អាជ្ញាធរ​ក្រុង​តាខ្មៅ​ហាម​សមាជិក​បក្ស​ប្រឆាំង​មិន​ឲ្យ​មក​ជួបជុំ​នៅ​វត្ត​ចាស់​ក្រុង​ភ្នំពេញ

ដោយ ទីន ហ្សាការីយ៉ា
2017.06.01
ឃោសនា សង្គ្រោះជាតិ ២០១៧ ៨៥៥ ការ​ជួបជុំ​សមាជិក​គណបក្ស​សង្រ្គោះជាតិ នៅ​មុខ​វត្ត​ពោធិយារាម ហៅ​វត្ត​ចាស់ ខណ្ឌ​ជ្រោយចង្វារ រាជធានី​ភ្នំពេញ នៅ​ថ្ងៃ​ទី២ ខែ​មិថុនា ឆ្នាំ​២០១៧។ RFA/Eang Vanna
RFA/Eang Vanna

អាជ្ញាធរ​ក្រុង​តាខ្មៅ​ឃាត់​រថយន្ត​របស់​សមាជិក​គណបក្ស​សង្រ្គោះជាតិ​ចំនួន​ពីរ​គ្រឿង ដែល​មាន​គ្នា​ជាង២០នាក់ មិន​អនុញ្ញាត​ឲ្យ​ធ្វើ​ដំណើរ​បន្ត​មក​ទីក្រុង​ភ្នំពេញ ដើម្បី​ជួបជុំ​គ្នា​នៅ​វត្ត​ចាស់ ដែល​ជា​ទីកន្លែង​គណបក្ស​សង្រ្គោះជាតិ​រៀបចំ​ក្បួនហែ​ឃោសនា​នៅ​រសៀល​ថ្ងៃ​ទី២ មិថុនា

សមាជិក​គណៈកម្មាធិការ​ប្រតិបត្តិ​គណបក្ស​សង្រ្គោះជាតិ ខេត្ត​តាកែវ លោក ដុស និច ឲ្យ​ដឹង​ថា អាជ្ញាធរ​ក្រុង​តាខ្មៅ ឃាត់​រថយន្ត​របស់​ពួកគាត់​តាំង​ម៉ោង​៨​ព្រឹក ដោយ​អាជ្ញាធរ​លើក​ហេតុផល​ថា គណៈកម្មាធិការ​ជាតិ​រៀបចំ​ការ​បោះឆ្នោត (..) មិន​អនុញ្ញាត​ឲ្យ​សមាជិក​គណបក្ស នយោបាយ​មក​ជួបជុំ​គ្នា​ហែ​ក្បួន​ឃោសនា​ឆ្លង​សង្កាត់​ទេ។ ទោះ​បី​ជា​យ៉ាង​នេះ​ក្ដី លោក បញ្ជាក់​ថា ថ្ងៃ​សុក្រ ទី២ មិថុនា​នេះ ជា​ការ​ជួបជុំ​គ្នា​ហែ​ក្បួន​ឃោសនា​ជា​ទ្រង់ទ្រាយ​ធំ​របស់​គណបក្ស​សង្រ្គោះជាតិ ដូច្នេះ​ពួកគាត់​ត្រូវ​ពុះពារ​មក​ជួបជុំ​គ្នា​នៅ​វត្ត​ចាស់​ឲ្យ​ខាង​តែ​បាន

..ប បាន​ចេញ​សេចក្ដី​ប្រកាស​ព័ត៌មាន​កាល​ពីថ្ងៃទី១ មិថុនា ថា គ.ជ.ប បាន​ចេញ​លិខិត​មួយ​ច្បាប់​ជូន​គណបក្ស​សង្រ្គោះជាតិ ពាក់ព័ន្ធ​នឹង​ការ​ហែ​ក្បួន​ឃោសនា​បោះឆ្នោត​នៅ​ថ្ងៃទី២ មិថុនា ឆ្នាំ២០១៧ ដែល​ជា​ថ្ងៃ​ចុង​បញ្ចប់​ឃោសនា​បោះឆ្នោត។ យោង​តាម​សំណើ​របស់​រដ្ឋបាល​សាលារាជធានី​ភ្នំពេញ គ.ជ.ប បាន​រំលឹក​ដល់​គណបក្សសង្រ្គោះជាតិ​ថា ប្រសិនបើ​គណបក្ស​សង្រ្គោះជាតិ​បាន​កៀរគរ​អ្នក​គាំទ្រ​ពី​តាម​ខេត្ត​តាកែវ កំពង់ឆ្នាំ កំពង់ចាម និង​ខេត្ត​ត្បូងឃ្មុំ មក​ចូលរួម​ដង្ហែ​ក្បួន​ឃោសនា​នៅ​រាជធានី​ភ្នំពេញ ដូច​ដែល​សាលារាជធានី​បាន​ទទួល​ព័ត៌មាន​មែន ជា​ហេតុ​ធ្វើ​ឲ្យ​កក​ស្ទះចរាចរ ប៉ះពាល់​ដល់​សណ្ដាប់ធ្នាប់​សាធារណៈ និង​ផ្ទុយ​ពី​កំណត់ហេតុ​ចុះថ្ងៃទី១ មិថុនា ឆ្នាំ២០១៧ រវាង​សាលាក្រុង គ.ជ.ប និង​គណៈកម្មាធិការប្រតិបត្តិ​គណបក្ស​សង្រ្គោះជាតិ​រាជធានី​ភ្នំពេញ។

ទោះ​បី​ជា​បែប​នេះ​ក្ដី នាយក​ប្រតិបត្តិ​នៃ​គណៈកម្មាធិការ​អព្យាក្រឹត និង​យុត្តិធម៌​ដើម្បី​ការ​បោះឆ្នោត​ដោយ​សេរី និង​ត្រឹមត្រូវ​នៅ​កម្ពុជា ឬ​ហៅ​ថាអង្គការ​និចហ្វិក (NICFEC) លោក សំ គន្ធាមី មាន​ប្រសាសន៍​ថា ការ​លើក​ហេតុ​ផល​របស់​គ.. និង​សាលារាជធានី​ភ្នំពេញ​នេះ ជា​ហេតុផល​ដើម្បី​កេង​ចំណេញ​នយោបាយ​ច្រើន​ជាង។ លោក​បញ្ជាក់​ថា ច្បាប់​បោះឆ្នោត​ជ្រើសរើស​ក្រុមប្រឹក្សា​ឃុំ​សង្កាត់ ពុំ​បាន​ហាម​ឃាត់​សមាជិក​គណបក្ស​នយោបាយ​ណាមួយ​ក្នុង​ការ​ហែ​ក្បួន​ឃោសនា ឆ្លង​ពី​តំបន់​មួយ​ទៅ​តំបន់​មួយទៀត​នោះ​ឡើយ។ លោក​បន្ថែម​ថា បើ​សិន​ជា​គ.. លើក​ពី​ការ​ហែ​ក្បួន​ឃោសនា​ចល័ត​ទីតាំង​មិន​បាន​ដូច្នេះ តើ​ប្រធាន​គណបក្ស​ដែល​ដើរ​ឃោសនា​តាម​បណ្ដា​ខេត្ត​នានា​នោះ ជា​រឿង​ខុស​ច្បាប់​ដែរ​ឬ​យ៉ាង​ណា?

សូម​ទស្សនា​ការ​ផ្សាយ​ពិសេស​នៃ​ការ​ហែ​ឃោសនា​ថ្ងៃ​ចុងក្រោយ​នា​រាជធានី​ភ្នំពេញ​ដូច​តទៅ



កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។