កម្ពុជានិងបង់ក្លាដេស (Bangladesh) ចុះហត្ថលេខាទ្វេភាគីលើឯកសារចំនួន ៤ ខាងវិស័យពាណិជ្ជកម្ម ឧស្សាហកម្ម កសិកម្ម និងវប្បធម៌ ដើម្បីពង្រឹងកិច្ចសហប្រតិបត្តិការជាមួយគ្នា ទៅអនាគត។
សារព័ត៌មានបង់ក្លាដែសឈ្មោះ ឌឺ ឌែលីស្ដារ (The Daily Star) ចុះផ្សាយនៅថ្ងៃទី១៨ មិថុនា ថា កិច្ចព្រមព្រៀងទាំងនោះ គឺ៖ អនុស្សរណៈនៃការយោគយល់គ្នា (MoU) ស្ដីពីការបង្កើតគណៈកម្មការចម្រុះ សម្រាប់ជំរុញកិច្ចសហប្រតិបត្តិការទ្វេភាគី។ អនុស្សរណៈសម្រាប់ជំរុញលើការការពារវិនិយោគ។ អនុស្សរណៈលើវិស័យវប្បធម៌ និងអនុស្សរណៈផ្នែកវិទ្យាសាស្ត្រ និងបច្ចេកទេស លើវិស័យកសិកម្ម។
ការចុះហត្ថលេខានេះ ធ្វើឡើងនៅក្នុងដំណើរទស្សនកិច្ចជាផ្លូវការនៃភាគីកម្ពុជា ដែលដឹកនាំដោយលោកនាយរដ្ឋមន្ត្រី ហ៊ុន សែន រយៈពេល៣ ថ្ងៃ នៅបង់ក្លាដេស៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖
ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។