ពិធីជួបជុំនៃអ្នកគាំទ្រគណបក្សសង្គ្រោះជាតិ នេះ បានប្រព្រឹត្តដោយរលូនទេ ទោះបីជាក្រោយពេលដែលអ្នកចូលរួមបានបែកខ្ញែកទៅ គេបានប្រទះឃើញគ្រាប់បែកដៃ ១គ្រាប់ នៅជិតកន្លែងដែលមេដឹកនាំគណបក្សសង្គ្រោះជាតិ បានជួបជុំនោះ។
មេដឹកនាំគណបក្សសង្គ្រោះជាតិ លោក សម រង្ស៊ី និង លោក កឹម សុខា បានធ្វើដំណើរមកកាន់ខេត្តសៀមរាប ជាលើកទីពីរ បន្ទាប់ពីការបោះឆ្នោតជ្រើសរើសតំណាងរាស្ត្រអាណត្តិទី៥ រួចមក។ ដំណើរមកកាន់ខេត្តសៀមរាប កាលពីព្រឹកថ្ងៃព្រហស្បតិ៍ ទី១២ ខែកញ្ញា ជួបជាមួយអ្នកគាំទ្រប្រមាណជាង ២ពាន់នាក់ នៅជិតវត្តគង់ម៉ុច ភូមិកក្រាញ់ នៃសង្កាត់សៀមរាប ក្រុងសៀមរាប គឺដើម្បីចង់ដឹងពីការសម្រេចចិត្តរបស់ម្ចាស់ឆ្នោត ថាតើគួរឱ្យគណបក្សសង្គ្រោះជាតិ ធ្វើមហាបាតុកម្មប្រឆាំងនឹងលទ្ធផលឆ្នោត ដែលប្រកាសដោយគណៈកម្មាធិការជាតិរៀបចំការបោះឆ្នោតដែរឬទេ?
លោក សម រង្ស៊ី ជាប្រធាននៃគណបក្សសង្គ្រោះជាតិ ថ្លែងថា ប្រជាពលរដ្ឋខ្មែរជាច្រើនបានចូលរួមទាំងកម្លាំងកាយ កម្លាំងចិត្ត និងថវិកា ដោយបោះឆ្នោតជូនគណបក្សសង្គ្រោះជាតិ។ លោកបន្តថា ជ័យជម្នះនេះ គឺជ័យជម្នះរបស់ប្រជាពលរដ្ឋខ្មែរ ក៏ប៉ុន្តែ វាមានភាពអយុត្តិធម៌ ដោយសារតែមានការលួចបន្លំលទ្ធផលឆ្នោត។
លោក សម រង្ស៊ី បានបញ្ជាក់ថា ដើម្បីឱ្យមានភាពយុត្តិធម៌ ហើយគណបក្សសង្គ្រោះជាតិ បានបម្រើប្រជាពលរដ្ឋខ្មែរ គឺគណបក្សនេះមានគម្រោងធ្វើមហាបាតុកម្មបន្តទៀត ចាប់ពីថ្ងៃទី១៥ ដល់ថ្ងៃទី១៧ ខែកញ្ញា ដើម្បីតវ៉ាចំពោះលទ្ធផលនៃការបោះឆ្នោត៖ «ប៉ុនកូនក្មេងក៏ចេះគិត ហើយបើអន្តរជាតិ ដែលជាអ្នកជំនាញគេរឹតតែច្បាស់ទៅទៀត។ គេថាសំឡេងគណបក្សសង្គ្រោះជាតិ ដែល គ.ជ.ប ប្រកាស ២លាន ៩សែនហ្នឹង សល់ពីការលួចសំណល់ទេ។ យើងគម្រោងទាមទារឱ្យទាល់តែបានការផ្លាស់ប្ដូរ យើងនឹងមានបាតុកម្ម យើងនឹងមានគម្រោងអីផ្សេងទៀត ប៉ុន្តែទាមទារឱ្យទាល់តែបាន។ ឥឡូវនេះ យើងចង់ស្ដាប់បងប្អូនប្រជាពលរដ្ឋម្ដង តើជំហរដែលយើងបានបញ្ជាក់ទាំង ២នាក់ អំបាញ់មិញ បងប្អូនគាំទ្រ ឬមិនគាំទ្រសូមឡើងមកបញ្ជាក់»។
ក្រុមប្រជាពលរដ្ឋអ្នករត់ម៉ូតូឌុប និងយុទ្ធជន ដែលចូលរួមស្ដាប់វេទិការបស់គណបក្សសង្គ្រោះជាតិ កាន់តែច្រើនឡើងៗ រហូតដល់ទៅជិត ១ម៉ឺននាក់ បានសម្ដែងការគាំទ្រឱ្យគណបក្សប្រឆាំងធ្វើមហាបាតុកម្មប្រឆាំងលទ្ធផលបោះឆ្នោត ដែល គ.ជ.ប បានប្រកាសជាផ្លូវការ កាលពីពេលថ្មីៗនោះ។
យុវជនម្នាក់បានឡើងថ្លែងថា លោកសុខចិត្តគាំទ្រទាំងថវិកា និងកម្លាំងកាយ ដើម្បីចូលធ្វើមហាបាតុកម្មនៅពេលខាងមុខ៖ «ខ្ញុំអត់អាចបង្ខំយុវជនឱ្យទៅទេ ប៉ុន្តែខ្ញុំនឹងទៅ ព្រោះអីខ្ញុំបានតាំងចិត្តរួចហើយ។ បើសិនជាមានមហាបាតុកម្មហ្នឹងជារៀងរហូត ខ្ញុំនឹងលាឈប់ពីការងារ គឺខ្ញុំត្រូវតែទៅ ព្រោះជាអនាគតរបស់ខ្ញុំ និងជាអនាគតកូនរបស់ខ្ញុំទៀត»។
១-អ្នកគាំទ្របក្សសង្គ្រោះជាតិ ថ្លែងទៅកាន់អ្នកគាំទ្រ។
២-អ្នកគាំទ្របក្សសង្គ្រោះជាតិ លើកបដា។
៣-អ្នកគាំទ្របក្សសង្គ្រោះជាតិ។
៤-អ្នកគាំទ្របក្សសង្គ្រោះជាតិ។
៥-អ្នកគាំទ្របក្សសង្គ្រោះជាតិ លើកដៃគាំទ្រ
៦-អ្នកគាំទ្របក្សសង្គ្រោះជាតិ។
៧-ព្រះសង្ឃថ្លែងទៅកាន់អ្នកចូលរួមវេទិកាបក្សសង្គ្រោះជាតិ។
៨-អ្នកគាំទ្របក្សសង្គ្រោះជាតិ។
៩-អ្នកគាំទ្រគណបក្សសង្គ្រោះជាតិ។
១០-អ្នកគាំទ្រគណបក្សសង្គ្រោះជាតិ។
១១-អ្នកគាំទ្របក្សសង្គ្រោះជាតិ។
១២-អ្នកគាំទ្របក្សសង្គ្រោះជាតិ និងអ្នកឃ្លាំមើលសិទ្ធិមនុស្ស។
១៣-អ្នកគាំទ្រស្វាគមន៍ លោក កឹម សុខា។
១៤-អ្នកគាំទ្រស្វាគមន៍ លោក សម រង្ស៊ី។
១៥-អ្នកគាំទ្របក្សសង្គ្រោះជាតិ។
១៦-លោក សម រង្ស៊ី និងលោក កឹម សុខា ថ្លែងទៅកាន់អ្នកគាំទ្រ។
១៧-អ្នកគាំទ្របក្សសង្គ្រោះជាតិ។
១៨-គ្រាប់បែកដែលប្រទះឃើញក្បែរវេទិកាបក្សប្រឆាំងជួបជុំ។
អនុប្រធានគណបក្សសង្គ្រោះជាតិ លោក កឹម សុខា បានថ្លែងថា លទ្ធផលនៃការបោះឆ្នោតដែល គ.ជ.ប ប្រកាសឱ្យគណបក្សប្រជាជនកម្ពុជា ឈ្នះនេះ គឺគណបក្សសង្គ្រោះជាតិ មិនទទួលស្គាល់ប្រជាពលរដ្ឋ និងអន្តរជាតិ ក៏មិនទទួលស្គាល់ទេ។ ប្រសិនបើគណបក្សសង្គ្រោះជាតិ ធ្វើមហាបាតុកម្មតវ៉ានៅពេលខាងមុខ ហើយនៅតែមិនមានដំណោះស្រាយ គឺជំហានទី២ សមាជិកដែលជាបេក្ខជនតំណាងរាស្ត្ររបស់គណបក្សសង្គ្រោះជាតិ ទាំងអស់ នឹងមិនចូលរួមប្រជុំបើកសភាដំបូងជាដាច់ខាត។ បញ្ហាបន្ទាប់ទៀត ប្រសិនបើសភាគណបក្សប្រជាជនកម្ពុជា ចំនួន ៦៨រូប ចូលប្រជុំ ហើយរៀបចំបង្កើតរដ្ឋាភិបាលតាមរូបមន្ត ៥០+១ នោះ មានន័យ គឺខុសនឹងគោលការណ៍លទ្ធិប្រជាធិបតេយ្យពហុបក្ស។
ក្រុមអ្នកឃ្លាំមើលក្រៅរដ្ឋាភិបាល និងសមត្ថកិច្ច បានប្រទះឃើញគ្រាប់បែកដៃ ១គ្រាប់ ដែលនៅជាប់របងវត្តគង់ម៉ុច ចម្ងាយប្រមាណ ៥០ម៉ែត្រ ពីវេទិកាដែលជាកន្លែងអ្នកចូលរួមបានឈរស្ដាប់កកកុញ។ ក្រុមអង្គការក្រៅរដ្ឋាភិបាលសង្ស័យថា គ្រាប់បែកដៃ ១គ្រាប់នោះ អាចជនណាម្នាក់យកទៅផ្លុងចោលក្នុងបំណងគំរាមអ្នកគាំទ្រគណបក្សប្រឆាំងឱ្យភ័យខ្លាច ក៏ប៉ុន្តែភ្លាមៗសមត្ថកិច្ចបានចេញមុខពន្យល់ថា គ្រាប់បែកដៃនោះ មានច្រែះចាប់ទំនងជាអាចផុសចេញពីគំនរដីថ្មីដែលគេទើបដឹកជញ្ជូនមកចាក់នៅក្បែររបងវត្ត មិនមែនការផ្លុងចោល ដើម្បីបំភិតបំភ័យក្រុមអ្នកចូលរួមវេទិកាគណបក្សប្រឆាំងនោះឡើយ។
អាជ្ញាធរខេត្តបាត់ដំបងបដិសេធសំណើបក្សសង្គ្រោះជាតិធ្វើការជួបប្រជុំគ្នា
ដោយ សួន សុផលមុន្នី
ខេត្តបាត់ដំបង៖ គណបក្សសង្គ្រោះជាតិ ប្រតិកម្មចំពោះអាជ្ញាធរខេត្តបាត់ដំបង ដែលបានបដិសេធសំណើសុំយកទីតាំងសាធារណៈនៅក្នុងខេត្តបាត់ដំបង សម្រាប់ធ្វើការជួបប្រជុំគ្នានៅល្ងាចថ្ងៃទី១២ និងព្រឹកថ្ងៃទី១៣ ខែកញ្ញា។ គណបក្សសង្គ្រោះជាតិ ចោទថា ការហាមប្រាមនេះ គឺជាទង្វើ និងជាសកម្មភាពរឹតត្បិតសិទ្ធិសេរីភាព ហើយបានរំលោភបំពានយ៉ាងធ្ងន់ធ្ងរលើរដ្ឋធម្មនុញ្ញ និងច្បាប់ស្ដីពីគណបក្សនយោបាយ។
សូមស្ដាប់សេចក្ដីរាយការណ៍របស់ លោក សួន សុផលមុន្នី៖
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។