 2017 08:15 PM

មើល​មតិ​ទាំង​អស់.

គេហទំព័រ​ទាំងមូល