"អ្នក​កែ​រូបថត​ភរិយា​លោក ហ៊ុន សែន មិន​អាច​ចូល​ស្រុក​​បាន​ទេ"

ដោយ ប្រាជ្ញ ចេវ
2016-01-16
អ៊ីម៉ែល
មតិ
ចែករំលែក
បោះពុម្ព
  • បោះពុម្ព
  • ចែករំលែក
  • មតិ
  • អ៊ីម៉ែល
ប៊ុន រ៉ានី ហ៊ុន សែន ៦២០
ប្រធាន​កាកបាទ​ក្រហម​កម្ពុជា និង​ជា​ភរិយា​នាយករដ្ឋមន្ត្រី អ្នកស្រី ប៊ុន រ៉ានី ហ៊ុន សែន ពេល​ចូល​រួម​ក្នុង​ទិវា​ជាតិ​ប្រឆាំង​ការ​ជួញដូរ​មនុស្ស កាល​ពី​រសៀល​ថ្ងៃ​ទី​១២ ខែ​ធ្នូ ឆ្នាំ​២០១៥ នា​រាជធានី​ភ្នំពេញ។
RFA/Brach Chev

មន្ត្រី​ជាន់​ខ្ពស់​នៃ​ក្រសួង​មហាផ្ទៃ ថា នៅ​ពេល​នេះ​សមត្ថកិច្ច​ទទួល​តម្រុយ​មួយ​ដែល​អាច​កំណត់​អត្តសញ្ញាណ​អ្នក​ដែល​កែ​រូប​ជើង​ភរិយា​លោក ហ៊ុន សែន។ អ្នក​នាំ​ពាក្យ​ក្រសួង​មហាផ្ទៃ លោក ខៀវ សុភ័គ ឲ្យ​វិទ្យុ​អាស៊ីសេរី ដឹង​នៅ​ថ្ងៃ​ទី​១៦ ខែ​មករា ថា អ្នក​ប្រព្រឹត្ត​នោះ​នឹង​ស្លាប់​ចោល​ឆ្អឹង​នៅ​ស្រុក​​គេ ព្រោះ​មិន​អាច​វិល​ចូល​ស្រុក​ខ្មែរ​វិញ​បាន។

អ្នក​នាំ​ពាក្យ​ក្រសួង​មហាផ្ទៃ លោក ខៀវ សុភ័គ ឲ្យ​ដឹង​ថា ជន​ដែល​កែ​រូប​ជើង​ភរិយា​របស់​លោក ហ៊ុន សែន ជា​បុគ្គល​មាន​សញ្ជាតិ​ពីរ និង​ជា​ពលរដ្ឋ​ខ្មែរ​ដែល​ទៅ​រស់​នៅ​ក្រៅ​ប្រទេស។ ប៉ុន្តែ​លោក​មិន​បញ្ជាក់​ថា ជន​នោះ​កំពុង​រស់​នៅ​ប្រទេស​ណា សញ្ជាតិ​អ្វី​ខ្លះ ឬ​ក៏​ជា​បុរស ឬ​ស្ត្រី​ឡើយ។ លោក​បន្ត​ថា សមត្ថកិច្ច​កម្ពុជា កំពុង​សហការ​ជាមួយ​ប៉ូលិស​អន្តរជាតិ (Interpol)  ដើម្បី​ធ្វើ​រឿង​នេះ៖ «យើង​មាន​តម្រុយ​ហើយ​ជន​ស្លាប់​ចោល​ឆ្អឹង​នៅ​ស្រុក​គេ ហើយ​បើ​មក នឹង​ត្រូវ​ប៉ូលិស​ចាប់»

លោក ខៀវ សុភ័គ បន្ត​ថា ជន​ដែល​ប្រព្រឹត្ត​នោះ ជា​សកម្មជន​របស់​គណបក្ស​ប្រឆាំង។ ទាក់ទង​រឿង​នេះ​ដែរ កាល​ពី​ពេល​ថ្មីៗ​នេះ គណបក្ស​សង្គ្រោះ​ជាតិ បាន​អំពាវនាវ​ដល់​ក្រុម​ដឹកនាំ​សកម្មជន និង​អ្នក​គាំទ្រ​គណបក្ស​សង្គ្រោះ​ជាតិ បញ្ចេញ​មតិ​លើ​ប្រព័ន្ធ​ផ្សព្វ​ប្រកប​ដោយ​ភាព​ថ្លៃថ្នូរ។

ប្រធាន​អង្គការ​វេទិកា​អនាគត លោក អ៊ូ វីរៈ ថា ទង្វើ​របស់​អ្នក​ប្រើ​ហ្វេសប៊ុក (Facebook) ដែល​កែ​រូប​ជើង​អ្នកស្រី ប៊ុន រ៉ានី ជា​មនុស្ស​គ្មាន​សីលធម៌ ប៉ុន្តែ​លោក​ក៏​មិន​យល់​ស្រប​ចំពោះ​វិធានការ​របស់​សមត្ថកិច្ច​នៅ​ពេល​នេះ​ដែរ។ លោក​យល់​ថា ទង្វើ​របស់​អ្នកលេង​ហ្វេសប៊ុក ធ្វើ​មិន​ខុស​ច្បាប់​ទេ ហើយ​ទង្វើ​នោះ គួរ​សង្គម​ថ្កោលទោស មិន​មែន​ច្បាប់​ជា​អ្នក​ថ្កោលទោស​ទេ៖ «មិន​គួរ​អ្វី​ដែល​ខុស​ច្បាប់​ទេ គ្រាន់​តែ​រូប​ទៅ​ធ្វើ​ថ្លុក​ហ្នឹង ព្រោះ​អី​នឹង​រាល​ដាល​សូម្បី​តែ​ការ​បញ្ចេញ​មិត​ល្មមៗ ក៏​ឈាន​ដល់​ការ​ចាប់​ខ្លួន​ដែរ គឺ​គំរាម​កំហែង​ដល់​សេរីភាព​បញ្ចេញ​មតិ​បណ្ដាញ​សង្គម»

​កាល​ពី​ថ្ងៃ​ទី​៣០ ខែ​ធ្នូ បន្ទាប់​ពី​គេហទំព័រ​ហេ្វសប៊ុក បាន​បង្ហោះ​រូប​លំហែ​កម្សាន្ត​ជុំ​គ្រួសារ​នៅ​លើ​ឆ្នេរ​ខ្សាច់​មាត់​សមុទ្រ​ខេត្ត​ព្រះសីហនុ មាន​អ្នក​ប្រើប្រាស់​ហ្វេសប៊ុក បាន​កែ​រូប​ភរិយា​របស់​លោក​ពី​រូប​ឈរ​ធម្មតា ទៅ​ជា​ឈរ​មិន​សមរម្យ។ លោក ហ៊ុន សែន ហៅ​ទង្វើ​នេះ​ថា គឺ​ជា​មនុស្ស​មក​ពី​គណបក្ស​ប្រឆាំង​ជ្រុល​និយម​មួយ​ចំនួន និង​សកម្មជន​បក្ស​ប្រឆាំង។

នាយក​ប្រតិបត្តិ​នៃ​ក្លឹប​អ្នក​កាសែត លោក ឆាយ សុផល គាំទ្រ​ការ​ចាត់​វិធានការ​របស់​សមត្ថកិច្ច​នៅ​ពេល​នេះ។ ទោះ​បែប​នេះ​ក្ដី លោក​យល់​ថា សមត្ថកិច្ច​ត្រូវ​ចាត់​ការ​ទៅ​លើ​រឿង​គ្រប់​ករណី មិន​រង់​ចាំ​តែ​ករណី​ភរិយា​របស់​លោក ហ៊ុន សែន ទេ៖ «នេះ​ជា​សមត្ថកិច្ច​របស់​អាជ្ញាធរ ប៉ុន្តែ​ខ្ញុំ​ចង់​អំពាវនាវ បើ​ធ្វើ​ត្រូវ​ធ្វើ​ឲ្យ​ស្មើ​ភាព​ដែរ»

ការ​កែ​រូប​លោក ហ៊ុន សែន លោក សម រង្ស៊ី ឬ​រូប​លោក កឹម សុខា ហើយ​ដាក់​លើ​បណ្ដាញ​សង្គម មិន​មែន​ជា​រឿង​ថ្មី​នៅ​នោះ​ទេ ប៉ុន្តែ​អ្វី​ដែល​ថ្មី​នោះ គឺ​លោក ហ៊ុន សែន បញ្ចេញ​ប្រតិកម្ម​ទៅ​អ្នក​លេង​ហ្វេសប៊ុក ដែល​ធ្វើ​ឲ្យ​ប៉ះពាល់​ដល់​លោក។

កាល​ពី​ថ្ងៃ​ទី​៩ ខែ​មករា តុលាការ​ខេត្ត​កំពង់ធំ បាន​សម្រេច​ឃុំ​ខ្លួន​យុវជន​ដែល​គំរាម​សម្លាប់​លោក​នាយករដ្ឋមន្ត្រី ហ៊ុន សែន ដាក់​ពន្ធនាគារ​យុវជន​ម្នាក់​ដែល​ជា​ជនសង្ស័យ​គំរាម​សម្លាប់​លោក​នាយករដ្ឋមន្ត្រី ហ៊ុន សែន តាម​ហ្វេសប៊ុក (Facebook) ត្រូវ​បាន​ព្រះរាជអាជ្ញា​រង​សាលាដំបូង​រាជធានី​ភ្នំពេញ ចោទ​ប្រកាន់​ចំនួន ២​ករណី គឺ​ករណី​គំរាម​សម្លាប់ និង​ការ​ប្រមាថ៕

កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

មតិ (16)
  • បោះពុម្ព
  • ចែករំលែក
  • អ៊ីម៉ែល

អ្នក​អាន​អនាមិក

I don't want to go back to your excellent country,more corruption,know nothing as a leader for more than 30 years,lost some land to Vietnam,eviction own people from their land,no democracy at all just fake election you be a leader all the time.Your country is different from Thailand.








Feb 04, 2016 11:40 PM

អ្នក​អាន​អនាមិក

ពី កោះត្រល់

អ្នកមានអំណាចក្នុងដៃ គេតែងតែប្រើប្រាស់អំណាចនោះ ដើម្បីការពារកិត្តិយសមុខមាត់របស់បុគ្គលខ្លួនឯង ចុះអ្នកអត់អំណាចវិញ?

Jan 19, 2016 06:51 AM

អ្នក​អាន​អនាមិក

Why arrest innocent people when there are criminals running the country.

Anyway, who let this monster out, who? who? who?

Jan 17, 2016 03:13 PM

អ្នក​អាន​អនាមិក

ក្នុងរូបដែលគេកាត់តនោះ ឃើញជើងប៊ុន រ៉ានីពិតជាបានឈរចំទែងមែន ស្រមោលជើងនៅពីក្រោយ និងក្រឡាឥថពីរផ្ទាំងនៅចន្លោះជើងឈរ បញ្ជាក់ថារូបថតដើម ក៏ប៊ុន រ៉ានីបានឈរចំទែងជើងដែរ ស្ដាយណាស់រូបដើមត្រូវគេលាក់បាត់ បើឃើញទាន់ដឹងសខ្មៅមិនខាន

Jan 17, 2016 10:43 AM

អ្នក​អាន​អនាមិក

មុខ ឃាតករ ឈាមត្រជាក់ សម្លាប់អ្នក ស្នេហា ត្រីកោណ !

Jan 17, 2016 08:20 AM

មើល​មតិ​ទាំង​អស់.

គេហទំព័រ​ទាំងមូល