សេចក្ដីប្រកាសព័ត៌មានរបស់ស្ថានទូតជប៉ុន ប្រចាំកម្ពុជា បានឲ្យដឹងថា វគ្គបណ្ដុះបណ្ដាលនេះរៀបចំនៅវិទ្យាស្ថានហ្វឹកហ្វឺនបណ្ដុះបណ្ដាលកងកម្លាំងរក្សាសន្តិភាព នាស្រុកឧត្តុង្គ ខេត្តកំពង់ស្ពឺ ចាប់ផ្ដើមពីថ្ងៃទី៣ ខែធ្នូ ឆ្នាំ២០១៣ ដល់ថ្ងៃទី១៨ ខែមីនា ឆ្នាំ២០១៤។
លោក ប្រាក់ សុខុន ប្រធានគណៈកម្មាធិការជាតិសម្របសម្រួលកិច្ចការបញ្ជូនកងកម្លាំងចូលរួមបេសកកម្មរក្សាសន្តិភាពរបស់អង្គការសហប្រជាជាតិ និងលោក យូជិ គូម៉ាម៉ារ៉ូ ឯកអគ្គរាជទូតជប៉ុនប្រចាំកម្ពុជា បានចូលរួមបើកវគ្គហ្វឹកហ្វឺននេះ។
ស្ថានទូតជប៉ុនបានឲ្យដឹងថា វគ្គបណ្ដុះបណ្ដាលនេះ ក្រោមកិច្ចព្រមព្រៀងរវាងរដ្ឋាភិបាលជប៉ុន និងកម្ពុជា ស្ដីពីកិច្ចសហប្រតិបត្តិការហ្វឹកហ្វឺន និងអប់រំក្នុងវិស័យប្រតិបត្តិការរក្សាសន្តិភាពរបស់អង្គការសហប្រជាជាតិ ដែលបានចុះហត្ថលេខាកាលពីថ្ងៃទី១៦ ខែវិច្ឆិកា ឆ្នាំ២០១៣ នៅក្នុងឱកាសដំណើរទស្សនកិច្ចរបស់លោក ស៊ីនហ្សូ អាបេ នាយករដ្ឋមន្ត្រីប្រទេសជប៉ុន មកកម្ពុជា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។